‘ನಾಟು ನಾಟು’ ಹಾಡಿಗೆ ನಾಚುತ್ತಾ ಕುಣಿದ ಕೊರಿಯಾ ರಾಯಭಾರಿ: ಡ್ಯಾನ್ಸ್ ಕಂಡು ಮೋದಿ ಏನಂದ್ರು ಗೊತ್ತಾ?

Korean Ambassador Dance to Natu Natu Song: ಇತ್ತೀಚೆಗೆ ಭಾರತದ ಸಿನಿಮಾಗಳ ಕಡೆ ಜಗತ್ತೇ ತಿರುಗಿನೋಡುತ್ತಿದೆ. ಅದರಲ್ಲೂ ದಕ್ಷಿಣ ಭಾರತದ ಸಿನಿಮಾಗಳು ಜನಮನ್ನಣೆ ಗಳಿಸುತ್ತಿವೆ. ತೆಲುಗು ಭಾಷೆಯ ‘RRR’ ಸಿನಿಮಾ ಜಾಗತಿಕವಾಗಿ ಮನ್ನಣೆ ಪಡೆದಿದ್ದು, ಅದರ ಹಾಡು ‘ನಾಟು ನಾಟು’ವಿಗೆ ಗ್ಲೋಬಲ್ ಅವಾರ್ಡ್ ಕೂಡ ಲಭಿಸಿತ್ತು.

ಇದನ್ನೂ ಓದಿ: Virat Kohli:“ನನ್ನನ್ನು ಮದುವೆಯಾಗು ಕೊಹ್ಲಿ…!!”: ವಿರಾಟ್’ಗೆ ಪ್ರಪೋಸ್ ಮಾಡಿದ ಈ ಸ್ಟಾರ್ ಕ್ರಿಕೆಟ್ ಆಟಗಾರ್ತಿ

ಈ ಹಾಡಿನ ಕ್ರೇಜ್ ಎಷ್ಟರ ಮಟ್ಟಿಗೆ ಇದೆ ಎಂದರೆ, ಇತ್ತೀಚೆಗೆ ಪಾಕಿಸ್ತಾನದ ಯುವತಿಯೊಬ್ಬಳು ‘ನಾಟು ನಾಟು’ ಸಾಂಗ್’ಗೆ ಡ್ಯಾನ್ಸ್ ಮಾಡಿದ್ದಳು. ಇದೀಗ ಮತ್ತೆ ಭಾರತದಲ್ಲಿನ ಕೊರಿಯನ್ ರಾಯಭಾರ ಕಚೇರಿಯ ಕೊರಿಯನ್ ರಾಯಭಾರಿ ಮತ್ತು ಸಿಬ್ಬಂದಿ ನಾಟು ನಾಟು ಹಾಡಿಗೆ ಸ್ಟೆಪ್ ಹಾಕಿದ್ದಾರೆ. ಇದರ ವಿಡಿಯೋ ಸಖತ್ ವೈರಲ್ ಆಗಿದೆ.

ಟ್ವಿಟರ್‌ನಲ್ಲಿ ಕೊರಿಯಾದ ರಾಯಭಾರ ಕಚೇರಿಯು ಕೊರಿಯಾದ ರಾಯಭಾರಿ ಚಾಂಗ್ ಜೇ-ಬೊಕ್ ಮತ್ತು ರಾಯಭಾರ ಕಚೇರಿಯಲ್ಲಿ ಕೆಲಸ ಮಾಡುವ ಕೊರಿಯಾದ ಸಿಬ್ಬಂದಿ ಆರ್‌ಆರ್‌ಆರ್ ಚಲನಚಿತ್ರದ ‘ನಾಟು ನಾಟು’ ಹಾಡಿಗೆ ಕುಣಿಯುತ್ತಿರುವ ವೀಡಿಯೊ ಕ್ಲಿಪ್ ಅನ್ನು ಪೋಸ್ಟ್ ಮಾಡಿದೆ.

ಕೊರಿಯನ್ ರಾಯಭಾರ ಕಚೇರಿಯು RRR ಚಲನಚಿತ್ರದ ನಾಟು ನಾಟು ಹಾಡಿನ ಡ್ಯಾನ್ಸ್ ವಿಡಿಯೋ ಶೇರ್ ಮಾಡುತ್ತಿದ್ದಂತೆ,  ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಟ್ವೀಟ್ ಮಾಡಿದ್ದು, “ಲವ್ಲಿ ಆಂಡ್ ಲವ್ಲಿ ಟೀಂ ಎಫರ್ಟ್” ಎಂದು ಹೇಳಿದ್ದಾರೆ.

ಈ ಚಲನಚಿತ್ರವು ಭಾರೀ ಅಂತರರಾಷ್ಟ್ರೀಯ ಮೆಚ್ಚುಗೆಯನ್ನು ಗಳಿಸಿದೆ. ನಾಟು ನಾಟು ಹಾಡು 80 ನೇ ಗೋಲ್ಡನ್ ಗ್ಲೋಬ್ಸ್‌ನಲ್ಲಿ ಇತಿಹಾಸವನ್ನು ಸೃಷ್ಟಿಸಿದ್ದು, ಅತ್ಯುತ್ತಮ ಮೂಲ ಗೀತೆ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಗೀತೆಯಾಗಿದೆ. ಎಂಎಂ ಕೀರವಾಣಿ ಸಂಯೋಜನೆಯ ಈ ಹಾಡನ್ನು ರಾಹುಲ್ ಸಿಪ್ಲಿಗುಂಜ್ ಮತ್ತು ಕಾಲ ಭೈರವ್ ಹಾಡಿದ್ದಾರೆ.