ಮಹಾತ್ಮಾ ಗಾಂಧಿಜಿಯನ್ನು ಮಣ್ಣಿನ ಮಗ ಎಂದ ಸಾಧ್ವಿ ಪ್ರಗ್ಯಾ

ನವದೆಹಲಿ: ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಗಾಂಧಿಜಿ ಹಂತಕ ನಾಥುರಾಮ್ ಗೋಡ್ಸೆಯನ್ನು ದೇಶಭಕ್ತ ಎಂದು ಕರೆದು ವಿವಾದ ಸೃಷ್ಟಿಸಿದ್ದ ಸಾಧ್ವಿ ಪ್ರಗ್ಯಾ, ಈಗ ರಾಷ್ಟ್ರಪಿತ ಮಹಾತ್ಮಾ ಗಾಂಧಿಜಿಯವರನ್ನು ಈ ಮಣ್ಣಿನ ಮಗ ಎಂದು ಕರೆದಿದ್ದಾರೆ.

ಭೂಪಾಲ್ ನ ತಮ್ಮ ಕ್ಷೇತ್ರದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಸಾಧ್ವಿ ಈ ಹೇಳಿಕೆ ನೀಡಿದ್ದು, ರಾಜ್ಯಾದ್ಯಂತ ಬಿಜೆಪಿ ಆಯೋಜಿಸಿದ್ದ ಗಾಂಧಿ ಸಂಕಲ್ಪ ಯಾತ್ರೆಗೆ ಅವರು ಗೈರು ಹಾಜರಾಗಿದ್ದ ಹಿನ್ನಲೆಯಲ್ಲಿ ಉತ್ತರಿಸಿದ ಅವರು' ಗಾಂಧಿಜಿ ದೇಶದ ಪುತ್ರ , ನಾನು ಅವರನ್ನು ಮೆಚ್ಚುತ್ತೇನೆ, ಅದಕ್ಕೆ ಯಾವುದೇ ವಿವರಣೆಯನ್ನು ನೀಡುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ.

'ರಾಷ್ಟ್ರಕ್ಕಾಗಿ ಯಾರೇ ಕೆಲಸ ಮಾಡಿದರೂ ನನಗೆ ಪ್ರಶಂಸನೀಯ. ಮಹಾತ್ಮ ಗಾಂಧಿಯವರು ಹಾಕಿಕೊಟ್ಟ ಮಾರ್ಗದಲ್ಲಿ ಹಾದಿಯಲ್ಲಿ ನಾನು ಶಾಶ್ವತವಾಗಿ ನಡೆಯುತ್ತೇನೆ. ನಮಗೆ ಮಾರ್ಗದರ್ಶನ ನೀಡಿದ ಜನರನ್ನು ಖಂಡಿತವಾಗಿಯೂ ಅವರನ್ನು ಹೊಗಳುತ್ತೇವೆ. ಅವರ ಮಾರ್ಗವನ್ನು ಅನುಸರಿಸಿ, ನಾವು ಜನರಿಗೆ ದಾರಿ ಮಾಡಿಕೊಡುತ್ತೇವೆ, 'ಎಂದು ಅವರು ಹೇಳಿದರು.

ಮೇ ತಿಂಗಳ ಆರಂಭದಲ್ಲಿ ಲೋಕಸಭಾ ಚುನಾವಣೆ ನಡೆಯುತ್ತಿರುವಾಗ, ಠಾಕೂರ್ ಅವರು ಗಾಡ್ಸೆಯನ್ನು ದೇಶಭಕ್ತರೆಂದು ಕರೆಯುವ ಮೂಲಕ ವಿವಾದವನ್ನು ಸೃಷ್ಟಿಸಿದ್ದರು, ಈ ಹೇಳಿಕೆಗೆ ತಕ್ಷಣವೇ ಬಿಜೆಪಿ ಮತ್ತು ಪ್ರಧಾನಿ ನರೇಂದ್ರ ಮೋದಿ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು.