Ponniyin Selvan 2: ಪೊನ್ನಿಯಿನ್ ಸೆಲ್ವನ್ 2 ಚಿತ್ರಕ್ಕೆ ಸಂಕಷ್ಟ.. ಕೃತಿಚೌರ್ಯ ಆರೋಪ!!

Ponniyin Selvan 2 : ಪೊನ್ನಿಯಿನ್ ಸೆಲ್ವನ್ 2 ಚಿತ್ರ ಬಿಡುಗಡೆಯಾದ ನಂತರ ಗಲ್ಲಾಪೆಟ್ಟಿಗೆಯಲ್ಲಿ ಅಬ್ಬರದ ಪ್ರದರ್ಶನ ನೀಡುತ್ತಿದೆ. 200 ಕೋಟಿ ಗಳಿಸಿದ ನಂತರ ಇದ್ದಕ್ಕಿದ್ದಂತೆ ಚಿತ್ರದ ಮೇಲೆ ಸಂಕಷ್ಟದ ಕತ್ತಿ ಆವರಿಸಿಕೊಂಡಿದೆ. ಪೊನ್ನಿಯಿನ್ ಸೆಲ್ವನ್ 2 ಚಿತ್ರದಲ್ಲಿ ವೀರ-ವೀರ ಎಂಬ ಹಾಡು ಇದ್ದು, ಅದರ ಬಗ್ಗೆ ವಿವಾದ ಮುನ್ನೆಲೆಗೆ ಬಂದಿದೆ. ಈ ಹಾಡಿಗೆ ಸಂಬಂಧಿಸಿದಂತೆ,  ಗಾಯಕ ಉಸ್ತಾದ್ ವಾಸಿಫುದ್ದೀನ್ ದಾಗರ್ ಅವರು ವೀರ-ವೀರ ಹಾಡಿನ ರಾಗವು ತನ್ನ ತಂದೆಯ ಶಿವನ ಹೊಗಳಿಕೆಯ ಹಾಡಿನಂತೆಯೇ ಇದೆ ಎಂದು ಹೇಳಿದ್ದಾರೆ. ಪೊನ್ನಿಯಿನ್ ಸೆಲ್ವನ್ 2 ಹಾಡಿನ ವಿವಾದವು ಅತ್ಯಂತ ವೇಗವಾಗಿ ಸುದ್ದಿಯಾಗುತ್ತಿದೆ. 

ಇದನ್ನೂ ಓದಿ: ಪಡ್ಡೆ ಹುಡುಗರನ್ನ ಕಾಡುತಿದೆ ಕಣ್ಸನ್ನೆ ಬೆಡಗಿಯ ಕಪಟ ನೋಟ, ಮೈಮಾಟ..!

ಪೊನ್ನಿಯಿನ್ ಸೆಲ್ವನ್ 2 ಸಿನಿಮಾದ ವೀರ ವೀರ ಹಾಡನ್ನು ಎಆರ್ ರೆಹಮಾನ್ ಸಂಯೋಜಿಸಿದ್ದಾರೆ, ಶಂಕರ್ ಮಹದೇವನ್, ಕೆಎಸ್ ಚಿತ್ರಾ ಮತ್ತು ಹರಿಣಿ ಹಾಡಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಉಸ್ತಾದ್ ವಾಸಿಫುದ್ದೀನ್ ದಾಗರ್ ಅವರು ತಮ್ಮ ತಂದೆ ಮತ್ತು ಚಿಕ್ಕಪ್ಪ ಶಿವನನ್ನು ಸ್ತುತಿಸಿ ಹಾಡಿದ ರೀತಿಯಲ್ಲಿಯೇ ಈ ಹಾಡನ್ನು ಸಂಯೋಜಿಸಲಾಗಿದೆ ಎಂದು ಆರೋಪಿಸಿದ್ದಾರೆ. ಹಾಲೆಂಡ್ ಉತ್ಸವದ ಭಾಗವಾಗಿ 1978 ರಲ್ಲಿ ಸ್ತುತಿಯನ್ನು ಮೊದಲ ಬಾರಿಗೆ ರೆಕಾರ್ಡ್ ಮಾಡಲಾಗಿದೆ ಎಂದು ವಾಸಿಫುದ್ದೀನ್ ಹೇಳುತ್ತಾರೆ. 1978 ರ ಸ್ತುತಿಯ ರೆಕಾರ್ಡಿಂಗ್ ಅನ್ನು ರಾಯಲ್ ಟ್ರಾಪಿಕಲ್ ಇನ್‌ಸ್ಟಿಟ್ಯೂಟ್ 1996 ರಲ್ಲಿ ಎರಡು-ಸಿಡಿ ಸೆಟ್‌ನಲ್ಲಿ ಬಿಡುಗಡೆ ಮಾಡಿತು ಎಂದು ಉಸ್ತಾದ್ ವಾಸಿಫುದ್ದೀನ್ ಹೇಳುತ್ತಾರೆ. 

ಇದನ್ನೂ ಓದಿ:  ಇವರೇ ನೋಡಿ ರಶ್ಮಿಕಾ ಮಂದಣ್ಣ ಫೇವರೆಟ್ ಕ್ರಿಕೆಟರ್ ಹಾಗೂ IPL ತಂಡ

ವರದಿಗಳ ಪ್ರಕಾರ, ಪೊನ್ನಿಯಿನ್ ಸೆಲ್ವನ್ 2 ರ ವೀರ-ವೀರ ಹಾಡಿಗೆ ಮರಾಜ್ ಟಾಕೀಸ್ ಮತ್ತು ರೆಹಮಾನ್ ನಮ್ಮ ಕುಟುಂಬದಿಂದ ಅನುಮತಿ ಪಡೆದಿದ್ದರೆ, ನಾನು ಎಂದಿಗೂ ನಿರಾಕರಿಸುತ್ತಿರಲಿಲ್ಲ. ಆದರೆ ನಿಮ್ಮ ಆರ್ಥಿಕ ಲಾಭಕ್ಕಾಗಿ ಇಂತಹ ಕೆಲಸಗಳನ್ನು ಮಾಡುವುದು ಸಂಪೂರ್ಣವಾಗಿ ತಪ್ಪು. ಈ ಸಂಯೋಜನೆಯನ್ನು ತಾಂಡವ ರೂಪದಲ್ಲಿ ಎತ್ತಿಕೊಂಡು ಹಾಡಲಾಗಿದೆ. ಭಾಗಗಳ ಜೋಡಣೆಯಲ್ಲಿ ಮಾತ್ರ ವ್ಯತ್ಯಾಸವಿದೆ ಎನ್ನುತ್ತಾರೆ ವಾಸಿಫುದ್ದೀನ್.

ವೀರ ವೀರ ಹಾಡಿಗೆ ಕೃತಿಚೌರ್ಯ ಆರೋಪ ಮಾಡಿದ ಬೆನ್ನಲ್ಲೇ ಉಸ್ತಾದ್ ವಾಸಿಫುದ್ದೀನ್ ಅವರು ಎ.ಆರ್ ರೆಹಮಾನ್ ಅವರಿಗೆ ಪತ್ರವನ್ನೂ ಬರೆದಿದ್ದಾರೆ. ಮತ್ತೊಂದೆಡೆ, ಈ ವಿವಾದದ ಬಗ್ಗೆ ಪ್ರತಿಕ್ರಿಯಿಸಿದ ಮದ್ರಾಸ್ ಟಾಕೀಸ್ ಮತ್ತು ಮಣಿರತ್ನಂ ಇಡೀ ವಿಷಯವನ್ನು ಸುಳ್ಳು ಎಂದು ಹೇಳಿದ್ದಾರೆ ಮತ್ತು ಹಕ್ಕುಸ್ವಾಮ್ಯ ಹಕ್ಕನ್ನು ನಿರಾಕರಿಸಿದ್ದಾರೆ.

ಇದನ್ನೂ ಓದಿ: ನ್ಯೂಯಾರ್ಕ್ ನಲ್ಲಿ ಮುತ್ತಿನ ಅಲಂಕಾರದ ವೈಟ್ ಗೌನ್ ನಲ್ಲಿ ಮಿಂಚಿದ ಆಲಿಯಾ