Srinidhi Shetty : ಸದ್ದಿಲ್ಲದೇ ಮದುವೆಯಾದ್ರಾ KGF ರೀನಾ..? ಸೋಷಿಯಲ್‌ ಮಿಡಿಯಾದಲ್ಲಿ ಬಿಸಿಬಿಸಿ ಚರ್ಚೆ

Srinidhi Shetty : ಭಟ್ಟರ ಮನೆ ಹುಡುಗಿ ಬೆಂಗಳೂರಿನ ಜೈನ್‌ ಯೂನಿವರ್ಸಿಟಿಯಲ್ಲಿ ಎಲೆಕ್ಟ್ರಿಕಲ್‌ ಇಂಜಿನಿಯರಿಂಗ್‌ ಪದವಿ ಪಡೆದ ಮಂಗಳೂರು ಚೆಲುವೆ ಶ್ರೀನಿಧಿ ಶೆಟ್ಟಿ. ಇವರು ಕೆಲಕಾಲ ಬೆಂಗಳೂರಿನ ಖ್ಯಾತ ಸಾಪ್ಟ್‌ವೇರ್‌ ಕಂಪನಿ ʼಆಕ್ಸೆಂಚರ್‌ʼನಲ್ಲಿ ಕೆಲಸ ಮಾಡಿದ್ದರು. ಇನ್ನು ಈ ಸಮಯದಲ್ಲೇ ನಟಿ ಮಾಡೆಲಿಂಗ್‌ನ್ನು ಸ್ಟಾರ್ಟ್‌ ಮಾಡಿದ್ದರು.

ಹಲವಾರು ಕಿರಿಟಗಳನ್ನು ಮುಡಿಗೇರಿಸಿಕೊಂಡ ಈ ಚೆಲುವೆ ಕೆಜಿಎಫ್‌ ಸಿನಿಮಾ ಮೂಲಕ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಪ್ರೇಕ್ಷಕರ ಗಮನ ಸೆಳೆದರು. ಇನ್ನು ಅಭಿಮಾನಗಳ ಪ್ರೀತಿಯ ರೀನಾ ಸದ್ದಿಲ್ಲದೇ ಮದುವೆಯಾಗಿದ್ದಾರಾ..? ಎನ್ನುವ ಪ್ರಶ್ನೆ ಎಲ್ಲರಿಗೂ ಕಾಡುತ್ತಿದೆ. ಅಲ್ಲದೇ ಅವರಿಗೆ ಈಗಾಗಲೇ ಮದುವೆಯಾಗಿದೆಯಾ..? ಎನ್ನುವ ಪ್ರಶ್ನೆಗಳನ್ನು ಹಾಕುತ್ತಿದ್ದಾರೆ. ಇದಕ್ಕೆಲ್ಲಾ ಕಾರಣ ಶ್ರೀನಿಧಿ ಹಂಚಿಕೊಂಡಿರುವ ಇನ್‌ಸ್ಟಾಗ್ರಾಂ ಪೋಸ್ಟ್‌.

ಹೌದು ನಟಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಳದಿ ಬಣ್ಣದ ಸಲ್ವಾರ್‌ ನಲ್ಲಿ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಅದರಲ್ಲಿ ಅವರು ಬೈತಲೆಯಲ್ಲಿ ಸಿಂಧೂರ ಹಚ್ಚಿಕೊಂಡಿದ್ದಾರೆ. ಸಮಾನ್ಯವಾಗಿ ಮದುವೆಯಾದ ಮಹಿಳೆಯರು ಮಾತ್ರ ಸಿಂಧೂರ ಹಚ್ಚಿಕೊಳ್ಳುತ್ತಾರೆ. ಅದೇ ಕಾರಣಕ್ಕೆ ನೆಟ್ಟಿಗರು ಅವರ ಪೋಟೋಗಳಿಗನ್ನು ನೋಡಿ ಆಶ್ಚರ್ಯದಿಂದ ಪ್ರಶ್ನೆ ಮಾಡಿದ್ದಾರೆ.

ಹರಿದಾಡುತ್ತಿರುವ ಶ್ರೀನಿಧಿ ಶೆಟ್ಟಿ ಅವರ ಮದುವೆ ವಿಷಯ ಸುಳ್ಳು. ಕೆಲ ಯುವತಿಯರು ಮದುವೆಯಾಗದಿದ್ದರೂ ಬೈತಲೆಗೆ ಕುಂಕುಮವನ್ನು ಇಟ್ಟುಕೊಳ್ಳುತ್ತಾರೆ. ಹಾಗೇಯೇ ನಟಿಯೂ ಕೂಡ ಕುಂಕುಮ ಹಚ್ಚಿಕೊಂಡಿದ್ದಾರೆ ಎಂದು ಕೆಲವರು ಕಾಮೆಂಟ್‌ಗಳ ಮೂಲಕ ಕ್ಲಾರಿಟಿ ನೀಡುತ್ತಿದ್ದಾರೆ. ಇನ್ನು ಚರ್ಚೆಗೆ ಬಗ್ಗೆ ನಟಿ ಪ್ರತಿಕ್ರಿಯೆ ಕೊಡುತ್ತಾರಾ ಕಾದು ನೋಡಬೇಕಿದೆ.