ಮದುವೆಯಾಗಲಿರುವ ರಾಮ್ ಪೋತಿನೇನಿ... ವಧು ಯಾರು?

Ram Pothineni Marriage Date: ರಾಮ್ ಪೋತಿನೇನಿ ತೆಲುಗು ಚಿತ್ರರಂಗದ ಸುಂದರ ನಟರಲ್ಲಿ ಒಬ್ಬರು. ದೇವದಾಸ್ ಚಿತ್ರದ ಮೂಲಕ ತೆಲುಗು ಪ್ರೇಕ್ಷಕರಿಗೆ ಪರಿಚಯವಾದ ಈ ಹೀರೋ ನಂತರ ಅದೆಷ್ಟೋ ಹುಡುಗಿಯರ ಕನಸಿನ ರಾಜಕುಮಾರನಾದರು. ಇದೀಗ ಈ ನಾಯಕ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಬಂದಿದೆ.

2006 ರಲ್ಲಿ ದೇವದಾಸ್ ಚಿತ್ರದ ಮೂಲಕ ಹೀರೋ ಆಗಿ ಎಂಟ್ರಿ ಕೊಟ್ಟ ರಾಮ್ ಪೋತಿನೇನಿ ತೆಲುಗು ಪ್ರೇಕ್ಷಕರಿಗೆ ಪರಿಚಯವಾದರು. ಮೊದಲ ಚಿತ್ರದಲ್ಲೇ ಉತ್ತಮ ಯಶಸ್ಸನ್ನು ಪಡೆದರು. ವೈವಿಎಸ್ ಚೌಧರಿ ನಿರ್ದೇಶನದ ಈ ಚಿತ್ರದಲ್ಲಿ ನಟಿ ಇಲಿಯಾನಾ ನಾಯಕಿಯಾಗಿ ನಟಿಸಿದ್ದಾರೆ.

ಅನೇಕ ಚಿತ್ರಗಳಲ್ಲಿ ಕಾಣಿಸಿಕೊಂಡ ರಾಮ್ ಪೋತಿನೇನಿ ತೆಲುಗು ಪ್ರೇಕ್ಷಕರ ಮನಸ್ಸಿನಲ್ಲಿ ಚಾಕೊಲೇಟ್ ಬಾಯ್ ಎಂಬ ಹೆಸರನ್ನು ಪಡೆದರು. ರಾಮ್ ಪೋತಿನೇನಿ ಕ್ಲಾಸಿ.. ಮಾಸ್ ಚಿತ್ರಗಳನ್ನೂ ಮಾಡಿದ್ದಾರೆ. 

ಇದನ್ನೂ ಓದಿ: ಅಭಿಮಾನಿಗಳಿಗೆ ನಿತ್ಯ ದಾಸೋಹ..! ಕಾಣಲು ಬಂದವರನ್ನು ಎಂದಿಗೂ ಉಪವಾಸ ಕಳುಹಿಸಿಲ್ಲ ʼದೇವತಾಮನುಷ್ಯʼ

ಕೆಲವು ದಿನಗಳಿಂದ ರಾಮ್ ಪೋತಿನೇನಿ ಸಿನಿಮಾಗಳು ಬಾಕ್ಸ್‌ ಆಫೀಸ್‌ನಲ್ಲಿ ಕಮಾಲ್‌ ಮಾಡುತ್ತಿಲ್ಲ. ಸ್ಮಾರ್ಟ್ ಶಂಕರ್ ಮತ್ತು ರೆಡ್ ಚಿತ್ರಗಳ ಮೂಲಕ ಸತತ ಎರಡು ಯಶಸ್ಸನ್ನು ಪಡೆದ ಈ ನಾಯಕ, ಆ ನಂತರ ಫ್ಲಾಪ್‌ಗಳಿಂದ ಕಂಗಾಲಾಗಿದ್ದಾರೆ. 

ರಾಮ್ ಪೋತಿನೇನಿ ನಟನೆಯ ದಿ ವಾರಿಯರ್, ಸ್ಕಂದ ಮತ್ತು ಡಬಲ್ ಸ್ಮಾರ್ಟ್ ಸಿನಿಮಾಗಳು ಸತತ ಮೂರು ಫ್ಲಾಪ್‌ಗಳನ್ನು ಪಡೆದಿವೆ. ಶೀಘ್ರದಲ್ಲೇ 22 ನೇ ಚಿತ್ರದ ಮೂಲಕ ಮತ್ತೊಮ್ಮೆ ಪ್ರೇಕ್ಷಕರನ್ನು ರಂಜಿಸಲು ಬರಲಿದ್ಧಾರೆ.  

ರಾಮ್ ಪೋತಿನೇನಿಗೆ ಈಗ 36 ವರ್ಷ. ಅವರ ವಯಸ್ಸಿನ ಎಲ್ಲಾ ಹೀರೋಗಳು ಈಗಾಗಲೇ ಮದುವೆಯಾಗಿರುವುದರಿಂದ ರಾಮ್ ಪೋತಿನೇನಿ ಯಾವಾಗ ಮದುವೆಯಾಗುತ್ತಾರೆ ಎಂಬ ಅನುಮಾನ ಅನೇಕರಿಗೆ ಇದೆ. ಈಗ ಈ ಪ್ರಶ್ನೆಗೆ ಪೂರ್ಣವಿರಾಮ ಬಿದ್ದಂತಿದೆ. 

ಸದ್ಯದ ಮಾಹಿತಿ ಪ್ರಕಾರ.. ರಾಮ್ ಪೋತಿನೇನಿ ಸದ್ಯದಲ್ಲೇ ಮದುವೆಯಾಗಲಿದ್ದಾರೆ. ಆದರೆ ಆ ಹುಡುಗಿ ಸಿನಿಮಾ ಹಿನ್ನೆಲೆಯಿಂದ ಬಂದವರಲ್ಲ. ಕೆಲವು ವರ್ಷಗಳಿಂದ ರಾಮ್ ಪೋತಿನೇನಿ ಸ್ನೇಹಿತೆಯಾಗಿದ್ದ ಹುಡುಗಿಯಂತೆ.

ರಾಮ್ ಪೋತಿನೇನಿ ಪ್ರೀತಿಯನ್ನು ಎರಡೂ ಮನೆಯವರು ಒಪ್ಪಿದ್ದಾರೆ. ಮುಂದಿನ ವರ್ಷದ ಆರಂಭದಲ್ಲಿ ಇಬ್ಬರ ನಿಶ್ಚಿತಾರ್ಥ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಬಳಿಕ ರಾಮ್ ಪೋತಿನೇನಿ ತಮ್ಮ ಮನದರಸಿಯ ಜೊತೆ ಸಪ್ತಪದಿ ತುಳಿಯಲಿದ್ದಾರೆ.