ಕಟ್ಟಿಕೊಂಡ ಮೂಗು ಮತ್ತು ಗಂಟಲು ನೋವಿಗೆ ಶೀಘ್ರ ಪರಿಹಾರ ಈ ಮನೆ ಮದ್ದು

ಬೆಂಗಳೂರು : ಚಳಿಗಾಲದಲ್ಲಿ ಸಾಮಾನ್ಯವಾಗಿ ಎಲ್ಲರ ಆರೋಗ್ಯವೂ ಕೆಡುತ್ತದೆ. ಈ ಋತುವಿನಲ್ಲಿ ಬೀಸುವ ತಣ್ಣನೆಯ ಗಾಳಿ ಶೀತ ಕೆಮ್ಮು, ಮೂಗು  ಕಟ್ಟುವುದು, ಗಂಟಲು ನೋವು ಇತ್ಯಾದಿ ಆರೋಗ್ಯ ಸಮಸ್ಯೆಗಳನ್ನು ತರುತ್ತದೆ.  ಹೀಗಾದಾಗ ಉಸಿರಾಟಕ್ಕೆ ತೊಂದರೆಯಾಗುತ್ತದೆ.  ರಾತ್ರಿ ವೇಳೆ ನಿದ್ದೆಗೂ ಇದು ಅಡ್ಡಿಯುಂಟು ಮಾಡುತ್ತದೆ.  ಕೆಲವೊಂದು ಮನೆಮದ್ದು ಅನುಸರಿಸುವ ಮೂಲಕ  ಈ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.

ಕಷಾಯ :
ಉಸಿರುಕಟ್ಟುವುದು, ಗಂಟಲು ನೋವು,  ಮೂಗು ಕಟ್ಟಿಕೊಳ್ಳುವುದು ಈ ಸಮಸ್ಯೆಗಳನ್ನು ಗುಣಪಡಿಸಲು ಮನೆಯಲ್ಲಿಯೇ ಇರುವ ಮಸಾಲೆಗಳಿಂದ ತಯಾರಿಸಿದ ಕಷಾಯವನ್ನು ಸೇವಿಸಬಹುದು. ಇದು ಚಳಿಗಾಲದಲ್ಲಿ ತಲೆದೋರುವ ಈ ಸಮಸ್ಯೆಗಳ ವಿರುದ್ದ ಹೋರಾಡುತ್ತದೆ. ತುಳಸಿ, ಕರಿಮೆಣಸು, ಒಣ ಶುಂಠಿ ಮತ್ತು  ಚಕ್ಕೆಯನ್ನು ಒಟ್ಟಿಗೆ ಕುದಿಸಿ  ಕಷಾಯ ಮಾಡಿಕೊಳ್ಳಿ. ಇದಕ್ಕೆ ಬೆಲ್ಲ ಮತ್ತು ನಿಂಬೆ ರಸವನ್ನು ಕೂಡಾ ಸೇರಿಸಿ.  ಇದನ್ನೂ ಕುಡಿದರೆ ಮೇಲೆ ಹೇಳಿದಅ ಸಮಸ್ಯೆಯಿಂದ ಮುಕ್ತಿ ಸಿಗುತ್ತದೆ. 

ಇದನ್ನೂ ಓದಿ : Black Pepper: ಕರಿಮೆಣಸು ಹೀಗೆ ಸೇವಿಸಿದರೆ ಈ ರೋಗಗಳು ದೂರವಾಗುತ್ತವೆ

ಮೂಗಿನಲ್ಲಿ ಎಣ್ಣೆ ಹಾಕಿಕೊಳ್ಳುವುದು : 
ಕಟ್ಟಿದ ಮೂಗನ್ನು ತೆರೆಯಲು ಮೂಗಿನೊಳಗೆ ಎಣ್ಣೆ ಹಾಕುವಂತೆ ಹೇಳಲಾಗುತ್ತದೆ. ಬೆಳಿಗ್ಗೆ 1-2 ಹನಿ ಎಳ್ಳು ಅಥವಾ ತೆಂಗಿನ ಎಣ್ಣೆಯನ್ನು ಮೂಗಿಗೆ ಹಾಕಬೇಕು. ಹೀಗೆ ಮಾಡಿದರೆ ತಕ್ಷಣವೇ ಕಟ್ಟಿದ ಮೂಗಿನಿಂದ ಪರಿಹಾರ ಸಿಗುತ್ತದೆ ಎಂದು ಹೇಳಲಾಗುತ್ತದೆ.  

ಲವಂಗ ಮತ್ತು ಜೇನುತುಪ್ಪ :
ಲವಂಗ ಮತ್ತು ಜೇನುತುಪ್ಪದಲ್ಲಿರುವ ಔಷಧೀಯ ಗುಣಗಳು ಶೀತ ಮತ್ತು ಜ್ವರದ ಸಮಯದಲ್ಲಿ ಪರಿಹಾರ ನೀಡುತ್ತದೆ. ಲವಂಗದ ಪುಡಿಯನ್ನು ಜೇನುತುಪ್ಪದೊಂದಿಗೆ ಬೆರೆಸಿ ತಿನ್ನುವುದರಿಂದ ಸಮಸ್ಯೆ ಪರಿಹಾರವಾಗುತ್ತದೆ.  ದಿನಕ್ಕೆ 2-3 ಬಾರಿ ಹೀಗೆ ಮಾಡುತ್ತಾ ಬಂದರೆ  ಕಟ್ಟಿದ ಮೂಗೂ ಮತ್ತು ಗಂಟಲು ನೋವಿನಿಂದ ಪರಿಹಾರ ಸಿಗುತ್ತದೆ. 

ಇದನ್ನೂ ಓದಿ : Corona Prevention : ಈ ಆಹಾರಗಳನ್ನು ಸೇವಿಸಿದರೆ ಕೊರೊನಾಗೆ ಆಹ್ವಾನ ನೀಡಿದಂತೆ

ಗಾರ್ಗ್ಲಿಂಗ್ : 
ಚಳಿ ಹೆಚ್ಚಾಗುತ್ತಿರುವ ಕಾರಣ ಗಂಟಲಿನಲ್ಲಿ ಕಫ ಸಂಗ್ರಹವಾಗುತ್ತದೆ. ಈ ನೋವಿನಿಂದಾಗಿ ಗಂಟಲು ಉರಿಯುವಂತೆಯೂ ಆಗುತ್ತದೆ. ಎಳ್ಳು ಅಥವಾ ತೆಂಗಿನೆಣ್ಣೆಯನ್ನು ಬಿಸಿ ನೀರಿನಲ್ಲಿ ಬೆರೆಸಿ ಗಾರ್ಗ್ಲಿಂಗ್ ಮಾಡಿದರೆ ಗಂಟಲು ನೋವು ಮತ್ತು  ಕಟ್ಟಿದ ನೋವಿನ ಸಮಯೇ ನಿವಾರಣೆಯಾಗುತ್ತದೆ.