ಇಲ್ಲಿದೆ ಉಜ್ಜೈನಿ ಮಹಾಕಾಲೇಶ್ವರನ ಅಭಿಷೇಕದ ಝಲಕ್.! ನೋಡಿ, ಪುನೀತರಾಗಿ.!

ಉಜ್ಜೈನಿ (ಮಧ್ಯಪ್ರದೇಶ) : ದೇಶದಲ್ಲಿ ದ್ವಾದಶ ಜ್ಯೋತಿರ್ಲಿಂಗಗಳಿವೆ. ಅಂದರೆ ಹನ್ನೆರಡು ಜ್ಯೋತಿರ್ಲಿಂಗಳಿವೆ. ಅದರಲ್ಲಿ ಒಂದು ಜ್ಯೋತಿರ್ಲಿಂಗ ಉಜ್ಜೈಯಿನಿಯಲ್ಲಿದೆ. ಅವನೇ ಮಹಾಕಾಲೇಶ್ವರ (Mahakaleshwar). ವಿಶೇಷವಾಗಿ ಶಿವರಾತ್ರಿಯ (Mahashivaratri) ದಿನ ಉಜ್ಜೈಯಿನಿ ಮಹಾಕಾಲೇಶ್ವರನ ದರ್ಶನದಿಂದ ಪಾಪ ದೂರವಾಗಿ ಪುಣ್ಯ ಪ್ರಾಪ್ತಿಯಾಗುತ್ತದೆಯಂತೆ. 

ಆದರೆ, ಈ ಸಲ ಮಹಾಕಾಲೇಶ್ವರನ (Mahakaleshwar) ದರ್ಶನ ಅಷ್ಟೊಂದು ಸುಲಭ ಇಲ್ಲ. ಕರೋನಾ ಮಹಾಮಾರಿಯ (Coronavirus) ಕಾರಣದಿಂದಾಗಿ ಮಹಾಕಾಲೇಶ್ವರನ ದರ್ಶನಕ್ಕೆ ಕೇವಲ 25ಸಾವಿರ ಜನರಿಗಷ್ಟೇ ಅವಕಾಶ ನೀಡಲಾಗಿದೆ. ಜೊತೆಗೆ ಒಂದೂವರೆ ಕಿಲೋಮೀಟರ್ ನಡೆದು ದರ್ಶನ ಮಾಡುವ ಅಗತ್ಯವಿದೆ. ಅಷ್ಟೇ ಅಲ್ಲ, ಜನಜಂಗುಳಿಯೂ ಸಿಕ್ಕಾಪಟ್ಟೆ ಇದೆ. ಕರೋನಾ ಕಾಲದಲ್ಲಿ ಜನಜಂಗುಳಿ ನಡುವೆ ಸೇರುವುದು ಸರಿಯೂ ಅಲ್ಲ. ಹಾಗಾಗಿ, ಮಹಾಕಾಲೇಶ್ವರನ ದರ್ಶನವನ್ನು (Mahakaleshwar darshan) ಇಲ್ಲಿಯೇ ಮಾಡಿ. ಬೆಳಗ್ಗಿನ ಜಲಾಭಿಷೇಕದ ಅದ್ಭುತ ವಿಡಿಯೋ ಇಲ್ಲಿದೆ. ಅದನ್ನು ನೋಡಿ, ಮಹಾಕಾಲೇಶ್ವರನಿಗೆ ಮನಸ್ಸಿನಲ್ಲಿ ನಮಿಸಿ ಪುನೀತರಾಗಿ. ಇಲ್ಲಿದೆ ನೋಡಿ ಮಹಾಕಾಲೇಶ್ವರನ ಅಭಿಷೇಕದ ಝಲಕ್.

ಭಸ್ಮಾರತಿ ನಡೆಯುವ ಏಕೈಕ ಜ್ಯೋತಿರ್ಲಿಂಗ:
ಮಹಾಕಾಲೇಶ್ವರನಿಗೆ ನಡೆಯುವ ಭಸ್ಮಾರತಿ (Bhasm aarti) ದೃಶ್ಯಗಳನ್ನು ನೋಡುವುದೇ ಒಂದು ಭಾಗ್ಯ. ಅದೊಂದು ಅಭೂತಪೂರ್ವ ಅನುಭವ. 12 ಜ್ಯೋತಿರ್ಲಿಂಗಗಳ (Jyotirlinga) ಪೈಕಿ ಕೇವಲ ಮಹಾಕಾಲೇಶ್ವರನಿಗೆ ಮಾತ್ರ ಭಸ್ಮಾರತಿ ಮಾಡಲಾಗುತ್ತದೆ. ಶಿವ (Lord Shiva) ಭಸ್ಮ ಪ್ರಿಯ. ಮಹಾಕಾಲೇಶ್ವರನ ಮತ್ತೊಂದು ವಿಶೇಷವೆಂದರೆ, ಇದು ದಕ್ಷಿಣಾಮುಖಿ ಜ್ಯೋತಿರ್ಲಿಂಗ. 12 ಜ್ಯೋತಿರ್ಲಿಂಗಗಳಲ್ಲಿ ಯಾವುದು ಕೂಡಾ ದಕ್ಷಿಣಮುಖವಾಗಿಲ್ಲ. ಆದರೆ, ಮಹಾಕಾಲೇಶ್ವರ ಮಾತ್ರ ದಕ್ಷಿಣಾಭಿಮುಖವಾಗಿ ಕುಳಿತು ಭಕ್ತರಿಗೆ (Devotees) ದರ್ಶನ ನೀಡುತ್ತಿದ್ದಾನೆ.

ಇದನ್ನೂ ಓದಿ : Mahashivaratri 2021 : ಇಂದು ಮಹಾಶಿವರಾತ್ರಿ, ತಪ್ಪಿಯೂ ಮಾಡಬೇಡಿ ಈ ಹತ್ತು ತಪ್ಪು.!