ಮಾನ್ಸೂನ್‌ನಲ್ಲಿ ಜಿಗುಟಾದ ಚರ್ಮದಿಂದ ಬೇಸೊತ್ತಿರುವಿರಾ..? ಹಾಗಾದರೆ ಈ ವಸ್ತುಗಳನ್ನು ಬಳಸಿ

Beauty Tips : ಮಳೆ ಮತ್ತು ಜಿಗುಟುತನದಿಂದಾಗಿ ಚರ್ಮವು ತನ್ನ ಹೊಳಪನ್ನು ಕಳೆದುಕೊಳ್ಳುತ್ತದೆ ಮತ್ತು ಚರ್ಮವು ನಿರ್ಜೀವವಾಗಿ ಕಾಣಲು ಪ್ರಾರಂಭಿಸುತ್ತದೆ. ಕೆಲವು ಸಂದರ್ಭದಲ್ಲಿ ದೇಹವು ಹೆಚ್ಚು ಬೆವರುತ್ತದೆ ಇದರಿಂದ ಚರ್ಮದ ಮೇಲೆ ಎಣ್ಣೆಯು ಸಂಗ್ರಹಗೊಳ್ಳಲು ಪ್ರಾರಂಭಿಸುತ್ತದೆ, ಇದು ಕಪ್ಪು ಚುಕ್ಕೆಗಳು, ಮೊಡವೆಗಳು ಮತ್ತು ಚರ್ಮಕ್ಕೆ ಸಂಬಂಧಿಸಿದ ಸೋಂಕುಗಳ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. 

ನೀವು ಕೂಡ ಜಿಗುಟಾದ ತ್ವಚೆಯಿಂದ ತೊಂದರೆಗೀಡಾಗಿದ್ದರೆ, ಈ ವಸ್ತುಗಳನ್ನು ಬಳಸಿ. ಇದರ ಬಳಕೆಯಿಂದ ಜಿಗುಟಾದ ಚರ್ಮದಿಂದ ಪರಿಹಾರ ಸಿಗುತ್ತದೆ ಮತ್ತು ಮುಖದ ಕಾಂತಿ ಹೆಚ್ಚುತ್ತದೆ. ಹಾಗಾದರೇ ಆ ವಸ್ತುಗಳ ಬಗ್ಗೆ ತಿಳಿದುಕೊಳ್ಳೋಣ. 

ಬೇವು
ನೀವು ಚರ್ಮಕ್ಕಾಗಿ ಬೇವನ್ನು ಬಳಸಬಹುದು. ಬೇವಿನ ಪ್ಯಾಕ್ ಮಾಡಲು, ಬೇವಿನ ಸೊಪ್ಪಿಗೆ ಸ್ವಲ್ಪ ಮುಲ್ತಾನಿ ಮಿಟ್ಟಿ ಸೇರಿಸಿ. ಇದಕ್ಕೆ ಸ್ವಲ್ಪ ರೋಸ್ ವಾಟರ್ ಸೇರಿಸಿ, ಮಿಶ್ರಣ ಮಾಡಿ ಹಚ್ಚಕೊಳ್ಳಿ ನಂತರ ಚರ್ಮವು ಒಣಗುವವರೆಗೆ ಬಿಡಿ. ಸ್ವಲ್ಪ ಸಮಯದ ನಂತರ ನೀರಿನಿಂದ ತೊಳೆಯಿರಿ. 

ಮುಲ್ತಾನಿ ಮಿಟ್ಟಿ
ನಿಮ್ಮ ಚರ್ಮವು ಎಣ್ಣೆಯುಕ್ತವಾಗಿದ್ದರೆ ಮತ್ತು ಮಳೆಗಾಲದಲ್ಲಿ ನೀವು ಜಿಗುಟಾದ ಚರ್ಮದಿಂದ ತೊಂದರೆಗೊಳಗಾಗಿದ್ದರೆ, ನೀವು ಮುಲ್ತಾನಿ ಮಿಟ್ಟಿಯನ್ನು ಬಳಸಬಹುದು. ಮುಲ್ತಾನಿ ಮಿಟ್ಟಿಯೊಂದಿಗೆ ರೋಸ್ ವಾಟರ್ ಮಿಶ್ರಣ ಮಾಡಿ ಮತ್ತು ಅದನ್ನು ತ್ವಚೆಯ ಮೇಲೆ ಹಚ್ಚಿ, 15 ರಿಂದ 20 ನಿಮಿಷಗಳ ನಂತರ ನೀರಿನಿಂದ ಮುಖವನ್ನು ತೊಳೆಯಿರಿ. ಈ ಪ್ಯಾಕ್ ಅನ್ನು ವಾರದಲ್ಲಿ ಎರಡರಿಂದ ಮೂರು ಬಾರಿ ಹಚ್ಚುವುದರಿಂದ ಎಣ್ಣೆಯುಕ್ತ ತ್ವಚೆಯನ್ನು ಹೋಗಲಾಡಿಸಬಹುದು. 

ಇದನ್ನೂ ಓದಿ-ಜೋತು ಬಿದ್ದ ಶರೀರವನ್ನು ಸ್ಲಿಮ್-ಟ್ರಿಮ್ ಆಗಿಸಲು ಈ ರೀತಿ ಹೆಸರು ಬೆಳೆಯನ್ನು ನಿಮ್ಮ ಊಟದಲ್ಲಿ ಶಾಮೀಲುಗೊಳಿಸಿ!

ಟೊಮೆಟೋ
ಟೊಮ್ಯಟೋ  ಚರ್ಮಕ್ಕೆ ತುಂಬಾ ಒಳ್ಳೆಯದು. ಇದರಲ್ಲಿರುವ ತಂಪಾಗಿಸುವಿಕೆ ಮತ್ತು ಸಂಕೋಚಕದಂತಹ ಅಂಶಗಳು ಚರ್ಮದ ಮೇಲಿನ ಸಮಸ್ಯೆಗಳನ್ನು ನಿವಾರಿಸುತ್ತದೆ ಮತ್ತು ಚರ್ಮದಲ್ಲಿ ಶೇಖರಣೆಯಾದ ಎಣ್ಣೆಯನ್ನು ತೆಗೆದುಹಾಕುತ್ತದೆ. ಇದಕ್ಕಾಗಿ ಟೊಮೆಟೊ ತೆಗೆದುಕೊಂಡು ಮಧ್ಯದಲ್ಲಿ ಕತ್ತರಿಸಿ, ನಂತರ ಅದನ್ನು ನಿಮ್ಮ ಮುಖದ ಮೇಲೆ ಉಜ್ಜಿಕೊಳ್ಳಿ. 15-20 ನಿಮಿಷಗಳ ಕಾಲ ಈ ಪ್ರಕ್ರಿಯೆಯನ್ನು ಮಾಡಿ. ಇದರ ನಂತರ ನಿಮ್ಮ ಮುಖವನ್ನು ನೀರಿನಿಂದ ಸ್ವಚ್ಛಗೊಳಿಸಿ. ನಿಮ್ಮ ಚರ್ಮದ ಹೊಳಪು ಮರಳಿ ಬರುತ್ತದೆ ಮತ್ತು ಎಣ್ಣೆಯುಕ್ತ ಚರ್ಮದಿಂದ ಕ್ರಮೇಣವಾಗಿ ಮುಕ್ತಿ ಪಡೆಯಬಹುದು.

ಪುದೀನಾ ರಸ
ನೀವು ಪುದೀನಾ ರಸವನ್ನು ಚರ್ಮಕ್ಕಾಗಿ ಬಳಸಬಹುದು. ಪುದೀನಾ ಪೇಸ್ಟ್‌ಗೆ ಮೊಸರು, ಮುಲ್ತಾನಿ ಮಿಟ್ಟಿ ಮತ್ತು ಜೇನುತುಪ್ಪ ಸೇರಿಸಿ ಹಚ್ಚಿಕೊಳ್ಳಿ. ಈ ಪುದೀನಾ ಪೇಸ್ಟ್ ನಿಮ್ಮ ತ್ವಚೆಯನ್ನು ಹೈಡ್ರೇಟ್ ಮಾಡುತ್ತದೆ.

ಹಸಿ ಬೇಳೆ ಹಿಟ್ಟು
ಒಂದು ಬಟ್ಟಲಿನಲ್ಲಿ ಎರಡು ಚಮಚ ಬೇಳೆ ಹಿಟ್ಟನ್ನು ತೆಗೆದುಕೊಂಡು ಅದರಲ್ಲಿ ಒಂದು ಚಿಟಿಕೆ ಅರಿಶಿನ, ಎರಡು ಹನಿ ನಿಂಬೆ ರಸ ಮತ್ತು 3 ರಿಂದ 4 ಚಮಚ ರೋಸ್ ವಾಟರ್ ಬೆರೆಸಿ ಪೇಸ್ಟ್ ಮಾಡಿ. ಅದನ್ನು ಮುಖಕ್ಕೆ ಹಚ್ಚಿ ಮತ್ತು 15 ನಿಮಿಷಗಳ ನಂತರ ನಿಮ್ಮ ಮುಖವನ್ನು ತೊಳೆಯಿರಿ. ಬೇಳೆ ಹಿಟ್ಟು ಚರ್ಮವನ್ನು ಸ್ವಚ್ಛಗೊಳಿಸುತ್ತದೆ, ನಿಂಬೆ ವಿಟಮಿನ್ ಸಿ ಕೊರತೆಯನ್ನು ನಿವಾರಿಸುತ್ತದೆ ಮತ್ತು ರೋಸ್ ವಾಟರ್ ಚರ್ಮವನ್ನು ತಂಪಾಗಿಸುತ್ತದೆ. ಇದು ನಿಮ್ಮ ತ್ವಚೆಯಲ್ಲಿರುವ ಕೊಳಕು ಮತ್ತು ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ.