ಬೀದಿ ನಾಯಿಗಳ ಪಾಲಿನ ಅನ್ನದಾತೆ.. ಪ್ರತಿದಿನ 800 ಶ್ವಾನಗಳಿಗೆ ಆಹಾರ ನೀಡುವ ಮಂಗಳೂರಿನ ಮಹಿಳೆ

ಮಂಗಳೂರು: ಪ್ರಾಣಿ ಪ್ರೇಮಿ ರಜನಿ ಶೆಟ್ಟಿ ಮತ್ತು ಅವರ ಪತಿ ಬೀದಿ ಪ್ರಾಣಿಗಳಿಗೆ (Mangaluru woman feeds stray dogs) ತಮ್ಮ ಜೀವನವನ್ನು ಮುಡಿಪಾಗಿಟ್ಟಿದ್ದಾರೆ. ತಮ್ಮ ಮಂಗಳೂರಿನ ಮನೆಯಲ್ಲಿ ಆಹಾರ, ಆಶ್ರಯ ಮತ್ತು ಚಿಕಿತ್ಸೆ ನೀಡುತ್ತಾರೆ.

"ನಾವು ಪ್ರತಿದಿನ 800 ಬೀದಿ ನಾಯಿಗಳಿಗೆ ಆಹಾರ ನೀಡುತ್ತೇವೆ ಮತ್ತು ನಮ್ಮ ಮನೆಯಲ್ಲಿ ಹತ್ತಾರು ನಾಯಿಗಳು, ಬೆಕ್ಕುಗಳು, ಮೊಲಗಳು, ಪಕ್ಷಿಗಳನ್ನು ನೋಡಿಕೊಳ್ಳುತ್ತೇವೆ. ಗಾಯಗೊಂಡ ಪ್ರಾಣಿಗಳಿಗೆ ನಾವು ಚಿಕಿತ್ಸೆ ನೀಡುತ್ತೇವೆ" ಎಂದು ರಜನಿ ಶೆಟ್ಟಿ ಹೇಳಿದರು.

15 ವರ್ಷಗಳ ಹಿಂದೆ ಬೀದಿ ನಾಯಿಗಳಿಗೆ ಆಹಾರ (woman feeds stray dogs)ನೀಡುವುದರೊಂದಿಗೆ ರಜನಿ ಅವರ ಪ್ರಾಣಿಗಳೊಂದಿಗಿನ ನಂಟು ಪ್ರಾರಂಭವಾಯಿತು. ಪ್ರಸ್ತುತ, ಅವರು ಸಾರ್ವಜನಿಕ ಬೆಂಬಲದೊಂದಿಗೆ 800 ನಾಯಿಗಳಿಗೆ ಆಶ್ರಯದಾತೆಯಾಗಿದ್ದಾರೆ.

[[{"fid":"225370","view_mode":"default","fields":{"format":"default","field_file_image_alt_text[und][0][value]":"Mangaluru woman feeds 800 stray dogs daily","field_file_image_title_text[und][0][value]":"ಬೀದಿ ನಾಯಿಗಳ ಪಾಲಿನ ಅನ್ನದಾತೆ"},"type":"media","field_deltas":{"1":{"format":"default","field_file_image_alt_text[und][0][value]":"Mangaluru woman feeds 800 stray dogs daily","field_file_image_title_text[und][0][value]":"ಬೀದಿ ನಾಯಿಗಳ ಪಾಲಿನ ಅನ್ನದಾತೆ"}},"link_text":false,"attributes":{"alt":"Mangaluru woman feeds 800 stray dogs daily","title":"ಬೀದಿ ನಾಯಿಗಳ ಪಾಲಿನ ಅನ್ನದಾತೆ","class":"media-element file-default","data-delta":"1"}}]]

"ನಾನು ಅಸಹಾಯಕ ಪ್ರಾಣಿಗಳನ್ನು ಚಿಕಿತ್ಸೆಗಾಗಿ ನನ್ನ ಮನೆಗೆ ಕರೆತರುತ್ತೇನೆ. ನಾವು ಪ್ರತಿದಿನ ರಾತ್ರಿ 8 ಗಂಟೆಯ ನಂತರ ನಾಯಿಗಳಿಗೆ ಆಹಾರ ನೀಡಲು ಹೋಗುತ್ತೇವೆ. ಇದರಿಂದ ಅವುಗಳಿಗೆ ವಾಹನಗಳಿಂದ ಯಾವುದೇ ತೊಂದರೆಯಾಗುವುದಿಲ್ಲ. ನನ್ನ ಪತಿ, ಕುಟುಂಬ ಮತ್ತು ಸಾರ್ವಜನಿಕರು ನನಗೆ ಬೆಂಬಲ ನೀಡುತ್ತಾರೆ" ಎಂದು ರಜನಿ ಹೇಳಿದರು.

ಗಾಯಗೊಂಡ ಮತ್ತು ಮಾಲಿಕರಿಲ್ಲದ ನಾಯಿಗಳನ್ನು ಸಹ ರಕ್ಷಿಸುತ್ತಾರೆ. "ನಾನು 800 ನಾಯಿಗಳಿಗೆ ಪ್ರತಿದಿನ 60 ಕೆಜಿ ಕೋಳಿ ಮಾಂಸ, ಅನ್ನವನ್ನು ತಯಾರಿಸುತ್ತೇನೆ" ಎಂದು ರಜನಿ ಶೆಟ್ಟಿ ಹೇಳಿದರು. 

ರಜನಿ ಅವರ ಈ ಪುಣ್ಯದ ಕೆಲಸಕ್ಕೆ ಅನೇಕರು ಸಹಾಯ ಮಾಡುತ್ತಿದ್ದಾರೆ. ಅಲ್ಲದೆ ಅವರ ಸಮಾಜಮುಖಿ ಕೆಲಸಕ್ಕೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.