ʼದಿ ಕಾಶ್ಮೀರಿ ಫೈಲ್ಸ್‌ʼ ನಿರ್ದೇಶಕನ ʼದಿ ವ್ಯಾಕ್ಸಿನ್‌ ವಾರ್‌ʼ ಚಿತ್ರದ ಫಸ್ಟ್‌ ಲುಕ್‌ ಪೋಸ್ಟರ್‌ ರಿಲೀಸ್‌

First Look Poster : ವಿವೇಕ್‌ ಅಗ್ನಿಹೋತ್ರಿ ಅವರ ನಿರ್ದೇಶನದಲ್ಲಿ 2022ರಲ್ಲಿ ತೆರೆಕಂಡ ಸಿನಿಮಾ ʼದಿ ಕಾಶ್ಮೀರಿ ಫೈಲ್ಸ್‌ʼ ಸಿನಿಮಾದ ನಂತರ ʼದಿ ವ್ಯಾಕ್ಸಿನ್ ವಾರ್ʼ ಎಂಬ ಮಾರಕ ಕೊರೊನಾ ಸೋಂಕಿಗೆ ಮದ್ದು ಅರೆದ ಭಾರತದ ವಿಜ್ಞಾನಿಗಳ ಸಾಧನೆಯನ್ನು ಅನಾವರಣಗೊಳಿಸುವ ಮತ್ತೊಂದು ನೈಜ ಘಟನಾಧಾರಿತ ಚಿತ್ರವನ್ನು ನಿರ್ದೇಶಿಸಿದ್ದಾರೆ. 

ಇದು ಭಾರತದ ಮೊಟ್ಟ ಮೊದಲ ಬಯೋ-ಸೈನ್ಸ್‌ ಚಲನಚಿತ್ರವಾಗಿದ್ದು, ಇದರ ಮೊದಲ ಪೋಸ್ಟರ್‌ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಈ ಪೋಸ್ಟರ್‌ನಲ್ಲಿ ಅನುಪಮ್‌ ಖೇರ್‌, ಸಪ್ತಮಿ ಗೌಡ, ನಾನಾ ಪಾಟೇಕರ್‌, ರೈಮಾ ಸೇನ್‌ ಮತ್ತು ಪಲ್ಲವಿ ಜೋಶಿ ಸೇರಿದಂತೆ ಚಿತ್ರದ ಇತರರು ಇದ್ದಾರೆ.

ನಮ್ಮ ವಿಜ್ಞಾನಿಗಳು ಹೇಗೆ ಲ್ಯಾಬ್‌ಗಳಲ್ಲೇ ಕಳೆದು ತ್ಯಾಗ ಬಲಿದಾನಕ್ಕಾಗಿ ಹೋರಾಟ ನಡೆಸಿದರು ಮತ್ತು ಕೊರೊನಾಗೆ ಯಶಸ್ವಿ ಲಸಿಕೆಯನ್ನು ಕಂಡುಹಿಡಿದ ಭಾರತೀಯ ವಿಜ್ಞಾನಿಗಳಿಗೆ ಮತ್ತು ವೈದ್ಯರಿಗೆ ಅರ್ಪಿಸುವುದು ಈ ಚಲನಚಿತ್ರದ ಉದ್ದೇಶವಾಗಿದೆ. ಚಿತ್ರವು 10ಕ್ಕೂ ಅಧಿಕ ಭಾಷೆಗಳಲ್ಲಿ 28 ಸೆಪ್ಟೆಂಬರ್‌ 2023 ರಂದು ವಿಶ್ವದಾದ್ಯಂತ ಬಿಡುಗಡೆಗೊಳ್ಳಲಿದೆ. 

ಇದನ್ನು ಓದಿ - Shah Rukh Khan: ಮೊಬೈಲ್ ನಂಬರ್ ಹಂಚಿಕೊಂಡ ಶಾರುಖ್, ನೀವೂ ಮಾತಾಡಬೇಕೇ? ಈ ಟೈಮ್‌ಗೆ ಕಾಲ್‌ ಮಾಡಿ..

ನಿರ್ದೇಶಕ ವಿವೇಕ್‌ ರಂಜನ್‌ ಅಗ್ನಿಹೋತ್ರಿ ಅವರು ಫಸ್ಟ್‌ ಲುಕ್‌ ಪೋಸ್ಟರ್‌ನ್ನು ತಮ್ಮ X ಖಾತೆಯಲ್ಲಿ (ಹಿಂದೆ ಟ್ವಿಟರ್‌) ಮತ್ತು ಇನ್ಸ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.