Viral Video: ಇದ್ದಕ್ಕಿದ್ದಂತೆ ವ್ಯಕ್ತಿಯ ಕಿವಿಯಿಂದ ತೆವಳಿಕೊಂಡು ಹೊರಬಂದ ಜೇಡ…ಈ ಶಾಕಿಂಗ್ ವಿಡಿಯೋ ನೋಡಿ!

Spider Crawling Out Of Mans Ear: ನಮ್ಮಲ್ಲಿ ಹೆಚ್ಚಿನವರು ಜೇಡಗಳಿಗೆ ಹೆದರುತ್ತಾರೆ. ಮುಖ್ಯವಾಗಿ ಮಕ್ಕಳನ್ನು ಅಂತಹ ಕೀಟಗಳಿಂದ ದೂರವಿರುವಂತೆ ಸೂಚಿಸಲಾಗುತ್ತದೆ. ಏಕೆಂದರೆ ಅವು ನಮ್ಮನ್ನು ಕಚ್ಚಬಹುದು, ಇಲ್ಲವೇ ತೀವ್ರವಾದ ನೋವನ್ನು ನೀಡುತ್ತದೆ. ಕೀಟವನ್ನೆಲ್ಲಾ ಕಂಡಾಗ ಅದನ್ನು ಓಡಿಸಲು ಪ್ರಯತ್ನಿಸುತ್ತೇವೆ. ಆದರೆ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ಭಯಾನಕ ಹಳೆಯ ದೃಶ್ಯವೊಂದು ನಿಮ್ಮ ಮೈ ಜುಂ ಎನ್ನುವಂತೆ ಮಾಡದಿರದು. ಹೌದು ಮನುಷ್ಯನ ಕಿವಿಯಿಂದ ಜೇಡ ತೆವಳಿಕೊಂಡು ಹೊರಬರುವುದನ್ನು ಕಾಣಬಹುದು.

ಇದನ್ನೂ ಓದಿ: ಮಕ್ಕಳಾದ ಮೇಲೆ ಸಂಗಾತಿಗೆ ವಿಚ್ಛೇದನ ನೀಡಿ ಮತ್ತೊಬ್ಬರ ಜೊತೆ ಸಂಬಂಧ ಬೆಳಸಿಕೊಂಡ ಬಾಲಿವುಡ್ ಸೆಲೆಬ್ರಿಟಿಗಳು

ವೀಡಿಯೊವನ್ನು ಟ್ವಿಟ್ಟರ್ ಪೇಜ್ ‘ಆಡ್ಲಿ ಟೆರಿಫೈಯಿಂಗ್’ ಹಂಚಿಕೊಂಡಿದೆ. ಒಬ್ಬ ವ್ಯಕ್ತಿ ಮಲಗಿರುವಾಗ ಆತನ ಕಿವಿಗೆ ಲವಣಯುಕ್ತವಾಗಿ ಕಂಡುಬರುವ ಕೆಲವು ದ್ರವವನ್ನು ಹಾಕುತ್ತಿದ್ದಾರೆ. ಈ ಎಲ್ಲಾ ದೃಶ್ಯಗಳನ್ನು ವಿಡಿಯೋದಲ್ಲಿ ಕಾಣಬಹುದು. ಹೀಗೆ ಮಾಡಿದ ಕೆಲವೇ ಸೆಕೆಂಡುಗಳಲ್ಲಿ, ಜೇಡವು ಕಿವಿಯಿಂದ ಹೊರಬರುತ್ತದೆ. ಅವನ ಟಿ-ಶರ್ಟ್ ಮೇಲೆ ತೆವಳಿಕೊಂಡು ಬಂದು ಬಿದ್ದಿದೆ. ಆದರೆ ಈ ವೀಡಿಯೊದ ಸತ್ಯಾಸತ್ಯತೆ ಏನೆಂದು ಇಂದಿಗೂ ತಿಳಿದಿಲ್ಲ.  

ಇದೇ ರೀತಿಯ ಘಟನೆ 2019 ರಲ್ಲಿ ಚೀನಾದಲ್ಲಿ ನಡೆದಿತ್ತು. ಒಬ್ಬ ವ್ಯಕ್ತಿ ತನ್ನ ಕಿವಿಯೊಳಗೆ ತುರಿಕೆ, ತೆವಳುವ ಅನುಭವ ಆಗುತ್ತಿದೆ ಎಂದು ಹೇಳಿ ವೈದ್ಯರ ಬಳಿ ಬಂದಿದ್ದ. ಆಗ ರೋಗಿಯ ಕಿವಿಯನ್ನು ಪರೀಕ್ಷಿಸಿದ ವೈದ್ಯರಿಗೆ ಮೊದಲಿಗೆ ಏನೂ ಕಾಣಿಸಿಕೊಳ್ಳಲಿಲ್ಲ. ಬಳಿಕ ಸೂಕ್ಷ್ಮವಾಗಿ ಗಮನಿಸಿದಾಗ, ಸಣ್ಣ ಜೇಡ ಇರುವುದು ಕಂಡುಬಂತು. ಜೊತೆಗೆ ಕಿವಿಯಲ್ಲಿಯೇ ಬಲೆ ನೇಯುವುದು ಕಂಡುಬಂದಿತ್ತು. ಅಂತಿಮವಾಗಿ, ಜೇಡವನ್ನು ಹೊರಹಾಕಲು ವೈದ್ಯರು ಲವಣಯುಕ್ತ ದ್ರಾವಣವನ್ನು ಬಳಸಿ, ಆ ಜೇಡವನ್ನು ಹೊರತೆಗೆದಿದ್ದರು.