Shah Rukh Khan : ನಿಮ್ಮ ಪತಿಗೆ ನಮ್ಮ ವಿಚಾರ ಹೇಳಿದ್ರಾ?‌ ಶಾರುಖ್‌ ಈ ನಟಿಗೆ ಮಾಡಿದ ಮೆಸೇಜ್‌ ವೈರಲ್.!

Actress Renuka Shahane Post on Pathaan : ನಟಿ ರೇಣುಕಾ ಶಹಾನೆ ಅವರು ತಮ್ಮ ಪತಿ, ನಟ ಅಶುತೋಷ್ ರಾಣಾ ಅವರ ಜೊತೆ ಶಾರುಖ್‌ ಖಾನ್‌ ಅಭಿನಯದ ಪಠಾಣ್‌ ಸಿನಿಮಾ ವೀಕ್ಷಿಸಿದ್ದಾರೆ. ಈ ಫೋಟೋಗಳನ್ನು ಅವರ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಭಾನುವಾರ ಟ್ವಿಟರ್‌ನಲ್ಲಿಅಶುತೋಷ್‌ ಜಪತೆ ಕ್ಲಿಕ್ಕಿಸಿಕೊಂಡ ಸೆಲ್ಫಿಯನ್ನು ಪೋಸ್ಟ್‌ ಮಾಡಿದ್ದಾರೆ. ನಟ ಶಾರುಖ್ ಖಾನ್ ತಮ್ಮ 'ಮೊದಲ ನಾಯಕಿ' ಎಂದು ರೇಣುಕಾ ಅವರ ಕಾಲೆಳೆದಿದ್ದಾರೆ. ಈ ಪೋಸ್ಟ್‌ ಎಲ್ಲಡೆ ವೈರಲ್‌ ಆಗುತ್ತಿದೆ. 

ಪಠಾಣ್‌ನಲ್ಲಿ ಕರ್ನಲ್ ಸುನಿಲ್ ಲೂತ್ರಾ ಪಾತ್ರವನ್ನು ಅಶುತೋಷ್ ರಾಣಾ ನಿರ್ವಹಿಸಿದ್ದಾರೆ. ನಟಿ ರೇಣುಕಾ ಅವರು ಶಾರುಖ್‌ ಖಾನ್‌ ಅವರ ಮೊದಲ ಹೀರೋಯಿನ್‌. ತಮ್ಮ ಮೊದಲ ನಟಿಯ ಪೋಸ್ಟ್‌ಗೆ ಪ್ರತಿಕ್ರಿಯಿಸಿರುವ ಕಿಂಗ್‌ ಖಾನ್‌, "ಕರ್ನಲ್ ಲೂತ್ರಾ ಅವರಿಗೆ ನೀವು ನನ್ನ ಮೊದಲ ನಾಯಕಿ ಎಂದು ಹೇಳಿದ್ದೀರಾ? ಅಥವಾ ನಾವು ಅದನ್ನು ರಹಸ್ಯವಾಗಿಡಬೇಕೇ? ಇಲ್ಲದಿದ್ದರೆ ಅವರು ನನ್ನನ್ನು ಕೆಲಸದಿಂದ ತೆಗೆದುಹಾಕಬಹುದು!!!" ಎಂದು ಬರೆದಿದ್ದಾರೆ. ನಟ ಶಾರುಖ್ ಮತ್ತು ನಟಿ ರೇಣುಕಾ ಅವರು 1989 ರ ದೂರದರ್ಶನ ಸರಣಿ ಸರ್ಕಸ್‌ನಲ್ಲಿ ಕ್ರಮವಾಗಿ ಶೇಖರನ್ ರೈ ಮತ್ತು ಮಾರಿಯಾ ಪಾತ್ರವನ್ನು ನಿರ್ವಹಿಸಿದರು.

ಪಠಾಣ್‌ನಲ್ಲಿ ಶಾರುಖ್ RAW ಏಜೆಂಟ್‌ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಅಶುತೋಷ್ RAW ಜಂಟಿ ಕಾರ್ಯದರ್ಶಿ ಕರ್ನಲ್ ಲೂತ್ರಾ ಆಗಿ ಕಾಣಿಸಿಕೊಂಡಿದ್ದಾರೆ. ಸಿದ್ಧಾರ್ಥ್ ಆನಂದ್ ನಿರ್ದೇಶನದ, ಪಠಾಣ್ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಪೋಲೀಸ್ ಪಾತ್ರದಲ್ಲಿ ನಟಿಸಿದ್ದಾರೆ. ಜಾನ್ ಅಬ್ರಹಾಂ ಚಿತ್ರದಲ್ಲಿ ಪ್ರತಿನಾಯಕನಾಗಿ ನಟಿಸಿದ್ದಾರೆ. ಇವರಲ್ಲದೆ, ಚಿತ್ರದಲ್ಲಿ ಡಿಂಪಲ್ ಕಪಾಡಿಯಾ ಕೂಡ ನಟಿಸಿದ್ದಾರೆ. ಸ್ಪೈ ಥ್ರಿಲ್ಲರ್ ಸಿನಿಮಾ ಜನವರಿ 25 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.