ʼಶಕ್ತಿʼಯ ವ್ಯಯದ ಮೊತ್ತ ಬಿಡುಗಡೆ ಮಾಡಿದ ಸರ್ಕಾರ : ಯಾವ ಸಾರಿಗೆ ನಿಗಮಕ್ಕೆ ಎಷ್ಟು..?

ಬೆಂಗಳೂರು : ಶಕ್ತಿಯೋಜನೆಯಿಂದ ಕಂಗಾಲಾಗಿದ್ದ ಸಾರಿಗೆ ನಿಗಮಗಳಿಗೆ ಸರ್ಕಾರ ಗುಡ್ ನ್ಯೂಸ್ ನೀಡಿದೆ. ಮೊದಲ ಕಂತಿನ ಆಧಾರದಲ್ಲಿ ಎಲ್ಲಾ ಸಾರಿಗೆ ನಿಗಮಗಳಿಗೆ "ಶಕ್ತಿ" ವ್ಯಯದ ಹಣವನ್ನ ಬಿಡುಗಡೆ ಮಾಡಿದೆ.

ಈ ಮೂಲಕ ಕಳೆದ ಎರಡು ತಿಂಗಳಿಂದ ಎಲ್ಲಾ ಸಾರಿಗೆ ನಿಗಮಗಳಿಗೆ ಶೂನ್ಯ ಟಿಕೆಟ್ ನಿಂದ ಕೋಟಿ ಕೋಟಿ ವ್ಯಯ ಆಗಿತ್ತು. ‌ಹೀಗಾಗಿ ಸರ್ಕಾರ ಈ ಬಗ್ಗೆ ಹಣ ನೀಡೋದಾಗಿ ಭರವಸೆಯನ್ನ ಕೊಟ್ಟಿತ್ತು. ಆ ಭರವಸೆ ಆಧಾರಮೇಲೆ ಇದೀಗ 125.48 ಕೋಟಿ ಹಣ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ: ಫ್ರೀ ಗ್ಯಾರಂಟಿ ಯೋಜನೆಗಳಿಗೆ ಕರ್ನಾಟಕ ಸರ್ಕಾರದ ಬಳಿ ಹಣವಿಲ್ಲ ಎಂಬ ಪ್ರಧಾನಿ ಹೇಳಿಕೆಗೆ ಸಿಎಂ ತಿರುಗೇಟು!

ಶಕ್ತಿ ಯೋಜನೆಯ ಹಣ ಬಿಡುಗಡೆ ಮಾಡಿದ ಸರ್ಕಾರ ಆದೇಶ ಹೊರಡಿಸಿದ್ದಾರೆ. ಮೊದಲ ಕಂತಿನ ಹಣವನ್ನ ಬಿಡುಗಡೆ ಮಾಡಿದ್ದು, ಎಲ್ಲಾ ನಿಗಮಗಳಿಗೆ 125.48 ಕೋಟಿ ಹಣ ಸಲ್ಲಿಕೆ ಆಗಿದೆ. ಅಂದ್ರೆ ನಾಲ್ಕು ನಿಗಮಗಳಿಗೂ ಪ್ರತೇಕ ಹಣ ಬಿಡುಗಡೆ ಮಾಡಿದ್ದು, ಇಲ್ಲಿ ತನಕ ಒಟ್ಟು ನಾಲ್ಕು ನಿಗಮಗಳಲ್ಲಿ 29 ಕೋಟಿ 32 ಲಕ್ಷ 49 ಸಾವಿರದ 151ಮಹಿಳೆಯರ ಓಡಾಟ ನಡೆಸಿದ್ದು, ಒಟ್ಟು ನಾಲ್ಕು ನಿಗಮಗಳ ಶೂನ್ಯ ಟಿಕೆಟ್ ದರ 687 ಕೋಟಿ 49 ಲಕ್ಷದ 57 ಸಾವಿರದ 753 ರೂ ಆಗಿದೆ. ಇನ್ನುಳಿದ ಮೊತ್ತವನ್ನ ಮುಂದಿನ ಕಂತುಗಳಲ್ಲಿ ಬಿಡುಗಡೆ ಮಾಡೋದಾಗಿ ಸಾರಿಗೆ ಇಲಾಖೆ ಮಾಹಿತಿ ನೀಡಿದೆ.

ಯಾವ ನಿಗಮಗಳಿಗೆ ಎಷ್ಟು ಹಣ ಬಿಡುಗಡೆ

• KSRTC - 47.15. ಕೋಟಿ

• BMTC - 21.85. ಕೋಟಿ

• NWRTC- 32.57. ಕೋಟಿ

• KKRTC - 23.90. ಕೋಟಿ