Curry Leaves Tea: ಕರಿಬೇವಿನ ಚಹಾ ಸೇವನೆಯಿಂದ ಆಗುವ ಈ ಆರೋಗ್ಯ ಲಾಭಗಳು ನಿಮಗೆ ತಿಳಿದಿವೆಯೇ?

Curry Leaves Health Benefits: ಕರಿಬೇವಿನ ಸೊಪ್ಪಿನಿಂದ ಟೀ ತಯಾರಿಸಿ ಕುಡಿಯಬಹುದು ಮತ್ತು ಅದು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ ಎಂಬ ಸಂಗತಿ ನಿಮಗೆ ತಿಳಿದಿದೆಯಾ? ಹೌದು, ಕರಿಬೇವಿನ ಸೊಪ್ಪಿನ ಚಹಾ ಸೇವಿಸಿ ನೀವು ಹಲವಾರು ರೀತಿಯ ದೈಹಿಕ ಸಮಸ್ಯೆಗಳಿಂದ ರಕ್ಷಣೆಯನ್ನು ಪಡೆಯಬಹುದು...ಬನ್ನಿ ಅದರ ಪ್ರಯೋಜನಗಳ ಕುರಿತು ತಿಳಿದುಕೊಳ್ಳೋಣ,

Curry Leaves Tea

Benefits Of Curry Leaves: ಕರಿಬೇವಿನ ಎಲೆಗಳ ಬಳಕೆಯ ಬಗ್ಗೆ ಬಹುತೇಕರಿಗೆ ತಿಳಿದಿದೆ, ಇದನ್ನು ಹೆಚ್ಚಾಗಿ ಆಹಾರದ ಸ್ವಾದವನ್ನು ಹೆಚ್ಚಿಸಲು ಬಳಸಲಾಗುತ್ತದೆ. ಇದನ್ನು ಮುಖ್ಯವಾಗಿ ಸಾಂಬಾರ್, ದಾಲ್ ಹಾಗೂ ಚಟ್ನಿಗಳಲ್ಲಿ ಒಗ್ಗರಣೆಗಾಗಿ ಬಳಸಲಾಗುತ್ತದೆ. ದಕ್ಷಿಣ ಭಾರತದಲಿ ಕೆಲ ಜನರು ಫಿಟ್ ಆಗಿರಲು ಕರಿಬೇವಿನ ರಸವನ್ನು ಕುಡಿಯುತ್ತಾರೆ, ಆದರೆ ನೀವು ಕರಿಬೇವಿನ ಎಲೆಗಳಿಂದ ಚಹಾವನ್ನು ತಯಾರಿಸಬಹುದು ಮತ್ತು ಅದನ್ನು ಸೇವಿಸಬಹುದು ಎಂಬ ಸಂಗತಿ ನಿಮಗೆ ತಿಳಿದಿದೆಯೇ, ಹೌದು, ಇದು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದು ಹಲವು ರೀತಿಯ ದೈಹಿಕ ಸಮಸ್ಯೆಗಳಿಂದ ನಮ್ಮನ್ನು ರಕ್ಷಿಸುತ್ತದೆ.. ಬನ್ನಿ ಇದರ ಪ್ರಯೋಜನಗಳನ್ನು ತಿಳಿಯೋಣ.

ಕರಿಬೇವಿನ ಎಲೆಗಳಲ್ಲಿನ ಪೋಷಕಾಂಶಗಳು
ಕರಿಬೇವಿನ ಎಲೆಗಳಲ್ಲಿ ಕಬ್ಬಿಣ, ರಂಜಕ, ಕ್ಯಾಲ್ಸಿಯಂ, ವಿಟಮಿನ್ ಎ, ಕ್ಯಾರೋಟಿನ್, ವಿಟಮಿನ್ ಸಿ... ಹೀಗೆ ಹಲವು ಪೋಷಕಾಂಶಗಳಿವೆ. ಇದೇ ಕಾರಣದಿಂದ ದಕ್ಷಿಣ ಭಾರತದ ಜನರು ಇದನ್ನು ಹೆಚ್ಚು ಬಳಸುತ್ತಾರೆ. ಕರಿಬೇವಿನ ಎಲೆಗಳನ್ನು ಆಹಾರದಲ್ಲಿಯೂ ಬಳಸಲಾಗುತ್ತದೆ, ಇದು ರುಚಿಯನ್ನು ಹೆಚ್ಚಿಸುತ್ತದೆ ಮತ್ತು ದೇಹಕ್ಕೆ ಪ್ರಯೋಜನವನ್ನು ನೀಡುತ್ತದೆ.

ಕರಿಬೇವಿನ ಚಹಾ ಪ್ರಯೋಜನಗಳು
ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ - ದೇಹವನ್ನು ರೋಗಗಳಿಂದ ರಕ್ಷಿಸಲು ಕರಿಬೇವಿನ ಚಹಾವನ್ನು ಕುಡಿಯುವುದು ಒಂದು ಉತ್ತಮ ಆಯ್ಕೆಯಾಗಿದೆ, ಇದರಲ್ಲಿ ಅನೇಕ ಪೋಷಕಾಂಶಗಳು ಕಂಡುಬರುತ್ತವೆ. ಚಹಾದ ನಿಯಮಿತ ಸೇವನೆಯು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಫ್ರೀ ರಾಡಿಕಲ್ಗಳನ್ನು ತೆಗೆದುಹಾಕುತ್ತದೆ - ಕರಿಬೇವಿನ ಎಲೆಗಳ ಚಹಾವನ್ನು ಸೇವಿಸಿದ ನಂತರ ದೇಹವು ಅತ್ಯುತ್ತಮ ಉತ್ಕರ್ಷಣ ನಿರೋಧಕಗಳನ್ನು ಪಡೆಯುತ್ತದೆ, ಇದರಿಂದಾಗಿ ಇದು ಫ್ರೀ ರಾಡಿಕಲ್ಗಳನ್ನು ತೆಗೆದುಹಾಕುತ್ತದೆ, ಉದಾಹರಣೆಗೆ ಚರ್ಮದ ಕೋಶಗಳನ್ನು ಇದು ಹಾನಿಯಾಗದಂತೆ ತಡೆಯುತ್ತದೆ. ಇದು ಉತ್ತಮ ಮಟ್ಟದ ಫೀನಾಲಿಕ್ಸ್ ಮತ್ತು ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದೆ. ಉತ್ಕರ್ಷಣ ನಿರೋಧಕಗಳಲ್ಲಿರುವ ಅಂಶಗಳು ದೇಹವನ್ನು ಸೋಂಕು ಮತ್ತು ಉರಿಯೂತದಿಂದ ರಕ್ಷಿಸುವಲ್ಲಿ ಪರಿಣಾಮಕಾರಿಯಾಗಿವೆ.

ತೂಕ ಇಳಿಕೆಗೆ ಸಹಾಯಕವಾಗಿವೆ - ಕರಿಬೇವಿನ ಎಲೆಗಳಲ್ಲಿ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸಲು  ಸಹಾಯ ಮಾಡುವ ಕೆಲ ಪೋಷಕಾಂಶಗಳಿದ್ದು, ಅವು ತೂಕ ಇಳಿಕೆಗೂ ಕೂಡ ಸಹಕಾರಿಯಾಗಿವೆ. ಕರಿಬೇವಿನ ಎಲೆಗಳಿಂದ ಮಾಡಿದ ಚಹಾವನ್ನು ಸೇವಿಸಿದರೆ, ತೂಕವನ್ನು ಕಳೆದುಕೊಳ್ಳುವುದು ಸುಲಭವಾಗುತ್ತದೆ.

 ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ- ವರದಿಯ ಪ್ರಕಾರ, ಇದು ಸೌಮ್ಯವಾದ ವಿರೇಚಕ ಗುಣಲಕ್ಷಣಗಳನ್ನು ಮತ್ತು ಜೀರ್ಣಕಾರಿ ಕಿಣ್ವಗಳನ್ನು ಹೊಂದಿದೆ, ಇದು ಕರುಳಿನ ಪರಿಚಲನೆಯನ್ನು ಸುಧಾರಿಸುತ್ತದೆ, ಇದರಿಂದಾಗಿ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ.ಈ ಚಹಾವನ್ನು ಕುಡಿಯುವುದರಿಂದ ಮಲಬದ್ಧತೆ, ಗ್ಯಾಸ್, ಅತಿಸಾರ ಮತ್ತು ಜೀರ್ಣಕ್ರಿಯೆಯಂತಹ ಸಮಸ್ಯೆಗಳನ್ನು ಗುಣಪಡಿಸಬಹುದು.

ವಾಂತಿಯಲ್ಲಿ ಪ್ರಯೋಜನಕಾರಿ- ನೀವು ಗರ್ಭಾವಸ್ಥೆಯಲ್ಲಿ ಈ ಚಹಾವನ್ನು ಸೇವಿಸಿದರೆ, ಇದು ವಾಂತಿ ಮತ್ತು ಬೆಳಗಿನ ಅಸ್ವಸ್ಥತೆಯಂತಹ ಸಮಸ್ಯೆಗಳು ನಿಮಗೆ ಕಾಡುವುದಿಲ್ಲ.

ಒತ್ತಡವನ್ನು ನಿವಾರಿಸುತ್ತದೆ- ಕರಿಬೇವಿನ ಸೊಪ್ಪಿನ ಸುವಾಸನೆಯು ನಮ್ಮ ನರಗಳನ್ನು ತಲುಪುತ್ತದೆ ಮತ್ತು ನಮಗೆ ವಿಶ್ರಾಂತಿಯನ್ನು ನೀಡುತ್ತದೆ, ನಮ್ಮನ್ನು ಒತ್ತಡದಿಂದ ಮುಕ್ತರಾಗಿಸುವ ಮೂಲಕ ಇದು ನಮ್ಮ ಮನಸ್ಸನ್ನು ಶಾಂತಗೊಳಿಸುತ್ತದೆ. ನೀವು ದಿನವಿಡೀ ತುಂಬಾ ದಣಿದಿದ್ದರೆ, ಸಂಜೆ ಒಂದು ಕಪ್ ಕರಿಬೇವಿನ ಚಹಾವನ್ನು ಕುಡಿಯಲು ಪ್ರಯತ್ನಿಸಿ, ನಿಮಗೆ ಅದ್ಭುತವಾದ ವಿಶ್ರಾಂತಿ ನೀಡುತ್ತದೆ.

ಕಣ್ಣುಗಳಿಗೆ ಪ್ರಯೋಜನಕಾರಿಯಾಗಿದೆ - ಕಣ್ಣುಗಳು ಆರೋಗ್ಯವಾಗಿರಲು, ಕರಿಬೇವಿನ ಚಹಾವನ್ನು ಖಂಡಿತವಾಗಿ ಕುಡಿಯಿರಿ. ಕಣ್ಣಿನ ಆರೋಗ್ಯಕ್ಕೆ ಅಗತ್ಯವಾದ ವಿಟಮಿನ್ ಎ ಇದರಲ್ಲಿ ಕಂಡುಬರುತ್ತದೆ.

ಇದನ್ನೂ ಓದಿ-Health Care Tips: ಆಹ್ಲಾದಕರ ದಾಂಪತ್ಯ ಜೀವನದಲ್ಲಿ ಹುಳಿ ಹಿಂಡುತ್ತವೆ ಈ ಕಾಯಿಲೆಗಳು.. ಎಚ್ಚರ!

ಈ ಚಹಾ ತಯಾರಿಸುವುದು ಹೇಗೆ?
ಒಂದು ಲೋಟ ನೀರಿನಲ್ಲಿ 20 ರಿಂದ 30 ಕರಿಬೇವಿನ ಎಲೆಗಳನ್ನು ಕುದಿಸಿ, ನೀರು ಅರ್ಧದಷ್ಟು ಕಡಿಮೆಯಾದಾಗ ಅದನ್ನು ಫಿಲ್ಟರ್ ಮಾಡಿ. ಅದಕ್ಕೆ ನಿಂಬೆ ರಸ ಮತ್ತು ಜೇನುತುಪ್ಪವನ್ನು ಬೆರೆಸಿ ಸೇವಿಸಿ .

ಇದನ್ನೂ ಓದಿ-Bay Leaves: ನಿಮ್ಮ ಅಡುಗೆ ಮನೆಯಲ್ಲಿಯೇ ಸಿಗುವ ಈ ಎಲೆಯ ಸೇವನೆಯಿಂದ ಕೊಲೆಸ್ಟ್ರಾಲ್ ನಿಯಂತ್ರಿಸಿ

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಅನುಸರಿಸುವ ಮುನ್ನ ವೈದ್ಯಕೀಯ ಸಲಹೆ ಪಡೆದುಕೊಳ್ಳಿ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)

ಇದನ್ನೂ ನೋಡಿ -