ರಾಜಸ್ಥಾನ ರಾಜಕೀಯದಲ್ಲಿ ಹೊಸ ತಿರುವು, ಕಾಂಗ್ರೆಸ್ ವಿರುದ್ಧ ಮತ ಚಲಾಯಿಸುವಂತೆ ಬಿಎಸ್ಪಿ ವಿಪ್

ನವದೆಹಲಿ: ರಾಜಸ್ಥಾನದ ರಾಜಕೀಯದಲ್ಲಿ ಹೊಸ ಬೆಳವಣಿಗೆಯೊಂದು ನಡೆದಿದ್ದು ಬಹುಜನ ಸಮಾಜ ಪಕ್ಷ (BSP) ಕಳೆದ ವರ್ಷ ಪಕ್ಷವನ್ನು ತೊರೆದ ಆರು ಶಾಸಕರನ್ನು ವಿಧಾನಸಭೆಯಲ್ಲಿ ಬಹುಮತ ಸಾಬೀತು ಪಡಿಸುವ ಸಂದರ್ಭದಲ್ಲಿ ಆಡಳಿತ ಪಕ್ಷದ ಕಾಂಗ್ರೆಸ್ (Congress) ವಿರುದ್ಧ ಮತ ಚಲಾಯಿಸುವಂತೆ ಭಾನುವಾರ ವಿಪ್ ಜಾರಿಗೊಳಿಸಿದೆ.

ಬಿಎಸ್ಪಿ ಪ್ರಧಾನ ಕಾರ್ಯದರ್ಶಿ ಸತೀಶ್ ಚಂದ್ರ ಮಿಶ್ರಾ ಹೇಳಿಕೆಯಲ್ಲಿ, 'ಬಿಎಸ್ಪಿ ಮಾನ್ಯತೆ ಪಡೆದ ರಾಷ್ಟ್ರೀಯ ಪಕ್ಷ ಮತ್ತು ದೇಶದಾದ್ಯಂತ ಸಂವಿಧಾನದ ಹತ್ತನೇ ವೇಳಾಪಟ್ಟಿಯ ನಾಲ್ಕನೇ ಪ್ಯಾರಾ ಅಡಿಯಲ್ಲಿ ಇಡೀ ಪಕ್ಷವನ್ನು (ಬಿಎಸ್ಪಿ) ದೇಶದ ಎಲ್ಲೆಡೆ ವಿಲೀನಗೊಳಿಸದೆ ರಾಜ್ಯ ಮಟ್ಟದಲ್ಲಿ ವಿಲೀನಗೊಳಿಸಲಾಗುವುದಿಲ್ಲ. ಈ ಬಗ್ಗೆ ಎಲ್ಲಾ ಆರು ಶಾಸಕರಿಗೆ ಪ್ರತ್ಯೇಕ ನೋಟಿಸ್ ನೀಡಲಾಗಿದೆ ಎಂದು ತಿಳಿದುಬಂದಿದೆ.

ಪಕ್ಷದ ವಿಪ್ (Whip) ವಿರುದ್ಧ ಶಾಸಕರು ಮತ ಚಲಾಯಿಸಲು ಹೋದರೆ ಅವರನ್ನು ವಿಧಾನಸಭಾ ಸದಸ್ಯತ್ವಕ್ಕೆ ಅನರ್ಹಗೊಳಿಸಲಾಗುವುದು  ಎಂದು ಸತೀಶ್ ಚಂದ್ರ ಮಿಶ್ರಾ ಹೇಳಿದರು. ನಮ್ಮ ಪಕ್ಷದ ಆರು ಶಾಸಕರು ಬಿಎಸ್ಪಿಯ ವಿಪ್ ಅನುಸರಿಸಲು ಬದ್ಧರಾಗಿದ್ದಾರೆ ಮತ್ತು ಅವರು ಹಾಗೆ ಮಾಡದಿದ್ದರೆ, ಅವರ ವಿಧಾನಸಭೆಯ ಸದಸ್ಯತ್ವದಿಂದ ಅನರ್ಹರಾಗುತ್ತಾರೆ ಎಂದು ನೋಟಿಸ್ನಲ್ಲಿ ತಿಳಿಸಲಾಗಿದೆ.

ರಾಜಸ್ಥಾನ ಹೈಕೋರ್ಟ್‌ನಲ್ಲಿ ಅನರ್ಹತೆಗಾಗಿ ಬಾಕಿ ಇರುವ ಅರ್ಜಿಯಲ್ಲಿ ಬಿಎಸ್ಪಿ ಮಧ್ಯಪ್ರವೇಶಿಸುತ್ತದೆ ಅಥವಾ ಪ್ರತ್ಯೇಕ ರಿಟ್ ಅರ್ಜಿ ಸಲ್ಲಿಸಲಿದೆ ಎಂದು ಮಿಶ್ರಾ ಸ್ಪಷ್ಟಪಡಿಸಿದ್ದಾರೆ.

2018 ರ ಚುನಾವಣೆಯಲ್ಲಿ ಸಂದೀಪ್ ಯಾದವ್, ವಾಜಿಬ್ ಅಲಿ, ದೀಪ್ಚಂದ್ ಖೇರಿಯಾ, ಲಖನ್ ಮೀನಾ, ಜೋಗೇಂದ್ರ ಅವನಾ ಮತ್ತು ರಾಜೇಂದ್ರ ಗುಧಾ ಅವರು ಬಿಎಸ್ಪಿ ಟಿಕೆಟ್ ಪಡೆದು ಗೆದ್ದ ನಂತರ ವಿಧಾನಸಭೆಯನ್ನು ತಲುಪಿದರು ಎಂಬುದು ಉಲ್ಲೇಖನೀಯ. ಕಳೆದ ವರ್ಷ ಸೆಪ್ಟೆಂಬರ್ 16 ರಂದು ಅವರು ಕಾಂಗ್ರೆಸ್‌ನಲ್ಲಿ ಗುಂಪಾಗಿ ವಿಲೀನಕ್ಕೆ ಅರ್ಜಿ ಸಲ್ಲಿಸಿದ್ದರು. ಅರ್ಜಿಯ ಎರಡು ದಿನಗಳ ನಂತರ ವಿಧಾನಸಭೆ ಸ್ಪೀಕರ್ ಈ ಆದೇಶ ಹೊರಡಿಸಿದ್ದು ಈ ಆರು ಶಾಸಕರನ್ನು ಕಾಂಗ್ರೆಸ್ ಅವಿಭಾಜ್ಯ ಸದಸ್ಯರಂತೆ ಪರಿಗಣಿಸಬೇಕು ಎಂದು ಘೋಷಿಸಿದರು.

ಈ ವಿಲೀನವು ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ (Ashok Gehlot) ಅವರ ಸರ್ಕಾರವನ್ನು ಬಲಪಡಿಸಿತು ಮತ್ತು 200 ಸದಸ್ಯರ ವಿಧಾನಸಭೆಯಲ್ಲಿ ಕಾಂಗ್ರೆಸ್ ಸದಸ್ಯರ ಸಂಖ್ಯೆ 107 ಕ್ಕೆ ಏರಿತು. ಈ ಹಿಂದೆ ಆರು ಬಿಎಸ್ಪಿ ಶಾಸಕರನ್ನು ಕಾಂಗ್ರೆಸ್ಗೆ ವಿಲೀನಗೊಳಿಸುವುದನ್ನು ರದ್ದುಗೊಳಿಸುವಂತೆ ಕೋರಿ ಬಿಜೆಪಿ ಶಾಸಕರು ರಾಜಸ್ಥಾನ ಹೈಕೋರ್ಟ್‌ನಲ್ಲಿ ಶುಕ್ರವಾರ ಅರ್ಜಿ ಸಲ್ಲಿಸಿದ್ದರು.