Suicide Cases: ಆತ್ಮಹತ್ಯೆಗೆ ಶರಣಾದ ಸಿನಿಮಾ ರಂಗದ ತಾರೆಯರಿವರು.. ಹಲವರ ಸಾವು ನಿಗೂಢ!
ಬಾಲಿವುಡ್‌ನಲ್ಲಿ ಸಾವು ಭಯ ಹುಟ್ಟಿಸಬಹುದು ಎಂಬುದಕ್ಕೆ ಜಿಯಾ ಖಾನ್ ನಿಧನ ಕೂಡ ಉದಾಹರಣೆಯಾಗಿದೆ. ಈ ಕಾರಣಕ್ಕಾಗಿಯೇ ಕೆಲವೊಮ್ಮೆ ಅನೇಕ ನಟ - ನಟಿಯರು ಬಣ್ಣದ ಜಗತ್ತಿನಲ್ಲಿ ಒಂಟಿಯಾಗಿ, ಆತ್ಮಹತ್ಯೆಯಂತಹ ಹೆಜ್ಜೆ ಇಡುತ್ತಾರೆ. ಜಿಯಾ ಖಾನ್ 3 ಜೂನ್ 2013 ರಂದು ಆತ್ಮಹತ್ಯೆ ಮಾಡಿಕೊಂಡರು.
ಗುರು ದತ್ ಕೂಡ ಅವರ ಮನೆಯಲ್ಲಿಯೇ ಶವವಾಗಿ ಪತ್ತೆಯಾಗಿದ್ದರು. ಅವರ ಸಾವಿಗೆ ಮದ್ಯಪಾನ ಮತ್ತು ನಿದ್ರೆ ಮಾತ್ರೆ ಸೇವನೆ ಕಾರಣ ಎನ್ನಲಾಗಿದೆ. ಅವರ ಪತ್ನಿ ಗೀತಾ ದತ್ ಅವರೊಂದಿಗಿನ ಸಂಬಂಧವು ಆ ಹೊತ್ತಲ್ಲಿ ಹದಗೆಟ್ಟಿತ್ತು. ಖ್ಯಾತ ನಟಿ ವಹೀದಾ ರೆಹಮಾನ್ ಮತ್ತು ಗುರು ದತ್ ಮಧ್ಯೆ ಸಂಬಂಧದ ಬಗ್ಗೆ ಗಾಸಿಪ್‌ ಶುರುವಾಗಿತ್ತು. ನಟಿ ವಹೀದಾ ರೆಹಮಾನ್ ಸಹ ಗುರು ದತ್ ಅವರಿಂದ ದೂರವಾಗಿದ್ದರು ಎಂದು ಹೇಳಲಾಗುತ್ತದೆ.
1993 ರಲ್ಲಿ, 19 ನೇ ವಯಸ್ಸಿನಲ್ಲಿ, ದಿವ್ಯಾ ಭಾರತಿ ಆತ್ಮಹತ್ಯೆ ಮಾಡಿಕೊಂಡರು. ಐದನೇ ಮಹಡಿಯ ಫ್ಲಾಟ್‌ನ ಕಿಟಕಿಯಿಂದ ಬಿದ್ದು ಅವರು ಸಾವನ್ನಪ್ಪಿದ್ದಾರೆ. ಇಷ್ಟು ವರ್ಷ ಕಳೆದರೂ ನಟಿಯ ಸಾವಿನ ರಹಸ್ಯ ಬಯಲಾಗಿಲ್ಲ.
ಬಾಲಿವುಡ್‌ನ ಹಿಂದಿನ ನಟಿ ಪರ್ವೀನ್ ಬಾಬಿ ಅವರು ತಮ್ಮ ಫ್ಲಾಟ್‌ನಲ್ಲಿ ಬಹಳ ನೋವಿನಿಂದ ಸಾವನ್ನಪ್ಪಿದ್ದಾರೆ. 2005 ರಲ್ಲಿ, ಹಲವಾರು ದಿನಗಳವರೆಗೆ ತನ್ನ ನೆರೆಹೊರೆಯವರಿಗೆ ಕಾಣಿಸದೇ ಉಳಿದಿದ್ದರು. ಆಗ ಹೋಗಿ ನೋಡಿದಾಗ ಅವರು ಇಹಲೋಕ ತ್ಯಜಿಸಿದ್ದ ಸಂಗತಿ ಬಯಲಾಗಿತ್ತು.
ಸುಶಾಂತ್ ಸಿಂಗ್ ರಜಪೂತ್ 14 ಜೂನ್ 2020 ರಂದು ನಿಧನರಾದರು. 34 ವರ್ಷದ ನಟ ಮುಂಬೈನ ಫ್ಲಾಟ್‌ನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಅವರ ಸಾವಿನ ನಂತರ, ಈ ವಿಷಯದಲ್ಲಿ ಅನೇಕ ತಿರುವುಗಳಿದ್ದವು ಆದರೆ ಎಲ್ಲವೂ ವಿಷಯವನ್ನು ಮತ್ತಷ್ಟು ಜಟಿಲಗೊಳಿಸಿತು. ಇದುವರೆಗೂ ಪ್ರಕರಣದ ನಿಗೂಢತೆಯನ್ನು ಭೇದಿಸಲಾಗಿಲ್ಲ.