ನವದೆಹಲಿ : ಲಾಕ್‌ಡೌನ್ (Lockdown) ಕಾರಣದಿಂದ ಹೆಚ್ಚಿನ ಬ್ಯಾಂಕಿಂಗ್ ಸಂಬಂಧಿತ ಕೆಲಸಗಳನ್ನು ಆನ್‌ಲೈನ್‌ನಲ್ಲಿ ಮಾಡಲಾಗುತ್ತಿದೆ.  ಕೋವಿಡ್ 19 (Covid-19) ಅಪಾಯದ ಕಾರಣ ಬ್ಯಾಂಕುಗಳು ತಮ್ಮ ಶಾಖೆಗಳಲ್ಲಿ ಜನರ ಸಂಖ್ಯೆ ಕಡಿಮೆ ಮಾಡಲು ಅನಗತ್ಯವಾಗಿ ಬ್ಯಾಂಕಿಗೆ ಬರದಂತೆ ಮನವಿ ಮಾಡಿವೆ. ಆದರೆ ಬ್ಯಾಂಕ್ ಮತ್ತು ಗ್ರಾಹಕರ ಈ ಅನುಕೂಲತೆಯ ಲಾಭವನ್ನು ಪಡೆದುಕೊಳ್ಳುವ ಆನ್ಲೈನ್ ವಂಚಕರ ಬಗ್ಗೆಯೂ ಜಾಗರೂಕರಾಗಿರುವುದು ಬಹಳ ಮುಖ್ಯ.


COMMERCIAL BREAK
SCROLL TO CONTINUE READING

ಸಾಲ ಕಂತು (ಇಎಂಐ) ಪಾವತಿಯನ್ನು ಮುಂದೂಡಲು ಮತ್ತು ಜನರ ಎಲ್ಲಾ ಮಾಹಿತಿಯನ್ನು ಸಂಗ್ರಹಿಸಲು ಮತ್ತು ಅವರ ಖಾತೆಗಳನ್ನು ಖಾಲಿ ಮಾಡಲು ಹಲವರು ಬ್ಯಾಂಕಿನ ಹೆಸರಿನಲ್ಲಿ ಫೋನ್ ಕರೆಗಳನ್ನು ಮಾಡುತ್ತಿದ್ದಾರೆ. ಇಂತಹ ಹಲವಾರು ಪ್ರಕರಣಗಳು ಬೆಳಕಿಗೆ ಬಂದ ನಂತರ ದೇಶದ ಅತಿದೊಡ್ಡ ಸರ್ಕಾರಿ ಸ್ವಾಮ್ಯದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಈ ವಂಚನೆಯ ಬಗ್ಗೆ ತನ್ನ ಖಾತೆದಾರರನ್ನು ಎಚ್ಚರಿಸಿದೆ.


ಹೊಸ ವಿಧಾನಗಳು ಮತ್ತು ತಂತ್ರಜ್ಞಾನದಿಂದ ಮೋಸಗಾರರು ಜನರನ್ನು ಮೋಸ ಮಾಡುತ್ತಿದ್ದಾರೆ ಎಂದು ಎಸ್‌ಬಿಐ ತನ್ನ ಒಂದು ಟ್ವೀಟ್ ಸಂದೇಶದಲ್ಲಿ ತಿಳಿಸಿದೆ. ಭಾರತದಲ್ಲಿ ಜನರನ್ನು ಹೊಸ ರೀತಿಯಲ್ಲಿ ಮೋಸ ಮಾಡಲಾಗುತ್ತಿದೆ ಎಂದು ತಿಳಿಸಿರುವ ಎಸ್‌ಬಿಐ ವಂಚಕರಿಗೆ ಒಟಿಪಿ ಮತ್ತು ಪಿನ್‌ನಂತಹ ಸೂಕ್ಷ್ಮ ಮಾಹಿತಿಯನ್ನು ಬಹಿರಂಗಪಡಿಸುವುದನ್ನು ತಪ್ಪಿಸುವಂತೆ ತನ್ನ ಗ್ರಾಹಕರಿಗೆ ಸಲಹೆ ನೀಡಿದೆ.



SMS ಬಗ್ಗೆ ಜಾಗರೂಕರಾಗಿರಿ:
ವಂಚನೆ ಮಾಡುವ ಜಾಲದಲ್ಲಿರುವ ವ್ಯಕ್ತಿಗಳು ಜನರನ್ನು ವಂಚಿಸಲು ಜನರಿಗೆ ಎಸ್‌ಎಂಎಸ್ ಕಳುಹಿಸುತ್ತಿದ್ದಾರೆ ಎಂದು ಎಸ್‌ಬಿಐ ಹೇಳಿದೆ. ಈ ಎಸ್‌ಎಂಎಸ್‌ನಲ್ಲಿ ಎಸ್‌ಬಿಐ ನೆಟ್‌ಬ್ಯಾಂಕಿಂಗ್ ಪುಟಕ್ಕೆ ಹೋಲುವ ಪುಟಕ್ಕೆ ಲಿಂಕ್ ನೀಡಲಾಗುತ್ತಿದೆ. ನೀವು ಅಂತಹ SMS ಅನ್ನು ಸ್ವೀಕರಿಸಿದರೆ ತಕ್ಷಣ ಅದನ್ನು ಅಳಿಸಿ. ನಿಮ್ಮ ಪಾಸ್‌ವರ್ಡ್ ಅಥವಾ ಖಾತೆ ಮಾಹಿತಿಯನ್ನು ನವೀಕರಿಸಲು ನಿಮ್ಮನ್ನು ಕೇಳಲಾಗಿರುವ ಬಲೆಗೆ ನೀವು ಸಿಕ್ಕಿಹಾಕಿಕೊಳ್ಳಬಾರದು ಎಂದು ಅದು ತಿಳಿಸಿದೆ.


Www.onlinesbi.digital ನಕಲಿ ವೆಬ್‌ಸೈಟ್ ಎಂದು ಬ್ಯಾಂಕ್ ಸ್ಪಷ್ಟಪಡಿಸಿದೆ.


ನೀವು ಸಹ ಅಂತಹ ಸಂದೇಶಗಳನ್ನು ಪಡೆದರೆ, ನೀವು epg.cms@sbi.co.in ಮತ್ತು report.phishing@sbi.co.in ಗೆ ಇಮೇಲ್ ಮಾಡಿ ಮತ್ತು ಈ ಬಗ್ಗೆ ನಮಗೆ ತಿಳಿಸಿ ಎಂದು ಎಸ್‌ಬಿಐ ತನ್ನ ಸಂದೇಶದಲ್ಲಿ ತಿಳಿಸಿದೆ. ನಿಮ್ಮ ವರದಿಯನ್ನು ನೀವು cybercrime.gov.in/Default.aspx ನಲ್ಲಿ ಸಲ್ಲಿಸಬಹುದು ಎಂದು ಅದು ಹೇಳಿದೆ.


ಯಾವುದೇ ಗೌಪ್ಯ ಮಾಹಿತಿಯನ್ನು ಫೋನ್‌ನಲ್ಲಿ ಹಂಚಿಕೊಳ್ಳಲು ಬ್ಯಾಂಕ್ ತನ್ನ ಗ್ರಾಹಕರನ್ನು ಕೇಳುವುದಿಲ್ಲ ಎಂದು ಬ್ಯಾಂಕ್ ಮತ್ತೊಮ್ಮೆ ಹೇಳಿದೆ. ನಿಮ್ಮ ಖಾತೆ ಸಂಖ್ಯೆ, ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಸಂಖ್ಯೆ, ಪಾಸ್‌ವರ್ಡ್ ಅಥವಾ ಇತರ ಮಾಹಿತಿಯನ್ನು ಯಾರಿಗೂ ಹಂಚಿಕೊಳ್ಳಬೇಡಿ ಎಂದು ಬ್ಯಾಂಕ್ ಗ್ರಾಹಕರಿಗೆ ಮನವಿ ಮಾಡಿದೆ.


ಚಂದಾದಾರರು ಎಚ್ಚರವಾಗಿರಿ: 
ಯಾವುದೇ ಗ್ರಾಹಕರು ತಮ್ಮ ಒಟಿಪಿ, ಸಿವಿವಿ ಅಥವಾ ಪಿನ್ ಹಂಚಿಕೊಂಡರೆ ಅವರ ಖಾತೆ ಖಾಲಿಯಾಗಬಹುದು ಎಂದು ಬ್ಯಾಂಕ್ ಹೇಳಿದೆ. ಆದ್ದರಿಂದ ಅಂತಹ ವಂಚನೆಯಿಂದ ದೂರವಿರಿ. ಇದಲ್ಲದೆ ವಂಚಕರು ಬ್ಯಾಂಕ್ ವಿವರಗಳನ್ನು ಪಡೆಯಲು ಹೊಸ ವಿಧಾನಗಳನ್ನು ಅಳವಡಿಸಿಕೊಳ್ಳಲು ಪ್ರಾರಂಭಿಸಿದ್ದಾರೆ ಎಂದು ಆಕ್ಸಿಸ್ ಬ್ಯಾಂಕ್ ಕೂಡ ಹೇಳಿದೆ.