Justice NV Ramana Next CJI: ನ್ಯಾ. N.V.ರಮಣ ದೇಶದ ಮುಂದಿನ CJI, ಏಪ್ರಿಲ್ 24ಕ್ಕೆ ಅಧಿಕಾರ ಸ್ವೀಕಾರ

ನವದೆಹಲಿ: Justice NV Ramana Next CJI - ನ್ಯಾಯಮೂರ್ತಿ ನೂಥಲಪತಿ ವೆಂಕಟ ರಮಣ (Nuthalapati Venkata Ramana) ಅವರನ್ನು ಮಂಗಳವಾರ ಭಾರತದ ಮುಂದಿನ ಮುಖ್ಯ ನ್ಯಾಯಾಧೀಶರನ್ನಾಗಿ ನಿಯುಕ್ತಿ ಮಾಡಲಾಗಿದೆ. ಈ ಕುರಿತು ಸರ್ಕಾರ ಹೊರಡಿಸಿರುವ ಅಧಿಸೂಚನೆ ಪ್ರಕಾರ ನ್ಯಾಯ ಮೂರ್ತಿ NV ರಮಣ ಏಪ್ರಿಲ್ 24ರಂದು ಭಾರತದ 48ನೆ ಮುಖ್ಯ ನ್ಯಾಯಾಧೀಶರಾಗಿ ಅಧಿಕಾರ ಸ್ವೀಕರಿಸಲಿದ್ದು, ಹಾಲಿ CJI ಶರದ್ ಅರವಿಂದ್ ಬೋಬ್ದೆ (CJI Sharad Arvind Bobde)ಅವರಿಂದ ಖಾಲಿ ಆಗಲಿರುವ ಜಾಗವನ್ನು ತುಂಬಲಿದ್ದಾರೆ. ನ್ಯಾಯಮೂರ್ತಿ ಬೋಬ್ದೆ, ಏಪ್ರಿಲ್ 23 ರಂದು ನಿವೃತ್ತರಾಗಲಿದ್ದು ಅವರು ಪದತ್ಯಾಗ ಮಾಡಲಿದ್ದಾರೆ. ಫೆಬ್ರುವರಿ 17, 2014 ರಲ್ಲಿ ಸುಪ್ರೀಂ ಕೋರ್ಟ್ (Supreme Court Of India) ನ ನ್ಯಾಯಾಧೀಶರಾಗಿ ನಿಯುಕ್ತರಾದ NV ರಮಣ ಆಗಸ್ಟ್ 26, 2022ರಂದು ಸೇವಾ ನಿವೃತ್ತಿ ಹೊಂದಲಿದ್ದಾರೆ.

ಇದನ್ನೂ ಓದಿ-SC Ruling on Women Army Officers - ಸೇನೆಯಲ್ಲಿ ಮಹಿಳೆಯರ ಶಾಶ್ವತ ಆಯೋಗ, Supreme Court ನಿಂದ ತೀಕ್ಷ್ಣ ಟಿಪ್ಪಣಿ

NV ರಮಣ (Justice NV Ramana)ಕುರಿತಾದ ಸಂಕ್ಷಿಪ್ತ ಮಾಹಿತಿ
ಆಗಸ್ಟ್ 27, 1957ರಂದು ಆಂಧ್ರಪ್ರದೇಶದ ಕೃಷ್ಣಾ ಜಿಲ್ಲೆಯ ಪೋನ್ನಾವರಂ ಗ್ರಾಮದ ಓರ್ವ ರೈತ ಕುಟುಂಬದಲ್ಲಿ ಜನಿಸಿರುವ ನೂಥಲಪತಿ ವೆಂಕಟ ರಮಣ ಫೆಬ್ರುವರಿ 10, 1983ರಂದು ವಕೀಲರಾಗಿ ಸನದು ಸ್ವೀಕರಿಸಿ, ಆಂಧ್ರಪ್ರದೇಶದ ಹೈ ಕೋರ್ಟ್ ನಲ್ಲಿ ತಮ್ಮ ವೃತ್ತಿಜೀವನ ಆರಂಭಿಸಿದಾರೆ. ಬಳಿಕ ಜೂನ್ 27, 2000ಕ್ಕೆ ಅವರು ಆಂಧ್ರಪ್ರದೇಶದ ಉಚ್ಛನ್ಯಾಯಾಲಯದ ಸ್ಥಾಯಿ ನ್ಯಾಯಾಧೀಶರನ್ನಾಗಿ ನೇಮಿಸಲಾಯಿತು. ಬಳಿಕ ಸೆಪ್ಟೆಂಬರ್ 2, 2013 ರಲ್ಲಿ ಅವರು ದೆಹಲಿ ಹೈಕೋರ್ಟ್ ನ ಮುಖ್ಯ ನ್ಯಾಯಾಧೀಶರನ್ನಾಗಿ ನೇಮಕ ಮಾಡಲಾಯಿತು ಮತ್ತು ಫೆಬ್ರುವರಿ 17, 2014 ರಲ್ಲಿ ಅವರು ಸರ್ವೋಚ್ಛ ನ್ಯಾಯಾಲಯದ ನ್ಯಾಯಾಧೀಶರಾಗಿ ಆಯ್ಕೆಗೊಂಡರು