Watch: ಹಾಲಿವುಡ್ ನಟ ಜಾನ್ ಟ್ರಾವೋಲ್ಟಾ ಎದುರು ಸಲ್ಮಾನ್ ಖಾನ್ ಪರಿಚಯಿಸಿಕೊಂಡಿದ್ದು ಹೇಗಿತ್ತು ಗೊತ್ತೇ?

ಮುಂಬೈ: ಭಾರತೀಯ ಸಿನಿಮಾರಂಗದ ಬಾಕ್ಸ್ ಆಫೀಸ್ ಸುಲ್ತಾನ್ ಎಂದೇ ಹೆಸರು ಪಡೆದುಕೊಂಡಿರುವ ಸಲ್ಮಾನ್ ಖಾನ್ ಜಗತ್ತಿನಲ್ಲೆಡೆ ಅಪಾರವಾದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ.

ಅವರ ಅಭಿಮಾನಿ ಬಳಗವು ಯಾವುದೇ ಹಾಲಿವುಡ್ ನಟರಿಗಿಂತಲೂ ಕಡಿಮೆ ಏನಿಲ್ಲ, ಆದರೆ ಇತ್ತೀಚಿಗೆ ಅವರು ಜಾಯ್ ಅವಾರ್ಡ್ 2022 ಸಮಾರಂಭದಲ್ಲಿ ಭಾಗವಹಿಸಿದ ಸಂದರ್ಭದಲ್ಲಿ ತಮ್ಮನ್ನು ಹಾಲಿವುಡ್ ನಟ ಜಾನ್ ತ್ರವೊಲ್ಸ್ ಗೆ ಪರಿಚಯ ಮಾಡಿಸಿಕೊಂಡಿದ್ದಾರೆ. ಈ ವೀಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.

ಹೌದು ಸೌದಿ ಅರೇಬಿಯಾದ ರಿಯಾದ್ ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಲ್ಮಾನ್ ಖಾನ್ ಈಗ ಹಾಲಿವುಡ್ ನಟ ಎದುರಿಗೆ ಪರಿಚಯಕೊಂಡಿರುವ ರೀತಿ ಮಾತ್ರ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಸಲ್ಮಾನ್ ಖಾನ್ ಗೆ ಪರ್ಸನಾಲಿಟಿ ಆಫ್ ದಿ ಇಯರ್ ಪ್ರಶಸ್ತಿ ದೊರೆತಿದೆ.ಇನ್ನೊಂದೆಡೆಗೆ ಹಾಲಿವುಡ್ ನಟ ಜಾನ್ ತ್ರವೊಲ್ಸ್ ಗೆ ಜೀವಮಾನದ ಸಾಧನೆಗಾಗಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

ಇಂತಹ ಸಂದರ್ಭದಲ್ಲಿ ಸಲ್ಮಾನ್ ಖಾನ್ ನಾನು ಭಾರತೀಯ ಸಿನಿಮಾ ರಂಗದಲ್ಲಿ ಕೆಲಸ ಮಾಡುತ್ತಿದ್ದೇನೆ ಎಂದು ಅವರಿಗೆ ಹೇಳುತ್ತಿದ್ದಾರೆ. ಈ ವಿಡಿಯೋ ನೋಡಿದ ಅಭಿಮಾನಿಗಳು ಸಲ್ಮಾನ್ ಖಾನ್ ಅವರ ವಿನಯತೆಯನ್ನು ಮೆಚ್ಚಿಕೊಂಡಾಡಿದ್ದಾರೆ.ಅಷ್ಟು ದೊಡ್ಡ ಸ್ಟಾರ್ ನಟನಾಗಿದ್ದರೂ ಕೂಡ ಸಲ್ಮಾನ್ ಖಾನ್ ತಮ್ಮನ್ನು ವಿನಯಪೂರ್ವಕವಾಗಿ ಪರಿಚಯಿಸಿಕೊಂಡಿರುವುದು ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿದೆ.