ದೇವರ ಮುಂದೆ ದೀಪ ಬೆಳಗುವ ವೇಳೆ ಆಗುವ ಈ ತಪ್ಪುಗಳಿಂದ ಆಗುತ್ತದೆ ಭಾರೀ ಧನ ಹಾನಿ

ಬೆಂಗಳೂರು : ಸನಾತನ ಧರ್ಮದ ಪ್ರಕಾರ ಯಾವುದೇ ದೇವರ ಆರಾಧನೆಯು ಆರತಿ ಇಲ್ಲದೆ ಪರಿಪೂರ್ಣವಾಗುವುದಿಲ್ಲ ಎಂದು ಹೇಳಲಾಗುತ್ತದೆ. ಆರತಿ ಬೆಳಗುವಾದ ದೀಪ ಹಚ್ಚುವುದು ಅಗತ್ಯವಾಗಿರುತ್ತದೆ. ಇದಲ್ಲದೇ ಸಂಜೆಯ ವೇಳೆಯಲ್ಲಿ ತುಳಸಿ ಕಟ್ಟೆ ಮತ್ತು ದೇವರ ಕೋಣೆಯಲ್ಲಿ ದೀಪಗಳನ್ನು ಹಚ್ಚುವ ಸಂಪ್ರದಾಯವಿದೆ. ಮನೆಯಲ್ಲಿ ಪ್ರತಿದಿನ ದೀಪವನ್ನು ಬೆಳಗಿಸುವುದರಿಂದ ಸಕಾರಾತ್ಮಕತೆ ಬರುತ್ತದೆ. ವಾಸ್ತು ದೋಷಗಳು ನಿವಾರಣೆಯಾಗುತ್ತದೆ ಎನ್ನುವುದು ನಂಬಿಕೆ. ಮನೆಯಲ್ಲಿ ಸಂತೋಷ, ಶಾಂತಿ ಮತ್ತು ಸಮೃದ್ಧಿ ಕೂಡಾ ನೆಲೆಯಾಗುತ್ತದೆ. ದೇವಾನುದೇವತೆಗಳು ಸಂತುಷ್ಟರಾಗಿ ತಮ್ಮ ಆಶೀರ್ವಾದವನ್ನು ನೀಡುತ್ತಾರೆ. ಆದರೆ ದೀಪವನ್ನು ಬೆಳಗಿಸುವಾಗ ಆಗುವ ಕೆಲವು ತಪ್ಪುಗಳು ದೊಡ್ಡ ಆರ್ಥಿಕ ನಷ್ಟವನ್ನು ಉಂಟುಮಾಡಬಹುದು.  

ದೀಪ ಹಚ್ಚುವಾಗ ಈ ತಪ್ಪುಗಳಾಗದಂತೆ ಎಚ್ಚರ ವಹಿಸಿ : 
ಪೂಜೆಯ ವೇಳೆ ಯಾವಾಗಲೂ ಶುದ್ಧ ಮತ್ತು ಉತ್ತಮ ಸ್ಥಿತಿಯಲ್ಲಿರುವ ದೀಪವನ್ನು ಬಳಸಿ. ಮುರಿದ ಅಥವಾ ಕೊಳಕು ದೀಪವನ್ನು ಎಂದಿಗೂ ಬಳಸಬೇಡಿ. ಅಂತಹ ದೀಪವು ಧನಾತ್ಮಕತೆಯ ಬದಲಿಗೆ ನಕಾರಾತ್ಮಕತೆಯನ್ನು ನೀಡುತ್ತದೆ. 

ಇದನ್ನೂ ಓದಿ : Varsha Rutu 2022: ಈ ದಿನದಿಂದ ವರ್ಷಾ ಋತುವಿನ ಆಗಮನ, ಸುಖ-ಸಮೃದ್ಧಿಗಾಗಿ ಈ ಉಪಾಯಗಳನ್ನು ಅನುಸರಿಸಿ

1.ತುಪ್ಪದ ದೀಪಕ್ಕೆ ಹತ್ತಿಯ ಬತ್ತಿಯನ್ನು ಮತ್ತು ಎಣ್ಣೆ ದೀಪಕ್ಕೆ ಕೆಂಪು ದಾರದ ಬತ್ತಿಯನ್ನು ಬಳಸಬೇಕು ಎಂಬುದನ್ನು ಯಾವಾಗಲೂ ನೆನಪಿನಲ್ಲಿಡಿ. ಧಾರ್ಮಿಕ ಕೆಲಸ ಮತ್ತು ಪೂಜೆಗಳಲ್ಲಿ ದೀಪವನ್ನು ಬೆಳಗಿಸಲು ಇದು ಸರಿಯಾದ ಮಾರ್ಗವಾಗಿದೆ.  

2.ಪೂಜೆಯ ಮನೆಯಲ್ಲಿ ಬೆಳಿಗ್ಗೆ ಮತ್ತು ಸಂಜೆ ದೀಪವನ್ನು ಬೆಳಗಿಸಬೇಕು. ಇದರಿಂದಾಗಿ ಇಡೀ ಮನೆಯಲ್ಲಿ ಧನಾತ್ಮಕ ಶಕ್ತಿ ಉಳಿಯುತ್ತದೆ. ಆದರೆ ಇದರ ಹೊರತಾಗಿ ಪ್ರತಿದಿನ ಸಂಜೆ ಮನೆಯ ಮುಖ್ಯ ಬಾಗಿಲಲ್ಲಿಯೂ  ದೀಪವನ್ನು ಹಚ್ಚಿ. ಆದರೆ ಅದನ್ನು ನೆಲದ ಮೇಲೆ ಇಡಬೇಡಿ, ಆದರೆ ಅದನ್ನು ಅಕ್ಕಿ ಕಾಳುಗಳು ಅಥವಾ ತಟ್ಟೆಯಲ್ಲಿ ಇರಿಸಿ. ಸಂಜೆ ಈ ರೀತಿ ದೀಪಗಳನ್ನು ಬೆಳಗಿಸುವ ಮನೆಗಳಲ್ಲಿ  ಲಕ್ಷ್ಮೀ ನೆಲೆಸುತ್ತಾಳೆ ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ : Budh Gochar 2022; ಜುಲೈ 2 ರಿಂದ 17 ರವರೆಗೆ ಈ ಮೂರು ರಾಶಿಗಳಿಗೆ ಲಾಭವೇ ಲಾಭ, ಕಾರಣ ಇಲ್ಲಿದೆ

3. ತುಪ್ಪದ ದೀಪವನ್ನು ಯಾವಾಗಲೂ ನಿಮ್ಮ ಎಡ ಬದಿಯಲ್ಲಿ ಮತ್ತು  ಎಣ್ಣೆಯ ದೀಪವನ್ನು ಬಲ ಬದಿಯಲ್ಲಿ ಇಡಬೇಕು.  

4. ಪೂಜೆಯ ವೇಳೆ ಅಕಸ್ಮಾತ್ ದೀಪ ಆರಿದರೆ ತಕ್ಷಣ ಅದನ್ನು ಹಚ್ಚಿ ದೇವರಲ್ಲಿ ಕ್ಷಮೆ ಯಾಚಿಸಿ. ಅಲ್ಲದೆ, ನಿಮ್ಮ ಜೀವನದಲ್ಲಿ ಎಲ್ಲವೂ ಒಳ್ಳೆಯದಾಗಲಿ ಎಂದು ದೇವರನ್ನು ಪ್ರಾರ್ಥಿಸಿ. 

5.ಒಂದು ದೀಪದಿಂದ ಇನ್ನೊಂದಕ್ಕೆ ದೀಪವನ್ನು ಬೆಳಗಿಸುವ ತಪ್ಪನ್ನು ಎಂದಿಗೂ ಮಾಡಬೇಡಿ, ಹಾಗೆ ಮಾಡುವುದರಿಂದ ವ್ಯಕ್ತಿಯು ಸಾಲದ ಸುಳಿಯಲ್ಲಿ ಸಿಲುಕುತ್ತಾನೆ. 

ಆರ್ಥಿಕ ಲಾಭಕ್ಕಾಗಿ ಈ ಸ್ಥಳದಲ್ಲಿ ದೀಪ  ಬೆಳಗಿ : 
ಹಣದ ಮುಗ್ಗಟ್ಟು ಅಥವಾ ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಮುಗಿಯುವ ಲಕ್ಷಣಗಳೇ ಕಾಣುತ್ತಿಲ್ಲ ಎಂದಾದರೆ,  ಸಂಜೆಯ ವೇಳೆ  ಕುಡಿಯುವ ನೀರೂ ಇದುವ ಜಾಗದಲ್ಲಿ ದೀಪವನ್ನು ಬೆಳಗಿಸಿ. ಹೀಗೆ ಮಾಡಿದ ಕೆಲವೇ ದಿನಗಳಲ್ಲಿ ಸಮಸ್ಯೆಗಳೆಲ್ಲ ಮಾಯವಾಗುತ್ತವೆ ಎಂದು ಹೇಳಲಾಗುತ್ತದೆ.