ನವದೆಹಲಿ: ಕೇಂದ್ರ ಸಾರ್ವಜನಿಕ ಸೇವಾ ಆಯೋಗ (UPSC) ನಾಗರಿಕ ಸೇವಾ ಪರೀಕ್ಷೆ -2017 ರ ಫಲಿತಾಂಶವನ್ನು ಮಂಗಳವಾರ ಬೆಳಿಗ್ಗೆ ಬಿಡುಗಡೆ ಮಾಡಿದೆ. ಪರೀಕ್ಷೆಯಲ್ಲಿ ಪ್ರದೀಪ್ ಸಿಂಗ್ ಅಖಿಲ ಭಾರತ ಟಾಪರ್ ಆಗಿದ್ದಾರೆ. ಪ್ರತಿಭಾ ವರ್ಮಾ ಮಹಿಳೆಯರಲ್ಲಿ ಅತ್ಯುನ್ನತ ಸ್ಥಾನವನ್ನು ಗಳಿಸಿದ್ದಾರೆ. ಅವರು ಪರೀಕ್ಷೆಯಲ್ಲಿ ಒಟ್ಟಾರೆ ಮೂರನೇ ಸ್ಥಾನದಲ್ಲಿದ್ದಾರೆ.


COMMERCIAL BREAK
SCROLL TO CONTINUE READING

 ಯುಪಿಎಸ್‌ಸಿ (UPSC) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಈ ಬಾರಿ ಒಟ್ಟು 829 ಅಭ್ಯರ್ಥಿಗಳು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ಇವರಲ್ಲಿ ಸಾಮಾನ್ಯ ವರ್ಗದ 304 ಅಭ್ಯರ್ಥಿಗಳು, ಹಿಂದುಳಿದ ವರ್ಗದ 251, ಪರಿಶಿಷ್ಟ ಜಾತಿಯ 129, ಪರಿಶಿಷ್ಟ ಪಂಗಡದ 67 ಮತ್ತು ಆರ್ಥಿಕವಾಗಿ ಹಿಂದುಳಿದ 78 ಮಂದಿ ಸೇರಿದ್ದಾರೆ. ಈ ಎಲ್ಲಾ ಯಶಸ್ವಿ ಅಭ್ಯರ್ಥಿಗಳಿಗೆ ಅವರ ಶ್ರೇಣಿ ಮತ್ತು ಆಯ್ಕೆಯ ಪ್ರಕಾರ ಸೇವೆ ನೀಡಲಾಗಿದೆ. 


ಶಾಕಿಂಗ್! ಫೆಡರಲ್ ಸೇವೆಯಲ್ಲಿ H1-B ವೀಸಾ ಹೊಂದಿರುವವರ ನೇಮಕ ನಿಷೇಧಿಸಿದ ಟ್ರಂಪ್


ಐಎಎಸ್ ಸೇವೆಯಲ್ಲಿ 180 ಅಭ್ಯರ್ಥಿಗಳನ್ನು ಕಳುಹಿಸಲಾಗಿದೆ. ವಿದೇಶಿ ಸೇವೆಗೆ 24 ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಾಗಿದೆ. ಐಪಿಎಸ್‌ಗೆ 150 ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಾಗಿದೆ. ಕೇಂದ್ರ ಸೇವಾ ಗುಂಪು ಎ ಗೆ 438 ಮತ್ತು ಗುಂಪು ಬಿ ಗೆ 135 ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಾಗಿದೆ.


ಈ ಪರೀಕ್ಷೆಯಲ್ಲಿ ಪ್ರದೀಪ್ ಸಿಂಗ್ ಪ್ರಥಮ, ಜತಿನ್ ಕಿಶೋರ್ ದ್ವಿತೀಯ, ಪ್ರತಿಭಾ ವರ್ಮಾ ಮೂರನೇ, ಹಿಮಾಂಶು ಜೈನ್ ನಾಲ್ಕನೇ ಮತ್ತು ಜಯದೇವ್ ಸಿ.ಎಸ್. ಐದನೇ ಸ್ಥಾನ ಗಳಿಸಿದ್ದಾರೆ. ಈ ಲಿಂಕ್ ಅನ್ನು ಕ್ಲಿಕ್ ಮಾಡುವುದರ ಮೂಲಕ ಯುಪಿಎಸ್‌ಸಿಯ ಸಂಪೂರ್ಣ ಫಲಿತಾಂಶ ಮತ್ತು ಟಾಪರ್ ಪಟ್ಟಿಯನ್ನು ಕಾಣಬಹುದು.


https://www.upsc.gov.in/whats-new/Civil%20Services%20Examination%2C%202019/Final%20Result


ಯುಪಿಎಸ್‌ಸಿಯ ಮುಖ್ಯ ಪರೀಕ್ಷೆ ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ನಡೆಯಿತು. ಈ ವರ್ಷದ ಫೆಬ್ರವರಿಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳ ಸಂದರ್ಶನ ನಡೆಯಬೇಕಿತ್ತು. ಆದರೆ ಕರೋನಾ ಸೋಂಕಿನಿಂದಾಗಿ ಇದನ್ನು ಮುಂದೂಡಲಾಗಿತ್ತು. ಇದರ ನಂತರ ಜುಲೈನಿಂದ ಅಭ್ಯರ್ಥಿಗಳ ಸಂದರ್ಶನ ಪ್ರಕ್ರಿಯೆ ಪ್ರಾರಂಭವಾಯಿತು. ಸಂದರ್ಶನಕ್ಕಾಗಿ ದೆಹಲಿಗೆ ಆಗಮಿಸಿದ್ದ ಎಲ್ಲ ಅಭ್ಯರ್ಥಿಗಳಿಗೆ ಶುಲ್ಕ ನೀಡಲಾಯಿತು. ಅಲ್ಲದೆ ಯುಪಿಎಸ್‌ಸಿ ಕಚೇರಿಯನ್ನು ತಲುಪಿದಾಗ ಅವರಿಗೆ ಕಿಟ್ ಒಂದನ್ನು ನೀಡಲಾಯಿತು. ಇದರಲ್ಲಿ ಫೇಸ್ ಮಾಸ್ಕ್, ಫೇಸ್ ಶೀಲ್ಡ್, ಸ್ಯಾನಿಟೈಜರ್ ಮತ್ತು ಕೈಗವಸುಗಳು ಸೇರಿವೆ.