ಮುಂಬೈ: ನಗದು ಸಾಲ ಅಥವಾ ಓವರ್‌ಡ್ರಾಫ್ಟ್ ಸೌಲಭ್ಯವನ್ನು ಪಡೆದ ಗ್ರಾಹಕರಿಗೆ ಚಾಲ್ತಿ ಖಾತೆ (Current account) ತೆರೆಯಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (Reserve Bank Of India) ಗುರುವಾರ (ಆಗಸ್ಟ್ 6)  ನಿಷೇಧಿಸಿದೆ. ಈ ವಿಷಯದಲ್ಲಿ ಶಿಸ್ತು ಅಗತ್ಯ ಎಂದು ಆರ್‌ಬಿಐ ಒತ್ತಾಯಿಸಿತು. ಹೊಸ ಕರೆಂಟ್ ಖಾತೆ ತೆರೆಯುವ ಬದಲು ಎಲ್ಲಾ ವಹಿವಾಟುಗಳನ್ನು ನಗದು ಸಾಲ ಅಥವಾ ಓವರ್‌ಡ್ರಾಫ್ಟ್ (ಒಡಿ) ಖಾತೆಯ ಮೂಲಕ ಮಾಡಬೇಕು ಎಂದು ಅಧಿಸೂಚನೆಯಲ್ಲಿ ಕೇಂದ್ರ ಬ್ಯಾಂಕ್ (ಆರ್‌ಬಿಐ) ಹೇಳಿದೆ.


COMMERCIAL BREAK
SCROLL TO CONTINUE READING

ಆದರೆ ಈ ಕ್ರಮಕ್ಕೆ ಕಾರಣವೇನು ಎಂದು ಆರ್‌ಬಿಐ (RBI) ಹೇಳಲಿಲ್ಲ. ವಿಶೇಷವೆಂದರೆ 4000 ಕೋಟಿ ರೂ.ಗಳಿಗಿಂತ ಹೆಚ್ಚಿನ ಪಿಎಂಸಿ ಸಹಕಾರಿ ಬ್ಯಾಂಕ್ ಹಗರಣದ ಸಂದರ್ಭದಲ್ಲಿ ಹಲವಾರು ಖಾತೆಗಳನ್ನು ತೆರೆಯಲಾಗಿದೆ. ಈ ವ್ಯವಸ್ಥೆಯಿಂದ ಮಾಡಲ್ಪಟ್ಟ ವಂಚನೆ, ಅವಾಂತರ ಉಂಟಾಗಿದೆ, ಅದನ್ನು ತಡೆಯಲಾಗುವುದು ಎಂದು ಅಧಿಕಾರಿಗಳು ಹೇಳುತ್ತಾರೆ. ಇದು ಅಂತಿಮವಾಗಿ ಠೇವಣಿದಾರರ ಹಣವನ್ನು ಸಂರಕ್ಷಿಸುತ್ತದೆ.


ಬಡ್ಡಿದರ ಕಡಿತಗೊಳಿಸದ ಆರ್‌ಬಿಐ, ಆದರೆ ಚಿನ್ನದ ಸಾಲಕ್ಕೆ ದೊಡ್ಡ ರಿಯಾಯಿತಿ


ರಿಸರ್ವ್ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ (Shaktikanth Das) ಗುರುವಾರ, "ಸಾಲ ಶಿಸ್ತುಗೆ ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳುವ ಅವಶ್ಯಕತೆಯಿದೆ" ಎಂದು ಹೇಳಿದರು. ಸಾಲಗಾರರಿಂದ ಬಹು ಖಾತೆಗಳ ಬಳಕೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ಅವರು ಇದನ್ನು ಗಮನದಲ್ಲಿಟ್ಟುಕೊಂಡು ಅನೇಕ ಬ್ಯಾಂಕುಗಳಿಂದ ಸಾಲ ಸೌಲಭ್ಯವನ್ನು ಸಾಲಗಾರರು ಪಡೆದುಕೊಳ್ಳುವುದರಿಂದ ಅಂತಹ ಖಾತೆಗಳನ್ನು ತೆರೆಯಲು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಅವಶ್ಯಕ ಎಂದರು.


ಆರ್‌ಬಿಐ ಪ್ರಕಾರ ಚಾಲ್ತಿ ಖಾತೆ ತೆರೆಯುವ ಬಗ್ಗೆ ಬ್ಯಾಂಕುಗಳು ಶಿಸ್ತುಬದ್ಧವಾಗಿರಬೇಕು. ಬ್ಯಾಂಕುಗಳಿಂದ ನಗದು ಸಾಲ (ಸಿಸಿ) / ಓವರ್‌ಡ್ರಾಫ್ಟ್ ರೂಪದಲ್ಲಿ ಸಾಲ ಸೌಲಭ್ಯವನ್ನು ಪಡೆದ ಗ್ರಾಹಕರ ಚಾಲ್ತಿ ಖಾತೆಗಳನ್ನು ಯಾವುದೇ ಬ್ಯಾಂಕ್ ತೆರೆಯುವುದಿಲ್ಲ. ಈ ಗ್ರಾಹಕರ ಎಲ್ಲಾ ವಹಿವಾಟುಗಳನ್ನು ಸಿಸಿ / ಒಡಿ ಖಾತೆಯ ಮೂಲಕ ಮಾಡಬಹುದು.