Niranthara Ranga Utsava: ಮಾರ್ಚ್ 23ರಿಂದ 27ರವರೆಗೆ ‘ನಿರಂತರ ರಂಗ ಉತ್ಸವ’

ಮೈಸೂರು: ಮೈಸೂರಿನ ನಿರಂತರ ಫೌಂಡೇಶನ್(Niranthara Foundation)ವತಿಯಿಂದ ಮಾರ್ಚ್ 23ರಿಂದ 27ರವರೆಗೆ 'ನಿರಂತರ ರಂಗ ಉತ್ಸವ’ವನ್ನು ಆಯೋಜಿಸಲಾಗಿದೆ. ಸಾಂಸ್ಕೃತಿಕ ನಗರಿ ಮೈಸೂರಿನ ರಾಮಕೃಷ್ಣನಗರದ ರಮಾಗೋವಿಂದ ರಂಗ ಮಂದಿರ(Ramagovinda Rangamandira)ದಲ್ಲಿ 5 ದಿನಗಳ ಕಾಲ ‘ರಂಗ ಉತ್ಸವ’ ನಡೆಯಲಿದೆ.

ಬೆಂಗಳೂರಿನ ಕನ್ನಡ ಮತ್ತು ಸಂಸ್ಕೃತಿ ನಿರ್ದೇಶನಾಲಯದ ಸಹಕಾರದೊಂದಿಗೆ ಪ್ರತಿವರ್ಷದಂತೆ ಈ ವರ್ಷವೂ ನಿರಂತರ ಫೌಂಡೇಶನ್ ‘ನಿರಂತರ ರಂಗ ಉತ್ಸವ’(Niranthara Ranga Utsava)ವನ್ನು ಆಯೋಜಿಸಿದೆ. 5 ದಿನಗಳ ಕಾಲ ರಾಜ್ಯದ ಪ್ರಸಿದ್ಧ ರಂಗತಂಡಗಳು ಪ್ರಖ್ಯಾತ ನಾಟಕಗಳನ್ನು ಪ್ರದರ್ಶಿಸಲಿವೆ. 5 ದಿನವೂ ವಿಭಿನ್ನ ನಾಟಕಗಳನ್ನು ನೋಡುವ ಅವಕಾಶ ರಂಗಾಸಕ್ತರಿಗೆ ದೊರೆಯಲಿದೆ.  

ಮಾರ್ಚ್ 24ರಂದು ಸಂಜೆ 7 ಗಂಟೆಗೆ ಬೆಂಗಳೂರು ದೃಶ್ಯಕಾವ್ಯ ರಂಗತಂಡದಿಂದ ಕೆ.ವೈ.ನಾರಾಯಣಸ್ವಾಮಿ(KY Narayanaswamy) ರಚನೆಯ ನಂಜುಂಡೇಗೌಡ ಸಿ ನಿರ್ದೇಶನದ ‘ಮಾಯಾ ಬೇಟೆ’ ನಾಟಕ ಪ್ರದರ್ಶನವಿರುತ್ತದೆ.