Prabhas : ಮತದಾನ ಮಾಡುವುದನ್ನೇ ಮರೆತ್ರಾ ಸಲಾರ್‌ ನಟ ಪ್ರಭಾಸ್‌..! ಫ್ಯಾನ್ಸ್‌ ಪ್ರಶ್ನೆಗೆ ಉತ್ತರ ಇಲ್ಲಿದೆ

Prabhas vote : ಟಾಲಿವುಡ್‌ನ ಬಹುತೇಕ ನಟ ನಟಿಯರು ತಮ್ಮ ಕುಟುಂಬದ ಜೊತೆ ಮತಗಟ್ಟೆಗೆ ಬಂದು ಮತದಾನ ಮಾಡಿದರು. ಈ ಕುರಿತು ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು. ಮೆಗಾಸ್ಟಾರ್ ಚಿರಂಜೀವಿ, ರಾಮ್ ಚರಣ್, ಅಲ್ಲು ಅರ್ಜುನ್, ಎನ್ ಟಿಆರ್, ಮಹೇಶ್ ಬಾಬು, ನಮ್ರತಾ, ವಿಜಯ್ ದೇವರಕೊಂಡ, ನಿತಿನ್, ವಿಕ್ಟರಿ ವೆಂಕಟೇಶ್, ರಾಜಮೌಳಿ, ನಾಗಾರ್ಜುನ, ನಾಗ ಚೈತನ್ಯ, ರವಿತೇಜ, ಕಲ್ಯಾಣ್ ರಾಮ್, ರಾಣಾ ದಗ್ಗುಪಾಟಿ, ನಾನಿ, ವಿಶ್ವಕ್ ಸೇನ್, ನಿಖಿಲ್ ಸೇರಿದಂತೆ ಹಲವು ನಟ ಮತ ಚಲಾಯಿಸಿದರು.

ಆದರೆ ಪ್ಯಾನ್ ಇಂಡಿಯಾ ಸ್ಟಾರ್‌ ನಟ ಪ್ರಭಾಸ್ ಎಲ್ಲಿಯೂ ಕಾಣಿಸಲಿಲ್ಲ. ಸದಾ ಬ್ಯುಸಿ ಇರುವ ಡಾರ್ಲಿಂಗ್ ಚುನಾವಣೆಯ ದಿನವಾದರೂ ಮತದಾನದ ಹಕ್ಕನ್ನು ಚಲಾಯಿಸಲು ಬರಲಿಲ್ಲ. ಪ್ರಭಾಸ್ ಹೈದ್ರಾಬಾದ್‌ನ ಮಣಿಕೊಂಡದಲ್ಲಿ ವೋಟ್‌ ಹಾಕಬೇಕಿತ್ತು. ಹೀಗಾಗಿ ಕೆಲವು ಅಭಿಮಾನಿಗಳು ಮತಗಟ್ಟೆಯ ಮುಂದೆ ಅವರಿಗಾಗಿ ಕಾದು ನಿಂತಿದ್ದರು. ಆದರೆ ಡಾರ್ಲಿಂಗ್‌ ಬಾರದ್ದನ್ನು ನೋಡಿ ನಿರಾಶೆಗೊಂಡರು. 

ಇದನ್ನೂ ಓದಿ:ರಶ್ಮಿಕಾ ಮಂದಣ್ಣ ರಣಬೀರ್ ಕಪೂರ್‌ ಬೆಡ್‌ ರೂಮ್ ಸೀನ್ ಲೀಕ್..!

ರಾಮ್ ಚರಣ್ ಮೈಸೂರಿನಲ್ಲಿ ಶೂಟಿಂಗ್ ನಿಲ್ಲಿಸಿ ಬಂದು ಮತ ಚಲಾಯಿಸಿದ್ದರು. ಇಂತಹ ಸಮಯದಲ್ಲಿ ಪ್ರಭಾಸ್ ತಮ್ಮ ಮತದಾನದ ಹಕ್ಕನ್ನು ಏಕೆ ಚಲಾಯಿಸಲಿಲ್ಲ ಎಂಬುದು ಅಭಿಮಾನಿಗಳ ಪ್ರಶ್ನೆಯಾಗಿತ್ತು. ಮೊಣಕಾಲು ಶಸ್ತ್ರಚಿಕಿತ್ಸೆಯಿಂದಾಗಿ ಪ್ರಭಾಸ್ ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದು, ಹೀಗಾಗಿಯೇ ಪ್ರಭಾಸ್ ಮತದಾನ ಮಾಡಲು ಬಂದಿಲ್ಲ ಎನ್ನುತ್ತಾರೆ ಅವರ ಆಪ್ತರು.

ಪ್ರಭಾಸ್ ಮಾತ್ರವಲ್ಲದೆ ಮಂಚು ಮೋಹನ್ ಬಾಬು ಹಾಗೂ ಮಂಚು ವಿಷ್ಣು ‘ಕಣ್ಣಪ್ಪ’ ಚಿತ್ರೀಕರಣಕ್ಕೆ ವಿದೇಶದಲ್ಲಿದ್ದ ಕಾರಣ ಮತದಾನ ಮಾಡಲಿಲ್ಲವಂತೆ. ಅಖಿಲ್ ಅಕ್ಕಿನೇನಿ, ಅಲ್ಲಾರಿ ನರೇಶ್, ಶರ್ವಾನಂದ್, ವರುಣ್ ತೇಜ್ ಸೇರಿದಂತೆ ಹಲವು ಯುವ ಹೀರೋಗಳು ಮತದಾನ ಕೇಂದ್ರಗಳಲ್ಲಿ ಕಾಣಿಸಿಕೊಂಡಿಲ್ಲ ಎಂಬುದು ಗಮನಾರ್ಹ.

ಇದನ್ನೂ ಓದಿ:ನಟ ಅಲ್ಲು ಅರ್ಜುನ್‌ಗಿಂತ ʼಪುಷ್ಪಾ ಡೈರೆಕ್ಟರ್‌ʼ ಸಂಭಾವನೆ ಹೆಚ್ಚು..! ಎಷ್ಟು ಗೊತ್ತೆ..?

ಇನ್ನು ಪ್ರಭಾಸ್ ನಟನೆಯ 'ಸಾಲಾರ್' ಸಿನಿಮಾ ಡಿಸೆಂಬರ್ 22 ರಂದು ತೆರೆಗೆ ಬರಲಿದೆ. ಇಂದು ಸಂಜೆ 7 ಗಂಟೆಗೆ (ಡಿಸೆಂಬರ್ 1) ರಂದು ಟ್ರೇಲರ್ ಬಿಡುಗಡೆಯಾಗುತ್ತಿದೆ. ಎಲ್ಲರೂ ಸಲಾರ್‌ ಟ್ರೇಲರ್ ಕಾರ್ಯಕ್ರಮವನ್ನು ಬಹಳ ಅದ್ಧೂರಿಯಾಗಿ ಯೋಜಿಸಲಾಗುವುದು ಅಂತ ಭಾವಿಸಿದ್ದರು. ಆದರೆ ಅನಾರೋಗ್ಯದ ಹಿನ್ನೆಲೆ ಪ್ರಭಾಸ್ ಹೈದರಾಬಾದ್‌ಗೆ ಬಂದಿದ್ದು, ವಿಶ್ರಾಂತಿ ಪಡೆಯುತ್ತಿದ್ದಾರೆ. ಸಲಾರ್ ಚಿತ್ರದ ಟ್ರೈಲರ್ ಶುಕ್ರವಾರ ಸಂಜೆ 7:19 ಕ್ಕೆ ಬಿಡುಗಡೆಯಾಗಲಿದೆ.