ಮನೆಯ ಭಾಗ್ಯವನ್ನು ಕೂಡಾ ದೌರ್ಭಾಗ್ಯವಾಗಿ ಬದಲಾಯಿಸಿ ಬಿಡುತ್ತವೆ ಸುತ್ತ ಇರುವ ಈ ಮರ ಗಿಡ ಗಳು

Vastu Tips for Plants: ಮನೆಯನ್ನು ಸುಂದರವಾಗಿಸಲು ಮತ್ತು ಧನಾತ್ಮಕ ಶಕ್ತಿಯ ಹರಿವನ್ನು ಹೆಚ್ಚಿಸಲು ಜನರು ತಮ್ಮ ಮನೆಗಳಲ್ಲಿ ವಿವಿಧ ರೀತಿಯ ಸಸ್ಯಗಳನ್ನು ನೆಡುತ್ತಾರೆ. ಕೆಲವೊಮ್ಮೆ ಕೇವಲ ಸುಂದರ ಕಂಡರೆ ಸಾಕು ಎನ್ನುವ ಉದ್ದೇಶದಿಂದ ಹಿಂದೆ ಮುಂದೆ ಯೋಚಿಸದೆ ಕೆಲವು ಈ ಸಸ್ಯಗಳಲ್ಲಿ ತಂದು ನೆಟ್ಟು ಬಿಡುತ್ತೇವೆ. ಆದರೆ ಈ ಸಸ್ಯಗಳು ನಕಾರಾತ್ಮಕ ಶಕ್ತಿಯನ್ನು ಮನೆಯೊಳಗೆ  ತರಬಹುದು.  ಸಮಯಕ್ಕೆ ಸರಿಯಾಗಿ ಅಂಥಹ ಸಸ್ಯಗಳನ್ನು ಮನೆಯಿಂದ ಹೊರ ಹಾಕದಿದ್ದರೆ ಅಥವಾ ಮನೆಯ ಸುತ್ತಲಿನಿಂದ ಕಿತ್ತು ಬಿಸಾಡದಿದ್ದರೆ, ತೊಂದರೆ ಎದುರಿಸಬೇಕಾಗುತ್ತದೆ. 

ಯಾವ ಸಸ್ಯಗಳು ಮನೆಯ ಸುತ್ತ ಇರಬಾರದು : 
ಗೋರಂಟಿ ಗಿಡ : 
ವಾಸ್ತು ಶಾಸ್ತ್ರದ ಪ್ರಕಾರ  ಗೋರಂಟಿ ಗಿಡವನ್ನು ಮನೆಯ ಒಳಗೆ ಅಥವಾ ಹೊರಗೆ ನೆಡಬಾರದು. ಈ ಸಸ್ಯದಲ್ಲಿ ದುಷ್ಟಶಕ್ತಿಗಳು ವಾಸಿಸುತ್ತವೆ ಎಂದು ನಂಬಲಾಗಿದೆ. ಆದ್ದರಿಂದ, ಈ ಸಸ್ಯವನ್ನು ಎಲ್ಲಿ ನೆಟ್ಟರೂ ನಕಾರಾತ್ಮಕ ಶಕ್ತಿಯ ಹರಿವು ಹೆಚ್ಚಾಗುತ್ತದೆ. ಆದ್ದರಿಂದ, ಈ ಗಿಡವನ್ನು ನೆಡಲೂಬಾರದು ಅಥವಾ ಯಾರಿಗೂ ಉಡುಗೊರೆಯಾಗಿ ಕೂಡಾ ನೀಡಬಾರದು.  

ಇದನ್ನೂ ಓದಿ : Zodiac signs : ಈ ರಾಶಿಯವರು ಅದೇನೇ ಆಗಲಿ ಪ್ರೀತಿಸಿದವರನ್ನೇ ಮದುವೆಯಾಗ್ತಾರೆ!

ಅಕೇಶಿಯಾ ಸಸ್ಯ: 
ಅಕೇಶಿಯವನ್ನು ಔಷಧೀಯ ಸಸ್ಯವೆಂದು ಪರಿಗಣಿಸಲಾಗುತ್ತದೆ. ಆದರೆ ಈ ಗಿಡವನ್ನು  ತಪ್ಪಿಯೂ ಮನೆಯ ಒಳಗೆ ಅಥವಾ ಸುತ್ತಮುತ್ತ ಎಲ್ಲಿಯೂ ನೆಡಬಾರದು. ವಾಸ್ತವವಾಗಿ ಈ ಸಸ್ಯವು ಅನೇಕ ಮುಳ್ಳುಗಳನ್ನು ಹೊಂದಿರುತ್ತದೆ. ಮುಳ್ಳುಗಳನ್ನು ಹೊಂದಿರುವ ಸಸ್ಯಗಳು ನಮ್ಮ ಜೀವನದಲ್ಲಿ ಕೂಡಾ ಮುಳ್ಳುಗಳನ್ನು ಹರಡುತ್ತವೆ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.  ಈ ಕಾರಣದಿಂದ ಅಂಥಹ ಸಸ್ಯಗಳನ್ನು ನೆಡುವುದರಿಂದ ಸಂಕಟ ಮತ್ತು ಮಾನಸಿಕ ಕಾಯಿಲೆಗಳ ಅಪಾಯ ಹೆಚ್ಚುತ್ತದೆ. 

ಒಣ ಗಿಡಗಳನ್ನು ತಕ್ಷಣ ಮನೆಯಿಂದ ಹೊರಗೆ ಹಾಕಿ:
ಒಣಗುತ್ತಿರುವ ಅಥವಾ ಕೊಳೆಯುತ್ತಿರುವ ಸಸ್ಯಗಳನ್ನು ತಕ್ಷಣವೇ ಮನೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಿಂದ ತೆಗೆದುಹಾಕಬೇಕು ಎಂದು ವಾಸ್ತು ಶಾಸ್ತ್ರದಲ್ಲಿ ಹೇಳಲಾಗಿದೆ. ಒಣಗಿರುವ ಸಸ್ಯಗಳಿಂದ ಮನೆಯಲ್ಲಿ ನಕಾರಾತ್ಮಕ ಶಕ್ತಿ ಹರಡುತ್ತದೆ ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ : ಈ ದಿನದಂದು ತಪ್ಪಿಯೂ ಬಂಗಾರ ಖರೀದಿಸಬೇಡಿ.! ಮನೆಯಲ್ಲಿ ಉಳಿಯುವುದೇ ಇಲ್ಲ ಸಂಪತ್ತು

ಹುಣಸೆ ಗಿಡ :
ಹುಣಸೆಹಣ್ಣು ತಿನ್ನಲು ತುಂಬಾ ರುಚಿ. ಆದರೆ ಅದರ ಗಿಡವನ್ನು  ಮಾತ್ರ ಮನೆಯ ಸುತ್ತ ನೆಡಬಾರದು. ಹುಣಸೆ ಗಿಡದಲ್ಲಿ ನಕಾರಾತ್ಮಕ ಶಕ್ತಿ ಇರುತ್ತದೆ ಎಂದು ಹೇಳಲಾಗುತ್ತದೆ.  ಆದ್ದರಿಂದ, ಈ ಸಸ್ಯ ಅಥವಾ ಮರ ಮನೆಯ ಸುತ್ತ ಇರಬಾರದು. ವಾಸ್ತು ಶಾಸ್ತ್ರದ ಪ್ರಕಾರ ಯಾವ ಜಾಗದಲ್ಲಿ ಹುಣಸೆ ಮರ ಇರುತ್ತದೆಯೋ ಆ  ಜಾಗದಲ್ಲಿ ಮನೆ ಕಟ್ಟಬಾರದು ಎಂದು ಹೇಳಲಾಗುತ್ತದೆ.