ಸರಿಯಾಗಿ ಸೂರ್ಯೋದಯಕ್ಕೂ ಮುನ್ನ ಹುಂಜ ಏಕೆ ಕೂಗುತ್ತೆ ಗೊತ್ತೆ..? ಈ ವೈಜ್ಞಾನಿಕ ಕಾರಣಗಳನ್ನ ಕೇಳಿದ್ರೆ ಶಾಕ್‌ ಆಗ್ತೀರಾ..

Reason behand Rooster crowing : ಹುಂಜದ ದೇಹದಲ್ಲಿ 'ಸಿರ್ಕಾಡಿಯನ್ ರಿದಮ್' ಎಂಬ ಆಂತರಿಕ ಗಡಿಯಾರವಿದೆ. ಈ ಗಡಿಯಾರವು ದಿನವಿಡೀ ಹುಂಜ ಏನು ಮಾಡಬೇಕು (24-ಗಂಟೆಗಳ ಚಕ್ರ), ಯಾವಾಗ ಮಲಗಬೇಕು ಮತ್ತು ಯಾವಾಗ ಎದ್ದೇಳಬೇಕು ಎಂಬುದನ್ನು ನಿರ್ಧರಿಸುತ್ತದೆ. ಅಷ್ಟೇ ಅಲ್ಲ, ಸೂರ್ಯ ಉದಯಿಸಿದಾಗ ಮತ್ತು ಅಸ್ತಮಿಸುವಾಗ ಏನು ಮಾಡಬೇಕೆಂದು ಕೋಳಿಗೆ ಹೇಳುತ್ತದೆ.

ಸೂರ್ಯನು ಉದಯಿಸಲು ಪ್ರಾರಂಭಿಸಿದಾಗ, ಈ ಗಡಿಯಾರವು ಹುಂಜಕ್ಕೆ ಸಂಕೇತವನ್ನು ನೀಡುತ್ತದೆ. ಅಲ್ಲಿಯವರೆಗೂ ಮಲಗಿದ್ದ ಕೋಳಿಗೆ ಹೊಸ ದಿನವೊಂದು ಆರಂಭವಾಗಲಿದೆ ಎಂದು ತಿಳಿದು ಆಕ್ವಿವ್‌ ಆಗುತ್ತದೆ.. ಅದಕ್ಕೆ ಎದ್ದು ಜೋರಾಗಿ ಕೂಗುತ್ತದೆ.. 

ಇದನ್ನೂ ಓದಿ:ದೇಶದ ಸಮಗ್ರತೆ, ಐಕ್ಯತೆ ಸಾರುವ ‘ರಾಷ್ಟ್ರೀಯ ಏಕತಾ ದಿನಾಚರಣೆ'

ಕೋಳಿಗಳಿಗೂ ಸಹ ಈ ಜೈವಿಕ ಗಡಿಯಾರ ಇರುತ್ತದೆ.. ಆದರೆ ಅದು ವಿಭಿನ್ನವಾಗಿ ಕಾರ್ಯನಿರ್ವಹಿಸುತ್ತದೆ. ಉದಾಹರಣೆಗೆ, ಯಾವಾಗ ಮೊಟ್ಟೆಗಳನ್ನು ಇಡಬೇಕು ಎಂದು ಮಾತ್ರ ಹೇಳುತ್ತದೆ. ಕೋಳಿಗೆ ಮುಂಜಾನೆ ಎದ್ದು ಕೂಗುವ ಸ್ವಭಾವ ಇರುವುದಿಲ್ಲ.  

ಬೆಳಕನ್ನು ಪತ್ತೆಹಚ್ಚುವ ಕಣ್ಣುಗಳು : ಹುಂಜದ ಕಣ್ಣುಗಳು ಬಹಳ ಬುದ್ಧಿವಂತ ಮತ್ತು ಸೂಕ್ಷ್ಮವಾಗಿರುತ್ತವೆ. ಸೂರ್ಯ ಉದಯಿಸಿದಾಗ, ಸ್ವಲ್ಪ ಬೆಳಕು ಇರುತ್ತದೆ, ಮತ್ತು ಕೋಳಿಯ ಕಣ್ಣುಗಳು ತಕ್ಷಣವೇ ಆ ಬೆಳಕನ್ನು ಗಮನಿಸುತ್ತವೆ. ಬೆಳಕನ್ನು ನೋಡುವ ಕಣ್ಣುಗಳು ಕೋಳಿಯ ಮೆದುಳಿಗೆ ಸಂಕೇತವನ್ನು ಕಳುಹಿಸುತ್ತವೆ. ಕೋಳಿ ಸಿಗ್ನಲ್ ಸ್ವೀಕರಿಸಿ, ಬೆಳಗ್ಗೆಯಾಗಿದೆ, ಉಳಿದ ಕೋಳಿಗಳನ್ನು ಎಬ್ಬಿಸಬೇಕು.. ಅಂತ ಯೋಚಿಸಿ ಕೂಗುತ್ತದೆಯಂತೆ..