SS Rajamouli : ಪಾಕ್‌ ಹೆಜ್ಜೆ ಹಿಡಿಲು ಬಿಟ್ಟಿದ್ರೆ ʼಮೊಹಂಜಾದಾರೋʼ ಕಥೆ ಬಿಚ್ಚಿಡುತ್ತಿದ್ದೆ..!

SS Rajamouli : ಸ್ಟಾರ್‌ ಡೈರೆಕ್ಟರ್‌ ಎಸ್‌.ಎಸ್‌. ರಾಜಮೌಳಿ ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. ಆರ್‌ಆರ್‌ಆರ್‌ ಸಿನಿಮಾದ ಮೂಲಕ ಪ್ರಪಂಚದಾದ್ಯಂತ ಹೆಸರುವಾಸಿಯಾಗಿರುವ ನಿರ್ದೇಶಕ. ಅಲ್ಲದೆ, ಪ್ರತಿಷ್ಠಿತ ಪ್ರಶಸ್ತಿ ಆಸ್ಕರ್‌ಗೆ ಭಾಜನರಾದವರು. ಇತಿಹಾಸ ಆಧಾರಿತ ಸಿನಿಮಾಗಳ ಮೂಲಕ ಸಿನಿರಸಿಕರ ಗಮನ ಸೆಳೆಯುವ ನಿರ್ದೇಶಕ ಇದೀಗ ಸಿಂಧೂ, ಹರಪ್ಪಾ, ಮೊಹಂಜದಾರೋ ಕುರಿತು ನೀಡಿರುವ ಹೇಳಿಕೆ ಒಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. 

ಹೌದು.. ಟ್ವಿಟರ್‌ನಲ್ಲಿ ಆನಂದ್ ಮಹೀಂದ್ರಾ ಅವರು ರಾಜಮೌಳಿ ಅವರಿಗೆ ಸಿಂಧೂ, ಹರಪ್ಪಾ, ಮೊಹಂಜದಾರೋ ಮುಂತಾದ ಪುರಾತನ ನಾಗರಿಕತೆಗಳ ಮೇಲೆ ಸಿನಿಮಾ ನಿರ್ಮಿಸುವಂತೆ ಟ್ಟೀಟ್‌ ಮೂಲಕ ಸಲಹೆ ನೀಡಿದರು. ಇದಕ್ಕೆ ರಾಜಮೌಳಿ ಕೂಡ ಪ್ರತಿಕ್ರಿಯಿಸಿದ್ದಾರೆ. ಧೋಳವೀರದಲ್ಲಿ ಮಗಧೀರ ಸಿನಿಮಾದ ಶೂಟಿಂಗ್ ವೇಳೆ ಪುರಾತನ ಮರವೊಂದನ್ನು ನೋಡಿದ್ದೆ.. ಅದು ಪಳೆಯುಳಿಕೆಯಾಗಿ ಮಾರ್ಪಟ್ಟಿತ್ತು. ಆ ಮರದ ಮೂಲಕ ಸಿಂಧೂ ನಾಗರೀಕತೆಯನ್ನು ವಿವರಿಸುವ ಸಿನಿಮಾ ಮಾಡಬೇಕೆಂದುಕೊಂಡಿದ್ದೆ.. ನಂತರ ಕೆಲ ವರ್ಷಗಳ ನಂತರ ಪಾಕಿಸ್ತಾನಕ್ಕೆ ಹೋದೆ.. ಮೊಹಂಜಾದಾರೋ ನೋಡಲು ಪ್ರಯತ್ನಿಸಿದೆ.. ಅನುಮತಿ ಸಿಗಲಿಲ್ಲ.. ಒಳಗೆ ಹೋಗಲು ಬಿಡಲಿಲ್ಲ ಎಂದು ರಾಜಮೌಳಿ ಹೇಳಿದ್ದಾರೆ.

ಇದನ್ನೂ ಓದಿ:ಖ್ಯಾತ ವೀಣಾ ಗಾಯಕಿ ಶ್ರೀವಾಣಿಯ ವೀಣೆ‌ಯಲ್ಲಿ ಮೂಡಿತು ಕಾಂತಾರ ಸಿನಿಮಾ ಹಾಡು: ವಿಡಿಯೋ ವೈರಲ್

ಈಗಾಗಲೇ ಆನಂದ್ ಮಹೀಂದ್ರ ಪ್ರಾಜೆಕ್ಟ್ ಕೆ ಚಿತ್ರಕ್ಕೆ ಸಾಕಷ್ಟು ಸಹಾಯ ಮಾಡುತ್ತಿದ್ದಾರೆ. ಪ್ರಾಜೆಕ್ಟ್ ಕೆ ಮೂಲಕ ನಾಗ್ ಅಶ್ವಿನ್ ಹೊಸದನ್ನು ರಚಿಸಲಿರುವಂತೆ ತೋರುತ್ತಿದೆ. ಈ ಚಿತ್ರಕ್ಕೆ ಅವರೇ ಇಂಜಿನಿಯರಿಂಗ್ ಹೆಡ್ ಗಳನ್ನೂ ಕೊಟ್ಟಿದ್ದಾರಂತೆ. ನಾಗ್ ಅಶ್ವಿನ್ ಕಾರುಗಳು ಮತ್ತು ಕಾರ್ ಟೈರ್‌ಗಳನ್ನು ಹೊಸದಾಗಿ ಸಿದ್ಧಪಡಿಸುತ್ತಿದ್ದಾರೆ. ಹಾಗಾಗಿ ಆನಂದ್ ಮಹೀಂದ್ರ ಈಗ ಸಿನಿಮಾ ವಿಷಯಗಳ ಬಗ್ಗೆ ಹೆಚ್ಚು ಪ್ರತಿಕ್ರಿಯಿಸುತ್ತಿದ್ದಾರೆ.