COVID-19 ಪರೀಕ್ಷೆ ನಿಯಮ ಉಲ್ಲಂಘಿಸಿದ ಆಸ್ಪತ್ರೆ ವಿರುದ್ಧ ದೆಹಲಿ ಸರ್ಕಾರ ಎಫ್‌ಐಆರ್ ದಾಖಲು

ನವದೆಹಲಿ: ದೆಹಲಿಯಲ್ಲಿನ COVID-19 ಆಸ್ಪತ್ರೆಗಳ ಸುತ್ತ ಹೆಚ್ಚುತ್ತಿರುವ ವಿವಾದದ ನಡುವೆ ದೆಹಲಿ ಸರ್ಕಾರವು ನಗರದ ಸರ್ ಗಂಗಾ ರಾಮ್ ಆಸ್ಪತ್ರೆ (Sir Ganga Ram Hospital) ವಿರುದ್ಧ ಕರೋನವೈರಸ್ ಪರೀಕ್ಷೆಗಳ ನಿಯಮಗಳನ್ನು ಉಲ್ಲಂಘಿಸಿದೆ ಎಂದು ಪೊಲೀಸ್ ಪ್ರಕರಣವನ್ನು ದಾಖಲಿಸಿದೆ.

ದೆಹಲಿ ಸರ್ಕಾರದ ಆರೋಗ್ಯ ಇಲಾಖೆಯ ಉಪ ಕಾರ್ಯದರ್ಶಿ ನೀಡಿದ ದೂರಿನ ಮೇರೆಗೆ ಖಾಸಗಿ ಆಸ್ಪತ್ರೆಯಲ್ಲಿ ಅಪರಿಚಿತ ಶಂಕಿತರ ವಿರುದ್ಧ ಮೊದಲ ಮಾಹಿತಿ ವರದಿ ಅಥವಾ ಎಫ್‌ಐಆರ್ ದಾಖಲಿಸಲಾಗಿದೆ.ದೂರಿನ ಪ್ರಕಾರ, ಅಧಿಕೃತ ಸಾಫ್ಟ್‌ವೇರ್ ಕಾರ್ಯಕ್ರಮವೊಂದರಲ್ಲಿ ಕರೋನವೈರಸ್ ಪರೀಕ್ಷೆಗಳನ್ನು ನೋಂದಾಯಿಸಲು ಸರ್ಕಾರ ಕಡ್ಡಾಯಗೊಳಿಸಿದ್ದರೂ, ಸರ್ ಗಂಗಾ ರಾಮ್ ಆಸ್ಪತ್ರೆಯ (ಎಸ್‌ಜಿಆರ್‌ಹೆಚ್) ಅಧಿಕಾರಿಗಳು ಹಾಗೆ ಮಾಡುತ್ತಿಲ್ಲ.ಕೇಂದ್ರ ಸರ್ಕಾರ ಅಭಿವೃದ್ಧಿಪಡಿಸಿದ ಆರ್‌ಟಿ-ಪಿಸಿಆರ್ ಆ್ಯಪ್ ಅನ್ನು ಜೂನ್ 3 ರಂದು ಸರ್ ಗಂಗಾ ರಾಮ್ ಆಸ್ಪತ್ರೆಯಲ್ಲಿ ಬಳಸುತ್ತಿಲ್ಲ ಎಂದು ತಿಳಿದುಬಂದಿದೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.

ಆಸ್ಪತ್ರೆಗಳು COVID -19 ಪರೀಕ್ಷೆಗಳನ್ನು ಆ್ಯಪ್ ಮೂಲಕ ನೋಂದಾಯಿಸಿಕೊಳ್ಳಬೇಕು ಆದ್ದರಿಂದ ಕರೋನವೈರಸ್ ರೋಗಿಗಳ ದತ್ತಾಂಶವು ಸರ್ಕಾರಿ ದತ್ತಸಂಚಯದಲ್ಲಿ ನೈಜ ಸಮಯದಲ್ಲಿ  ಯಾವುದೇ ನಕಲು ಅಥವಾ ದೋಷವಿಲ್ಲ ಎನ್ನುವುದನ್ನು ಪ್ರತಿಫಲಿಸುತ್ತದೆ. ಪ್ರಮುಖ ಖಾಸಗಿ ಆಸ್ಪತ್ರೆ ಮತ್ತು ಮೀಸಲಾದ COVID-19 ಸೌಲಭ್ಯದ ಎಸ್‌ಜಿಆರ್‌ಹೆಚ್ ಅಧಿಕಾರಿಗಳಿಂದ ಇದುವರೆಗೆ ಪ್ರತಿಕ್ರಿಯೆ ಬಂದಿಲ್ಲ.

ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಶನಿವಾರ ದೆಹಲಿಯಲ್ಲಿ ಗಂಭೀರ ಕೊರೊನಾವೈರಸ್ ರೋಗಿಗಳಿಗೆ ಹಾಸಿಗೆಗಳ ಕೊರತೆಯಿಲ್ಲ ಎಂದು ಹೇಳಿದರು. ಇನ್ನು ಮುಂದುವರೆದು 'ಕೆಲವು ಆಸ್ಪತ್ರೆಗಳು COVID-19 ರೋಗಿಗಳಿಗೆ ಪ್ರವೇಶವನ್ನು ನಿರಾಕರಿಸುತ್ತಿವೆ. ಇತರ ಪಕ್ಷಗಳಿಂದ ತಮ್ಮ ರಕ್ಷಕರ ಪ್ರಭಾವವನ್ನು ಬಳಸಿಕೊಂಡು ಹಾಸಿಗೆಗಳ ಕಪ್ಪು-ಮಾರುಕಟ್ಟೆ ಮಾಡಲು ಸಾಧ್ಯವಾಗುತ್ತದೆ ಎಂದು ಭಾವಿಸುವವರಿಗೆ ನಾನು ಎಚ್ಚರಿಕೆ ನೀಡುತ್ತಿದ್ದೇನೆ, ಎಂದು ಕೇಜ್ರಿವಾಲ್ ಹೇಳಿದರು.