ಅಶ್ವಿನಿ ಪುನೀತ್ ಹಿಂದೆ ಬಿದ್ದಿದ್ದಾರೆ ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ಪಕ್ಷದ ನಾಯಕರು..! ಯಾಕೆ ಗೊತ್ತಾ..?

Ashwini Puneeth Rajkumar: ಅಶ್ವಿನಿ ಪುನೀತ್ ರಾಜಕುಮಾರ್ ರಾಜಕೀಯ ಎಂಟ್ರಿ ಪಕ್ಕನಾ ಅನ್ನೋ ಪ್ರಶ್ನೆ ಇದೀಗ ಬಹಳಷ್ಟು ಚರ್ಚೆ ಆಗುತ್ತಿದೆ. ಅಪ್ಪು ಹಾದಿಯಲ್ಲೇ ಅಶ್ವಿನಿ ಪುನೀತ್​ ರಾಜ್​ಕುಮಾರ್​ ಸಾಗುವ ಮೂಲಕ ದೊಡ್ಮನೆ ಗೌರವನ್ನು ಮತ್ತಷ್ಟು ಹೆಚ್ಚಿಸಿದ್ದಾರೆ.

ಡಾ. ರಾಜ್​ಕುಮಾರ್​ ಕನ್ನಡದ ಮೇರು ನಟ.. ಅಣ್ಣಾವ್ರು ವ್ಯಕ್ತಿ ಅಲ್ಲ ಒಂದು ಶಕ್ತಿ ಅನ್ನೋದು ಗೋಕಾಕ್​ ಚಳುವಳಿಯಲ್ಲಿ ಎಲ್ಲರಿಗೂ ಗೊತ್ತಾಯಿತು. ಇಡೀ ಅಣ್ಣಾವ್ರ ಕುಟುಂಬ ಸರಳತೆಯಿಂದಲೇ ಬದುಕುತ್ತಿದ್ದಾರೆ. ಅಣ್ಣಾವ್ರು ಯಾವತ್ತೂ ರಾಜಕೀಯದ ಕಡೆ ನೋಡಲಿಲ್ಲ.. ಅಭಿಮಾನಿಗಳ ಪ್ರೀತಿಯನ್ನು ವೋಟಾಗಿಸಿ ಕೊಳ್ಳೋದಕ್ಕೆ ಒಪ್ಪಲಿಲ್ಲ.. ಅಲ್ಲದೆ ಅಣ್ಣಾವ್ರಿಗೆ ಬಂದ ರಾಜಕೀಯದ ಅಫರ್​ಗಳನ್ನು ನಯವಾಗಿ ತಿರಸ್ಕರಿಸಿ ತನ್ನ ಅಭಿಮಾನಿ ದೇವರುಗಳ ಹೃದಯಗೆದ್ದ ದೇವಾತ ಮನುಷ್ಯ. 

ಇದನ್ನೂ ಓದಿ- Ashwini Puneet Rajkumar: ಅಶ್ವಿನಿ ಪುನೀತ್ ರಾಜ್ ಕುಮಾರ್ ಧರಿಸಿರುವ ಈ ವಾಚ್ ಯಾವುದು? ಅದರ ಬೆಲೆ ಎಷ್ಟು ಗೊತ್ತಾ?

ಇದಲ್ಲದೆ ಅಣ್ಣಾವ್ರ ನಂತರ ಪವರ್​ಸ್ಟಾರ್​ ಪುನೀತ್​ ರಾಜ್​ಕುಮಾರ್​ ಅವರಲ್ಲಿ ಡಾ.. ರಾಜ್​ಕುಮಾರ್​ ಅವರನ್ನು ಕಂಡ ಅಭಿಮಾನಿಗಳು ಅಣ್ಣಾವ್ರಿಗೆ ಕೊಟ್ಟಿದ್ದ ಪ್ರೀತಿ ಮತ್ತು ಅಭಿಮಾನವನ್ನು ಅಪ್ಪುಗೆ ಧಾರೆ ಎರೆದಿದ್ರು.. ಅಪ್ಪುವನ್ನ ರಾಜಕೀಯಕ್ಕೆ ಕರೆತರಲು ಸಾಕಷ್ಟು ಪ್ರಯತ್ನ ನಡೆದರೂ ಅಪ್ಪು ಇದ್ಯಾವುದಕ್ಕೂ ಒಪ್ಪಲಿಲ್ಲ. ಇನ್ನು ಅಪ್ಪು ಅಗಲಿಕೆ ನಂತ್ರ ದೊಡ್ಮನೆ ದೇವರುಗಳು ಅಶ್ವಿನಿ ಪುನೀತ್​ ರಾಜ್​ಕುಮಾರ್​ ಅವರಲ್ಲೇ ಅಪ್ಪು ಅವರನ್ನು ಕಾಣುತ್ತಿದ್ದಾರೆ. ಅಪ್ಪುಗೆ ತೋರಿದ್ದ ಅಭಿಮಾನ ಪ್ರೀತಿಯನ್ನು ಕೊಟ್ಟಿದ್ದಾರೆ.. ಅಲ್ಲದೆ ಅಶ್ವಿನಿ ಪುನೀತ್​ ರಾಜ್​ಕುಮಾರ್ ಕೂಡ ತಮ್ಮ ಮಾವ ಡಾ.ರಾಜ್​ ಕುಮಾರ್​ ಅತ್ತೆ ಪಾರ್ವತಮ್ಮ, ಪತಿ ಪುನೀತ್​ ರಾಜ್​ಕುಮಾರ್​ ಅವರ ಹಾದಿಯಲ್ಲೇ ಸಾಗುವ ಮೂಲಕ ಜನಮನಗೆದ್ದಿದ್ದಾರೆ. 

ಇದನ್ನೂ ಓದಿ- ಅಪ್ಪು ʼನೆನಪಿನ ಸಾಗರದಲ್ಲಿ' ಪತ್ರ ಬರೆದ ಅಶ್ವಿನಿ ಪುನೀತ್ ರಾಜ್‌ಕುಮಾರ್‌

ಇದಲ್ಲದೆ ಅಪ್ಪು ನಿಧನದ ನಂತರ ದೊಡ್ಮನೆ ಅಭಿಮಾನಿಗಳು ಹಾಗೂ ಕನ್ನಡಿಗರು ಅಶ್ವಿನಿ ಪುನೀತ್​ ರಾಜ್​ಕುಮಾರ್​ ಅವರಿಗೆ  ತೋರುತ್ತಿರುವ ಪ್ರೀಯನ್ನು ಮನಗಂಡಿರುವ ರಾಜಕೀಯ ಪಕ್ಷಗಳು ( ಬಿಜೆಪಿ, ಕಾಂಗ್ರೇಸ್, ಮತ್ತು ಜೆಡಿಎಸ್​)  ಅಶ್ವಿನಿ ಪುನೀತ್​ ರಾಜ್​ಕುಮಾರ್ ಅವರನ್ನು ಏನಾದ್ರು ಮಾಡಿ ತಮ್ಮ ಪಕ್ಷಕ್ಕೆ ಕರೆತಂದು ಜನರ ಪ್ರೀತಿಯನ್ನ ವೋಟ್​ ಬ್ಯಾಂಕ್​ ಮಾಡಿಕೊಳ್ಳಲ್ಲು ಪ್ರಯತ್ನ ಮಾಡಿವೆ. ಆದರೆ ಅಶ್ವಿನಿ ಪುನೀತ್​ ರಾಜ್​ಕುಮಾರ್​ ರಾಜಕೀಯ ಪಕ್ಷಗಳ ಒತ್ತಡಕ್ಕೆ ಮಣಿಯದೆ, ಅಣ್ಣಾವ್ರು ಮತ್ತು ಅಪ್ಪು ಸಾಗಿದ್ದ ಹಾದಿಯಲ್ಲೇ ಸಾಗಿ  ರಾಜಕೀಯಕ್ಕೆ ಬರೋದಿಲ್ಲ ಅಂತ ರಾಜಕೀಯದಿಂದ ದೂರ ಉಳಿದು ದೊಡ್ಮನೆ ಗೌರವ ಮತ್ತು ಅಭಿಮಾನಿಗಳ ಪ್ರೀತಿ ಎರಡಕ್ಕೂ ದಕ್ಕೆ ಬಾರದಂತೆ ದೊಡ್ಡ ನಿರ್ಧಾರ ತೆಗೆದು ಕೊಂಡಿದ್ದಾರೆ.