PM Kisan Yojana: ಭೂರಹಿತ ರೈತರಿಗೂ ಸಿಗಲಿದೆ ಈ ಸೌಲಭ್ಯ

ನವದೆಹಲಿ: ದೇಶದ ರೈತರನ್ನು ಶ್ರೀಮಂತರು ಮತ್ತು ಸ್ವಾವಲಂಬಿಗಳನ್ನಾಗಿ ಮಾಡಿದ ಕೇಂದ್ರ ಸರ್ಕಾರದ ಪಿಎಂ ಕಿಸಾನ್ ಯೋಜನೆ ಪ್ರಾರಂಭವಾದಾಗಿನಿಂದಲೂ ಸಾಕಷ್ಟು ಜನಪ್ರಿಯಗಿದೆ. ಇತ್ತೀಚಿಗೆ ಶಿವಸಾಗರ ಜಿಲ್ಲೆಯ ಜೆರೆಂಗಾ ಪ್ರಸ್ಥಭೂಮಿಯ ಭೂಹೀನ ಸ್ಥಳೀಯರು ಸಹ ಪಿಎಂ ಕಿಸಾನ್ ಯೋಜನೆ ಸೇರಿದ್ದಾರೆ. ವಾಸ್ತವವಾಗಿ ಈ ಭೂಹೀನ ಸ್ಥಳೀಯರಿಗಾಗಿ ಪಿಎಂ ಮೋದಿ 1.6 ಲಕ್ಷ ಭೂ ಗುತ್ತಿಗೆ ವಿತರಣಾ ಅಭಿಯಾನವನ್ನು ಪ್ರಾರಂಭಿಸಿದರು.

ಈಗ ಈ ರೈತರಿಗೆ ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಇತರ ಯೋಜನೆಗಳ ಲಾಭವೂ ಸಿಗಲಿದೆ ಎಂದು ಅವರು ಹೇಳಿದ್ದಾರೆ. ಈಗ ಅವರಿಗೆ ಪ್ರಧಾನಿ ಕಿಸಾನ್ ಸಮ್ಮನ್ ನಿಧಿ, ಕಿಸಾನ್ ಕ್ರೆಡಿಟ್ ಕಾರ್ಡ್ (Kisan Credit Card) ಮತ್ತು ಬೆಳೆ ವಿಮೆ ಸೇರಿದಂತೆ ಇತರ ಯೋಜನೆಗಳ ಲಾಭವೂ ಇವರಿಗೆ ಸಿಗಲಿದೆ. ಏಕೆಂದರೆ ಈಗ ಅವರ ಹೆಸರನ್ನು ಜಮೀನಿನಲ್ಲಿ ಗುತ್ತಿಗೆಗೆ ನೀಡಲಾಗಿದೆ ಮತ್ತು ನಿಯಮದ ಪ್ರಕಾರ ಅವರ ಹೆಸರಿನಲ್ಲಿ ಕೃಷಿ ಭೂಮಿ ಇರಲಿದ್ದು ಅವರು ಪಿಎಂ ಕಿಸಾನ್ ಯೋಜನೆಯ ಲಾಭವನ್ನು ಪಡೆಯುತ್ತಾರೆ.

ಈ ಬಾರಿಯ ಬಜೆಟ್‌ನಲ್ಲಿ ಪಿಎಂ ಕಿಸಾನ್ ಸಮ್ಮನ್ ನಿಧಿಯ ಪ್ರಮಾಣವನ್ನು ಹೆಚ್ಚಿಸುವ ನಿರೀಕ್ಷೆ :
ಫೆಬ್ರವರಿ 1 ರಂದು ಸಾಮಾನ್ಯ ಬಜೆಟ್ ಬಿಡುಗಡೆಯಾಗಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಕೃಷಿಯ ವಿಷಯದಲ್ಲಿ ಈ ಬಜೆಟ್ ವಿಶೇಷವಾಗಲಿದೆ ಎಂದು ರೈತರು ಭಾವಿಸುತ್ತಾರೆ. ಅದೇ ಸಮಯದಲ್ಲಿ, ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (Nirmala Sitharaman) ಕೂಡ ಈ ಬಾರಿ ಬಜೆಟ್ ವಿಶೇಷವಾಗಲಿದೆ ಎಂದು ಸೂಚಿಸಿದ್ದಾರೆ. ಅದೇ ಸಮಯದಲ್ಲಿ ರೈತ ಗೌರವದ ನಿಧಿಯನ್ನೂ ಹೆಚ್ಚಿಸಬಹುದು ಎಂಬ ಬಗ್ಗೆ ಭಾರೀ ಚರ್ಚೆಯಾಗುತ್ತಿದೆ.

ಇದನ್ನೂ ಓದಿ - PM Kisan: ಪಟ್ಟಿಯಿಂದ 2 ಕೋಟಿ ರೈತರ ಹೆಸರನ್ನು ಕೈಬಿಟ್ಟ ಸರ್ಕಾರ

ಮಾಧ್ಯಮ ವರದಿಯ ಪ್ರಕಾರ ಈ ಪಿಎಂ ಕಿಸಾನ್ ಸಮ್ಮನ್ ನಿಧಿಯಲ್ಲಿ (PM Kisan Samman Nidhi) ನೀಡಲಾಗುತ್ತಿರುವ ಮೊತ್ತವನ್ನು ವರ್ಷಕ್ಕೆ 9000 ರೂಪಾಯಿಗೆ ಹೆಚ್ಚಿಸಬಹುದು. ನಾಲ್ಕು ತಿಂಗಳಿಗೊಮ್ಮೆ ಪಡೆಯುತ್ತಿರುವ 2000 ಕಂತಿನ ಮೊತ್ತವು 3000 ರೂಗಳಿಗೆ ಹೆಚ್ಚಾಗಬಹುದು ಎಂದು ರೈತ ಸಮುದಾಯ ಭಾರೀ ನಿರೀಕ್ಷೆ ಹೊಂದಿದೆ. 

ಭೂ ಮಿತಿ ನಿಯಮ ಕೊನೆಗೊಂಡಿದೆ :
ಪಿಎಂ ಕಿಸಾನ್ ಯೋಜನೆ (PM Kisan Yojan) 2019 ರಲ್ಲಿ ಪ್ರಾರಂಭವಾಯಿತು ಮತ್ತು ಈ ಯೋಜನೆಯು ದೇಶದ ಎಲ್ಲಾ ಕೃಷಿ ರೈತರಿಗೆ ಆರ್ಥಿಕ ಸಹಾಯವನ್ನು ನೀಡುವ ಗುರಿಯನ್ನು ಹೊಂದಿದೆ. ಈ ಯೋಜನೆಯ ಪ್ರಾರಂಭದಲ್ಲಿ ಎರಡು ಹೆಕ್ಟೇರ್ ಅಥವಾ ಅದಕ್ಕಿಂತ ಕಡಿಮೆ ಕೃಷಿ ಭೂಮಿಯನ್ನು ಹೊಂದಿರುವ ರೈತರಿಗೆ ಮಾತ್ರ ಈ ಯೋಜನೆಯ ಲಾಭ ಸಿಗುತ್ತಿತ್ತು.

ಇದನ್ನೂ ಓದಿ - PM Kisan nidhi status: ನಿಮ್ಮ ಖಾತೆಗೆ ಹಣ ಇನ್ನೂ ಬಂದಿಲ್ಲವೇ, ತಕ್ಷಣ ಹೀಗೆ ಮಾಡಿ

ಈ ಯೋಜನೆ ನಂತರ ಸಣ್ಣ ರೈತ ಕುಟುಂಬಗಳಿಗೆ ಸೀಮಿತವಾಗಿತ್ತು. ಇದರ ನಂತರ, ಯೋಜನೆಯನ್ನು 2019 ರ ಜೂನ್‌ನಲ್ಲಿ ತಿದ್ದುಪಡಿ ಮಾಡಲಾಯಿತು. ಈ ತಿದ್ದುಪಡಿಯಡಿ ಎರಡು ಹೆಕ್ಟೇರ್‌ಗಿಂತ ಕಡಿಮೆ ಭೂಮಿಯನ್ನು ಹೊಂದುವ ಬಾಧ್ಯತೆಯನ್ನು ತೆಗೆದುಹಾಕಲಾಗಿದೆ. ತಿದ್ದುಪಡಿಯ ನಂತರ, ಕೃಷಿಯೋಗ್ಯ ಭೂಮಿಯನ್ನು ಹೊಂದಿರುವ ಎಲ್ಲ ರೈತರು ಈ ಯೋಜನೆಯ ಲಾಭ ಪಡೆಯಲಿದ್ದಾರೆ.