almann Khan : ನಾನು ಮದುವೆಯಾಗದೇ ತಂದೆಯಾಗಲು ಬಯಸಿದ್ದೆ.. ಆದ್ರೆ, ಈ ದೇಶದ ಕಾನೂನು ಬಿಡಲಿಲ್ಲ..!

Salman Khan want be Father : ಬಾಲಿವುಡ್‌ ನಟ ಸಲ್ಮಾನ್ ಖಾನ್ ಮದುವೆ, ಡೇಟಿಂಗ್‌, ಲವ್‌ ಕುರಿತು ಹಲವಾರು ವಿಚಾರಗಳು ಆಗಾಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಲೇ ಇರುತ್ತವೆ. ಇತ್ತಿಚೀಗೆ ಅವರು ನಟಿ ಪೂಜಾ ಹೆಗ್ಡೆ ಜೊತೆ ಲವ್‌ನಲ್ಲಿದ್ದು, ಇಬ್ಬರು ಮದುವೆಯಾಗ್ತಾರೆ ಎನ್ನುವ ಸುದ್ದಿ ಹಬ್ಬಿತ್ತು ನಂತರ ಪೂಜಾ ಅದಕ್ಕೆ ಪುಲ್‌ ಸ್ಟಾಪ್‌ ಇಟ್ಟಿದ್ದರು. ಇದೀಗ ಸ್ವತಃ ಸಲ್ಮಾನ್‌ ಖಾನ್‌ ತನ್ನ ಜೀವನದ ವ್ಯಯಕ್ತಿಕ ವಿಚಾರಗಳ ಕುರಿತು ಮಾತನಾಡಿದ್ದು, ಚರ್ಚೆಗೆ ಕಾರಣವಾಗುತ್ತಿವೆ.

ಆಪ್ ಕಿ ಅದಾಲತ್ ಕಾರ್ಯಕ್ರಮದಲ್ಲಿ ಸಲ್ಮಾನ್ ಖಾನ್‌ ಭಾಗವಹಿಸಿದ್ದರು. ಅಲ್ಲಿ ಅವರು ತಮ್ಮ ಜೀವನದ ಬಗ್ಗೆ ಕೆಲವೊಂದಿಷ್ಟು ಮಾಹಿತಿಗಳನ್ನು ಹಂಚಿಕೊಂಡಿದ್ದರು. ಇವುಗಳ ಪೈಕಿ ಅವರ ಮದುವೆ ವಿಚಾರವು ಒಂದಾಗಿತ್ತು. ನನಗೆ ಮದುವೆಯ ಬಗ್ಗೆ ತಿಳಿದಿಲ್ಲ. ಆದರೆ, ಮಕ್ಕಳ ಬಗ್ಗೆ ಒಮ್ಮೆ ಯೋಚಿಸಿದೆ ಎಂದು ಹೇಳಿದ್ದಾರೆ. ಹೌದು.. ಸಲ್ಮಾನ್ ಖಾನ್ ಅವರು ತಂದೆಯಾಗಲು ಬಯಸಿದ್ದರಂತೆ ಅಲ್ಲದೆ, ದೇಶದ ಕಾನೂನು ಅದಕ್ಕೆ ಅವಕಾಶ ನೀಡದ ಕಾರಣ ಆ ಆಸೆ ಈಡೇರಲಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ʼಸಮಂತಾʼ ಹಿಂದಿಕ್ಕಿದ ʼಕನ್ನಡತಿ ರಶ್ಮಿಕಾʼ..! ನ್ಯಾಷುನಲ್‌ ಕ್ರಶ್‌ ಈಗ ʼಕೈಗೆಟುಕದ ನಕ್ಷತ್ರʼ

ಸಲ್ಮಾನ್ ಖಾನ್ ಮಕ್ಕಳನ್ನು ತುಂಬಾ ಪ್ರೀತಿಸುತ್ತಾರೆ ಎಂದು ಎಲ್ಲರಿಗೂ ತಿಳಿದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಹ ಅವರು ತಮ್ಮ ಸಹೋದರಿ ಅರ್ಪಿತಾ ಮಕ್ಕಳೊಂದಿಗಿರುವ ಹಲವು ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ನಮ್ಮ ತಂದೆ ತಾಯಿಗೆ ಸೊಸೆ ಸಿಗ್ತಾಳೋ ಇಲ್ಲವೋ ಎಂಬುದೇ ಮನೆಯವರಿಗೆ ಗೊತ್ತಿಲ್ಲ ಆದರೆ, ನಾನು ಮಗುವಿನ ಬಗ್ಗೆ ಯೋಚಿಸುತ್ತಿದ್ದೆ. ಆದರೆ, ಕಾನೂನು ಅಡ್ಡಿಯಿಂದ ಇದು ಸಾಧ್ಯವಾಲಿಲ್ಲ ಎಂದು ಹೇಳಿದ್ದಾರೆ. ಮಗುವಿಗೆ ತಾಯಿಯ ಅಗತ್ಯವಿಲ್ಲ, ಅವರೇ ಮಕ್ಕಳನ್ನು ತಾಯಿಯಂತೆ ನೋಡಿಕೊಳ್ಳುತ್ತಾರಂತೆ.