ಕೊರೊನಾ ಲಸಿಕೆ ಹಾಕಲು `ಮಿಷನ್ ಕವಚ ಕುಂಡಲ್` ಕ್ಕೆ ಚಾಲನೆ ನೀಡಿದ ಈ ರಾಜ್ಯ

ನವದೆಹಲಿ: ಮಹಾರಾಷ್ಟ್ರ ಆರೋಗ್ಯ ಸಚಿವ ರಾಜೇಶ್ ಟೋಪೆ ಗುರುವಾರ, ರಾಜ್ಯದಲ್ಲಿ ಕೋವಿಡ್ -19 ಲಸಿಕೆ ಅಭಿಯಾನವನ್ನು ತೀವ್ರಗೊಳಿಸಲು, ಮಹಾರಾಷ್ಟ್ರ ಸರ್ಕಾರವು ಇಂದಿನಿಂದ (ಅಕ್ಟೋಬರ್ 8, 2021) 'ಮಿಷನ್ ಕವಚ ಕುಂಡಲ್' ವಿಶೇಷ ಲಸಿಕೆ ಉಪಕ್ರಮವನ್ನು ಆರಂಭಿಸಲಿದೆ ಎಂದು ಹೇಳಿದರು.

ಈ ಮಿಷನ್ ಅಡಿಯಲ್ಲಿ, ರಾಜ್ಯ ಸರ್ಕಾರವು ಪ್ರತಿದಿನ ಕನಿಷ್ಠ 15 ಲಕ್ಷ ಜನರಿಗೆ ಲಸಿಕೆ ಹಾಕಲಿದೆ. ಈ ವಿಶೇಷ ಲಸಿಕೆ ಅಭಿಯಾನವು ಅಕ್ಟೋಬರ್ 14 ರವರೆಗೆ ರಾಜ್ಯದಲ್ಲಿ ನಡೆಯಲಿದೆ ಎಂದು ಮಹಾರಾಷ್ಟ್ರ 
 (Maharashtra) ಆರೋಗ್ಯ ಸಚಿವರು ತಿಳಿಸಿದ್ದಾರೆ.

ಇದನ್ನೂ ಓದಿ: Rajasthan vs Mumbai: ನಾಥನ್ ಕೌಲ್ಟರ್-ನೈಲ್, ನೀಶಂ ದಾಳಿಗೆ ತತ್ತರಿಸಿದ ರಾಜಸ್ಥಾನ ರಾಯಲ್ಸ್

"ನಾವು ಅಕ್ಟೋಬರ್ 8 ರಿಂದ ವಿಶೇಷ ವ್ಯಾಕ್ಸಿನೇಷನ್ ಉಪಕ್ರಮ ಮಿಷನ್ ಕವಚ ಕುಂಡಲ್ ಅನ್ನು ಆರಂಭಿಸುತ್ತಿದ್ದೇವೆ. ಈ ಅಭಿಯಾನವನ್ನು ಅಕ್ಟೋಬರ್ 14 ರವರೆಗೆ ರಾಜ್ಯದಲ್ಲಿ ಜಾರಿಗೊಳಿಸಲಾಗುವುದು. ನಮ್ಮ ಗುರಿ ದಿನಕ್ಕೆ ಕನಿಷ್ಠ 15 ಲಕ್ಷ ಜನರಿಗೆ ಲಸಿಕೆ ಹಾಕುವುದು. ಒಂದು ಕೋಟಿ ಲಸಿಕೆ ಗಳು ಇಂದು ರಾಜ್ಯದಲ್ಲಿ ಲಭ್ಯವಿದೆ ಎಂದು ರಾಜೇಶ್ ತೋಪೆ ಹೇಳಿದರು.

ಹೆಚ್ಚುವರಿಯಾಗಿ, ರಾಜ್ಯದ ಆರೋಗ್ಯ ಸಚಿವ ರಾಜೇಶ್ ತೋಪೆ ಅವರು ಮಹಾರಾಷ್ಟ್ರವು ಶೇ 65 ರಷ್ಟು ಜನಸಂಖ್ಯೆಯ ಮೊದಲ ಡೋಸ್‌ನೊಂದಿಗೆ ಲಸಿಕೆಯನ್ನು ಪೂರ್ಣಗೊಳಿಸಿದ್ದಾರೆ ಮತ್ತು ಸುಮಾರು  ಶೇ 30 ರಷ್ಟು ಜನರಿಗೆ ಸಂಪೂರ್ಣ ವ್ಯಾಕ್ಸಿನೇಷನ್ ಮಾಡಲಾಗಿದೆ ಎಂದು ಬಹಿರಂಗಪಡಿಸಿದರು.

ಏತನ್ಮಧ್ಯೆ, ಮಹಾರಾಷ್ಟ್ರವು ಗುರುವಾರ 2,681 ಹೊಸ ಕರೋನವೈರಸ್ ಪಾಸಿಟಿವ್ ಪ್ರಕರಣಗಳನ್ನು ವರದಿ ಮಾಡಿದೆ, ಅದರ ಒಟ್ಟಾರೆ ಸೋಂಕಿನ ಸಂಖ್ಯೆ 65,70,472 ಕ್ಕೆ ತಲುಪಿದೆ, ಆದರೆ 49 ಜನರ ಸಾವು 1,39,411 ಕ್ಕೆ ತಲುಪಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.ರಾಜ್ಯದಲ್ಲಿ ಪ್ರಸ್ತುತ 33,397 ಸಕ್ರಿಯ ಪ್ರಕರಣಗಳಿವೆ. ಮಹಾರಾಷ್ಟ್ರದ ಕೋವಿಡ್ -19 ಚೇತರಿಕೆಯ ಪ್ರಮಾಣವು ಶೇಕಡಾ 97.32 ರಷ್ಟಿದ್ದರೆ, ಸಾವಿನ ಪ್ರಮಾಣವು ಶೇ 2.12  ರಷ್ಟಿದೆ.