ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೆ ಮುಟ್ಟಿವೆ, ಬಡವರ ಮನೆ ಒಲೆಗಳು ಆರಿವೆ: ಕಾಂಗ್ರೆಸ್

ಬೆಂಗಳೂರು: ಅಗತ್ಯ ವಸ್ತುಗಳ(Essential Commodities)ಬೆಲೆಗಳು ಗಗನಕ್ಕೆ ಮುಟ್ಟಿವೆ, ಬಡವರ ಮನೆಯ ಒಲೆಗಳು ಆರಿವೆ ಎಂದು ಬಿಜೆಪಿ ಸರ್ಕಾರದ ವಿರುದ್ಧ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಿಡಿಕಾರಿದೆ. #Worstಸರ್ಕಾರCostlyಸಂಸಾರ ಹ್ಯಾಶ್ ಟ್ಯಾಗ್ ಬಳಿಸಿ ಸೋಮವಾರ ಸರಣಿ ಟ್ವೀಟ್ ಮಾಡಿರುವ ಕಾಂಗ್ರೆಸ್ ಬೆಲೆ ಏರಿಕೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದೆ.

‘ಇಂಧನ ತೈಲಗಳ ಬೆಲೆ 7 ದಿನಗಳಿಂದ ನಿರಂತರ ಏರಿಕೆ ಕಂಡಿದೆ, ರಾಜ್ಯದಲ್ಲೂ ಡೀಸೆಲ್ ದರ(Diesel Price) 100 ರೂ.ಗಳ ಗಡಿ ದಾಟಿದೆ. ಅಗತ್ಯ ವಸ್ತುಗಳ ಬೆಲೆಗಳು ಗಗನಕ್ಕೆ ಮುಟ್ಟಿವೆ, ಬಡವರ ಮನೆಯ ಒಲೆಗಳು ಆರಿವೆ. ವಿರೋಧ ಪಕ್ಷವಾಗಿದ್ದಾಗ ಹೊರಳಾಡುತ್ತಿದ್ದ ಬಿಜೆಪಿಗರ ಕೈಯಲ್ಲೇ ಅಧಿಕಾರವಿದೆ, ಈಗೇಕೆ ಈ ಮೌನ ಬಿಜೆಪಿ’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

‘ನವರಾತ್ರಿ ಹಬ್ಬಕ್ಕೆ ಬಿಜೆಪಿ(BJP)ಜನತೆಗೆ ನೀಡಿರುವ ಕೊಡುಗೆ ಬೆಲೆ ಏರಿಕೆ. ಎಲ್ಲಾ ವಸ್ತುಗಳ ನಂತರ ಈಗ ತರಕಾರಿಗಳ ಬೆಲೆ ಏರಿಕೆಯ ಸರದಿ. ಚೀಲದಲ್ಲಿ ತರಲು ಚೀಲದಲ್ಲಿಯೇ ಹಣ ಕೊಂಡೊಯ್ಯಬೇಕಾದ ಸ್ಥಿತಿ ಇದೆ! ಜನರಿಗೆ ಈರುಳ್ಳಿ ಕಣ್ಣೀರು ತರಿಸುತ್ತಿದೆ, ಟೊಮ್ಯಾಟೋ ಅಪ್ಪಚ್ಚಿ ಮಾಡುತ್ತಿದೆ, ಸರ್ಕಾರ ಕುರುಡಾಗಿದೆ!’ ಎಂದು ಕಾಂಗ್ರೆಸ್ ಕುಟುಕಿದೆ.

Congress) ಪ್ರಶ್ನಿಸಿದೆ.

‘ಬಿ.ಎಸ್.ಯಡಿಯೂರಪ್ಪ(BS Yediyurappa)ನವರ ಕಣ್ಣಲ್ಲಿ ಹಲವಾರು ಬಾರಿ 'ಅಸಲಿ ಕಣ್ಣೀರು' ತರಿಸಿದ ಬಿಜೆಪಿ ಈಗ ಅವರಿಗೆ ತೋರಿಸಿದ 'ಸ್ಥಾನ' ಯಾವುದು, ಕೊಡುತ್ತಿರುವ 'ಮಾನ' ಯಾವುದು,  ಮಾಡಿದ 'ಅವಮಾನ' ಏನು ಎಂಬುದು ರಾಜ್ಯಕ್ಕೆ ತಿಳಿದಿದೆ. ಅವಧಿ ಪೂರೈಸಲು ಬಿಡದೆ ಏಕಾಏಕಿ ಪದಚ್ಯುತಿಗೊಳಿಸಿದ್ದೇಕೆ ಎಂಬುದು ಇನ್ನೂ ನಿಗೂಢ. ತಾಕತ್ತಿದ್ದರೆ ಬಿಜೆಪಿ ಇದಕ್ಕೆ ಉತ್ತರಿಸಲಿ’ ಎಂದು ಕಾಂಗ್ರೆಸ್ ಕುಟುಕಿದೆ.