Papaya Side Effects: ಇಂತಹ ಜನರು ಪಪ್ಪಾಯಿ ಸೇವನೆಯಿಂದ ದೂರ ಉಳಿಯಬೇಕು, ಲಾಭದ ಬದಲು ಹಾನಿ ಸಾಧ್ಯತೆ

ನವದೆಹಲಿ: Who Should Not Eat Papaya - ಪಪ್ಪಾಯಿಯನ್ನು (Papaya) ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ, ಆದರೆ ವೈದ್ಯರು ಪಪ್ಪಾಯಿಯನ್ನು ತಿನ್ನಲು ಹೆಚ್ಚಿನ ಜನರಿಗೆ ಸಲಹೆ ನೀಡುವುದಿಲ್ಲ. ಏಕೆಂದರೆ ಪಪ್ಪಾಯಿಯು ಕೆಲವರಿಗೆ ಹಾನಿಕಾರಕವಾಗಿದೆ. ಹಾಗಾದರೆ ಯಾವ ಜನರು ಪಪ್ಪಾಯಿಯನ್ನು ಸೇವಿಸಬಾರದು ಎಂಬುದನ್ನು ತಿಳಿದುಕೊಳ್ಳೋಣ. ಪಪ್ಪಾಯಿಯು ಫೈಬರ್ ಮತ್ತು ವಿಟಮಿನ್‌ಗಳಂತಹ ಅನೇಕ ಪೋಷಕಾಂಶಗಳಿಂದ ತುಂಬಿದೆ. ಹೀಗಿರುವಾಗ ಇದು ಜೀರ್ಣಕ್ರಿಯೆ, ತೂಕ ಹೆಚ್ಚಾಗುವುದು, ಮಧುಮೇಹ, ಕ್ಯಾನ್ಸರ್ ಮುಂತಾದ ಕಾಯಿಲೆಗಳಿಂದ ರಕ್ಷಿಸುತ್ತದೆ. ವಿಶೇಷವೆಂದರೆ ಈ ಹಣ್ಣನ್ನು ಪ್ರತಿ ಸೀಸನ್‌ನಲ್ಲಿಯೂ ನೀವು ಸುಲಭವಾಗಿ ಪಡೆಯಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಪಪ್ಪಾಯಿ ಸೇವಿಸುವವರು ಕಾಳಜಿಯನ್ನು ವಹಿಸಬೇಕಾಗುತ್ತದೆ. ಏಕೆಂದರೆ ಪಪ್ಪಾಯಿ ಸೇವನೆ ಕೆಲವರಿಗೆ ವರ್ಜಿತ (Papaya Side Effects Updates) ಎಂದು ಹೇಳಲಾಗಿದೆ.

ಹೃದಯ ಬಡಿತ ಅನಿಯಂತ್ರಿತವಾಗಿದ್ದರೆ ಪಪ್ಪಾಯಿಯನ್ನು ತಪ್ಪಿಸಿ (Health Tips)
ಹೃದಯ ಬಡಿತವು ಅನಿಯಂತ್ರಿತವಾಗಿದ್ದರೆ ಪಪ್ಪಾಯಿಯನ್ನು ಸೇವಿಸಬಾರದು. ಆದರೂ ಕೂಡ ಪಪ್ಪಾಯಿಯು ಹೃದ್ರೋಗದ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ. ಇದು ಸೈನೋಜೆನಿಕ್ ಗ್ಲೈಕೋಸೈಡ್ ಅಮೈನೋ ಆಮ್ಲಗಳನ್ನು ಹೊಂದಿರುತ್ತದೆ, ಇದು ಜೀರ್ಣಾಂಗದಲ್ಲಿ ಹೈಡ್ರೋಜನ್ ಸೈನೈಡ್ ಅನ್ನು ಉತ್ಪಾದಿಸುತ್ತದೆ. ಆದರೆ, ಇದು ಆರೋಗ್ಯಕ್ಕೆ ಹಾನಿಕಾರಕವಲ್ಲ, ಆದರೆ ನಿಮ್ಮ ಹೃದಯ ಬಡಿತವು ಅನಿಯಂತ್ರಿತವಾಗಿದ್ದರೆ, ಅದು ನಿಮಗೆ ಹಾನಿಯುಂಟು ಮಾಡುತ್ತದೆ.

ಗರ್ಭಿಣಿಯರು ಪಪ್ಪಾಯಿ ತಿನ್ನಬಾರದು
ಗರ್ಭಿಣಿಯರು ಪಪ್ಪಾಯಿ ತಿನ್ನಬಾರದು ಎಂದು ಎಲ್ಲರಿಗೂ ತಿಳಿದ ವಿಷಯ. ಪಪ್ಪಾಯಿಯು ಲ್ಯಾಟೆಕ್ಸ್ ಅನ್ನು ಹೊಂದಿರುತ್ತದೆ, ಇದು ಗರ್ಭಾಶಯದ ಸಂಕೋಚನವನ್ನು ಪ್ರಚೋದಿಸುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಅಬಾರ್ಶನ್ ಸಾಧ್ಯತೆಯಿದೆ. ಇದಲ್ಲದೆ, ಪಪ್ಪಾಯಿಯು ಪಾಪೈನ್ ಅನ್ನು ಹೊಂದಿರುತ್ತದೆ, ಇದನ್ನು ನಮ್ಮ ದೇಹವು ಪ್ರೋಸ್ಟಗ್ಲಾಂಡಿನ್ ಎಂದು ತಪ್ಪಾಗಿ ಗ್ರಹಿಸುತ್ತದೆ. ಇದು ಭ್ರೂಣದ ಪೊರೆಗಳ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಆದ್ದರಿಂದ, ಗರ್ಭಾವಸ್ಥೆಯಲ್ಲಿ ಪಪ್ಪಾಯಿ ತಿನ್ನುವುದನ್ನು ತಪ್ಪಿಸಬೇಕು.

ಇದನ್ನೂ ಓದಿ-Omicron Infection: ಓರ್ವ ವ್ಯಕ್ತಿಗೆ ಎಷ್ಟು ಬಾರಿ Omicron ಸೋಂಕು ತಗುಲಬಹುದು? ಉತ್ತರ ಬೆಚ್ಚಿಬೀಳಿಸುವಂತಿದೆ

ನಿಮಗೆ ಮೂತ್ರಪಿಂಡದ ಸಮಸ್ಯೆಗಳಿದ್ದರೆ ಪಪ್ಪಾಯಿ ತಿನ್ನಬೇಡಿ
ಇದಲ್ಲದೆ, ನೀವು ಮೂತ್ರಪಿಂಡದ ಕಲ್ಲುಗಳ ಬಗ್ಗೆ ದೂರು ಹೊಂದಿದ್ದರೆ, ನೀವು ಪಪ್ಪಾಯಿಯನ್ನು ತಪ್ಪಿಸಬೇಕು. ವಾಸ್ತವದಲ್ಲಿ ಪಪ್ಪಾಯಿಯು ವಿಟಮಿನ್ ಸಿ ಯಲ್ಲಿ ಸಮೃದ್ಧವಾಗಿದೆ, ಇದು ಉತ್ಕರ್ಷಣ ನಿರೋಧಕವಾಗಿದೆ, ಇದು ನಿಮ್ಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ, ಆದರೆ ನೀವು ಮೂತ್ರಪಿಂಡದ ಕಲ್ಲುಗಳ ಬಗ್ಗೆ ದೂರು ಹೊಂದಿದ್ದರೆ, ಪಪ್ಪಾಯಿ ಅಧಿಕ ಸೇವನೆ ನಿಮಗೆ ಹಾನಿಕಾರಕವಾಗಿದೆ. ಪಪ್ಪಾಯವನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಕ್ಯಾಲ್ಸಿಯಂ ಆಕ್ಸಲೇಟ್ ಉತ್ಪಾದನೆಗೆ ಕಾರಣವಾಗಬಹುದು, ಇದು ಮೂತ್ರಪಿಂಡದ ಕಲ್ಲುಗಳಿಗೆ ಕಾರಣವಾಗಬಹುದು, ನಂತರ ಮೂತ್ರದ ಮೂಲಕ ಕಲ್ಲು ಹಾದುಹೋಗಲು ಕಷ್ಟವಾಗುತ್ತದೆ.

ಇದನ್ನೂ ಓದಿ-Toung : ನಿಮ್ಮ ನಾಲಿಗೆ ಕಪ್ಪಾಗದಿದ್ದರೆ, ಅದು ಈ ಭಯಾನಕ ಕಾಯಿಲೆಯ ಸಂಕೇತ!

ನಿಮಗೆ ಅಲರ್ಜಿ ಇದ್ದರೆ ಪಪ್ಪಾಯಿಯಿಂದ ದೂರವಿರಿ
ನೀವು ಯಾವುದೇ ರೀತಿಯ ಅಲರ್ಜಿಯಿಂದ ಬಳಲುತ್ತಿದ್ದರೆ ಸ್ವಲ್ಪ ಜಾಗರೂಕರಾಗಿರಿ. ಏಕೆಂದರೆ ಇಂತಹ ರೋಗಿಗಳೂ ಕೂಡ  ಪಪ್ಪಾಯಿಯನ್ನು ಸೇವಿಸಬಾರದು. ಪಪ್ಪಾಯಿಯೊಳಗೆ ಚಿಟಿನೇಸ್ ಎಂಬ ಕಿಣ್ವವಿದೆ ಎನ್ನಲಾಗುತ್ತದೆ , ಇದು ಲ್ಯಾಟೆಕ್ಸ್‌ನ ಮೇಲೆ ವ್ಯತಿರಿಕ್ತ ಪ್ರತಿಕ್ರಿಯೆ ಉಂಟುಮಾಡುತ್ತದೆ, ಇದರಿಂದಾಗಿ ನೀವು ಉಸಿರಾಟ, ಸೀನುವಿಕೆ ಮತ್ತು ಕೆಮ್ಮುವುದು, ಕಣ್ಣುಗಳಲ್ಲಿ ನೀರಿನಂಶದಂತಹ ಸಮಸ್ಯೆಗಳನ್ನು ಎದುರಿಸಬಹುದು. ಆದ್ದರಿಂದ, ನಿಮಗೆ ಪಪ್ಪಾಯಿಯಿಂದ ಅಲರ್ಜಿ ಇದ್ದರೆ, ಅದನ್ನು ಸೇವಿಸಬೇಡಿ.