Ratha Saptami: ಜೀವನದಲ್ಲಿ ಯಶಸ್ಸು ಪಡೆಯಲು ರಥಸಪ್ತಮಿಯಂದು ಈ ಕೆಲಸಗಳನ್ನು ಮಾಡಿ!

ರಥ ಸಪ್ತಮಿ: ಯಶಸ್ಸು, ಆರೋಗ್ಯ, ಆತ್ಮ ವಿಶ್ವಾಸಕ್ಕೆ ಸೂರ್ಯ ದೇವರು ಕಾರಣ. ಸೂರ್ಯ ದೇವರಿಂದ ಮಾತ್ರ ನಾವು ಬದುಕುವ ಶಕ್ತಿ ಪಡೆಯುತ್ತೇವೆ. ಸೂರ್ಯ ದೇವರನ್ನು ಪೂಜಿಸುವುದರಿಂದ ಜಾತಕದಲ್ಲಿ ಸೂರ್ಯಗ್ರಹವು ಬಲಗೊಳ್ಳುತ್ತದೆ ಮತ್ತು ವ್ಯಕ್ತಿಯು ಪ್ರತಿಯೊಂದು ಕೆಲಸದಲ್ಲೂ ಯಶಸ್ಸನ್ನು ಪಡೆಯುತ್ತಾನೆ. ಅವರ ಆರೋಗ್ಯ ಚೆನ್ನಾಗಿ ಇರುತ್ತದೆ. ರಥಸಪ್ತಮಿಯ ದಿನವನ್ನು ಸೂರ್ಯ ದೇವರಿಗೆ ಸಮರ್ಪಿಸಲಾಗಿದೆ. ಈ ದಿನ ಸೂರ್ಯ ದೇವರನ್ನು ಪೂಜಿಸುವುದು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಸೂರ್ಯದೇವರನ್ನು ಪೂಜಿಸುವ ಯಾವುದೇ ಒಬ್ಬ ವ್ಯಕ್ತಿಯು ಜೀವನದಲ್ಲಿ ಯಶಸ್ಸು, ಸಂತೋಷ ಮತ್ತು ಸಮೃದ್ಧಿಯನ್ನು ಪಡೆಯುತ್ತಾನೆ. ರಥಸಪ್ತಮಿಯಂದು ಉಪವಾಸವನ್ನು ಇಟ್ಟುಕೊಳ್ಳುವುದು ಮತ್ತು ಸೂರ್ಯ ದೇವರನ್ನು ಪೂಜಿಸುವುದು ತುಂಬಾ ಪ್ರಯೋಜನಕಾರಿಯಾಗಿದೆ.

ರಥಸಪ್ತಮಿ ಯಾವಾಗ?

ಪಂಚಾಂಗದ ಪ್ರಕಾರ, ಮಾಘ ಮಾಸದ ಶುಕ್ಲ ಪಕ್ಷದ ಸಪ್ತಮಿ ತಿಥಿ ಫೆಬ್ರವರಿ 15ರಂದು ಬೆಳಗ್ಗೆ 10.12ರಿಂದ ಪ್ರಾರಂಭವಾಗಿ ಮರುದಿನ ಬೆಳಗ್ಗೆ 8.55ಕ್ಕೆ ಕೊನೆಗೊಳ್ಳುತ್ತದೆ. ಉದಯ ತಿಥಿಯ ಪ್ರಕಾರ, ಫೆಬ್ರವರಿ 16ರಂದು ರಥ ಸಪ್ತಮಿ ತಿಥಿ ಎಂದು ಪರಿಗಣಿಸಲಾಗುವುದು. ಏಕೆಂದರೆ ರಥ ಸಪ್ತಮಿಯಂದು ಉದಯಿಸುವ ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸಲಾಗುತ್ತದೆ. 

ಇದನ್ನೂ ಓದಿ : Vastu Tips for Footwear: ಪಾದರಕ್ಷೆಗೆ ಸಂಬಂಧಿಸಿದ ಈ ವಿಷಯಗಳನ್ನು ನಿರ್ಲಕ್ಷಿಸಿದರೆ ತಪ್ಪಿದ್ದಲ್ಲ ಅನಾಹುತ!

ಯಶಸ್ಸನ್ನು ಪಡೆಯಲು ರಥಸಪ್ತಮಿಯಂದು ಈ ಕೆಲಸ ಮಾಡಿ

ರಥಸಪ್ತಮಿಯ ದಿನದಂದು ಕೈಗೊಳ್ಳುವ ಕೆಲವು ಕ್ರಮಗಳು ಯಶಸ್ಸನ್ನು ಸಾಧಿಸಲು ಬಹಳ ಸಹಾಯಕವಾಗಿದೆ ಎಂದು ಸಾಬೀತುಪಡಿಸಬಹುದು. ಆದ್ದರಿಂದ ಫೆಬ್ರವರಿ 16ರಂದು ರಥಸಪ್ತಮಿಯ ದಿನದಂದು ಈ ಕೆಲಸವನ್ನು ಮಾಡಿದ್ರೆ ನಿಮಗೆ ಹಲವಾರು ಲಾಭಗಳು ದೊರೆಯುತ್ತವೆ.

- ಮಾಘ ಮಾಸದ ಶುಕ್ಲ ಪಕ್ಷದ ಸಪ್ತಮಿ ತಿಥಿ ಅಥವಾ ರಥಸಪ್ತಮಿಯಂದು ಬ್ರಾಹ್ಮಿ ಮುಹೂರ್ತದಲ್ಲಿ ಬೆಳಗ್ಗೆ ಸೂರ್ಯೋದಯಕ್ಕೆ ಮುಂಚಿತವಾಗಿ ಎದ್ದೇಳಿ. ಸ್ನಾನ ಮಾಡಿದ ನಂತರ ಹಳದಿ ಬಣ್ಣದ ಬಟ್ಟೆಗಳನ್ನು ಧರಿಸಿ ಉದಯಿಸುವ ಸೂರ್ಯನಿಗೆ ಪ್ರಾರ್ಥನೆ ಸಲ್ಲಿಸಿ. ಅಲ್ಲದೆ ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸಲು ನೀರಿನಲ್ಲಿ ಅಕ್ಷತೆ, ಎಳ್ಳು, ಕುಂಕುಮ, ಧೂಪ, ಗಂಗಾಜಲವನ್ನು ಮಿಶ್ರಣ ಮಾಡಿ. ನಂತರ 'ಓಂ ಸೂರ್ಯಾಯ ನಮಃ' ಎಂಬ ಮಂತ್ರವನ್ನು ಪಠಿಸುತ್ತಾ ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸಿ. 

- ರಥಸಪ್ತಮಿಯ ದಿನದಂದು ಸೂರ್ಯ ದೇವರನ್ನು ಆರಾಧಿಸಿ. ಈ ಸಮಯದಲ್ಲಿ ಸೂರ್ಯ ಚಾಲೀಸಾವನ್ನು ಓದಿ ಮತ್ತು ಸೂರ್ಯ ಕವಚವನ್ನು ಪಠಿಸಿ. ಕೊನೆಯಲ್ಲಿ ಸೂರ್ಯ ದೇವರಿಗೆ ಆರತಿಯನ್ನು ಮಾಡಿ. ಸಂತೋಷ ಮತ್ತು ಸಮೃದ್ಧಿಗಾಗಿ ಪ್ರಾರ್ಥಿಸಿ. ನೀವು ಉಪವಾಸ ಮಾಡದಿದ್ದರೂ, ನಿಮ್ಮ ಇಷ್ಟಾರ್ಥಗಳನ್ನು ಪೂರೈಸಲು ಭಕ್ತಿಯಿಂದ ಪೂಜೆಯನ್ನು ಮಾಡಿ.

- ರಥಸಪ್ತಮಿಯ ದಿನದಂದು ಉಪವಾಸವನ್ನು ಇಟ್ಟುಕೊಳ್ಳಿ ಮತ್ತು ಉಪ್ಪನ್ನು ಸೇವಿಸಬೇಡಿ. ಬದಲಿಗೆ ಈ ದಿನ ಉಪ್ಪನ್ನು ದಾನ ಮಾಡಿ. ಉಪ್ಪನ್ನು ದಾನ ಮಾಡುವುದರಿಂದ ಯಾವುದೇ ದೋಷ ಬರುವುದಿಲ್ಲ. ಆದರೆ ಸೂರ್ಯದೇವನ ಕೃಪೆಯಿಂದ ದೈಹಿಕ ನೋವು ನಿವಾರಣೆಯಾಗುವ ದಿನವಿದು. 

- ವೃತ್ತಿಯಲ್ಲಿ ಯಶಸ್ಸನ್ನು ಪಡೆಯಲು ರಥಸಪ್ತಮಿಯ ದಿನದಂದು ಉದಯಿಸುವ ಸೂರ್ಯನಿಗೆ ನೀರನ್ನು ಅರ್ಪಿಸಿ. ಇದಕ್ಕಾಗಿ ತಾಮ್ರದ ಪಾತ್ರೆಯಲ್ಲಿ ನೀರನ್ನು ತೆಗೆದುಕೊಂಡು ಅದಕ್ಕೆ ಕೆಂಪು ಚಂದನ, ಬೆಲ್ಲ ಮತ್ತು ಕೆಂಪು ಹೂವುಗಳನ್ನು ಸೇರಿಸಿ ಸೂರ್ಯ ದೇವರಿಗೆ ಅರ್ಘ್ಯವನ್ನು ಅರ್ಪಿಸಿ. ವೃತ್ತಿ ಜೀವನದಲ್ಲಿ ಯಶಸ್ಸಿಗೆ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸಿ. ಈ ಪರಿಹಾರಗಳನ್ನು ಪ್ರತಿದಿನ ಮಾಡುವುದು ಉತ್ತಮ. ಇದು ನಿಮ್ಮ ವೃತ್ತಿಜೀವನದಲ್ಲಿ ವೇಗವಾಗಿ ಮುನ್ನಡೆಯಲು ಸಹಾಯ ಮಾಡುತ್ತದೆ. ನಿಮ್ಮ ಆತ್ಮವಿಶ್ವಾಸ ಹೆಚ್ಚುತ್ತದೆ. ಸಮಾಜದಲ್ಲಿ ನೀವೂ ಖ್ಯಾತಿಯನ್ನೂ ಪಡೆಯುತ್ತೀರಿ. 

- ನಿಮ್ಮಲ್ಲಿ ಆತ್ಮವಿಶ್ವಾಸದ ಕೊರತೆಯಿದ್ದರೆ ರಥಸಪ್ತಮಿಯ ದಿನದಂದು ಸ್ನಾನದ ನೀರಿನಲ್ಲಿ ಕೆಂಪು ಚಂದನ, ಗಂಗಾಜಲ ಮತ್ತು ಕುಂಕುಮವನ್ನು ಸೇರಿಸಿ ಸ್ನಾನ ಮಾಡಿ. ಇದರಿಂದ ನಿಮಗೆ ಬಹಳಷ್ಟು ಲಾಭವಾಗಲಿದೆ. 

- ರಥಸಪ್ತಮಿ ಅಥವಾ ಅಚಲ ಸಪ್ತಮಿಯ ದಿನದಂದು ಸ್ನಾನ ಮತ್ತು ಪೂಜೆಯ ನಂತರ ಬೇಳೆ, ಬೆಲ್ಲ, ತಾಮ್ರ, ಗೋಧಿ, ಕೆಂಪು ಅಥವಾ ಕಿತ್ತಳೆ ಬಟ್ಟೆಗಳನ್ನು ನಿರ್ಗತಿಕ ಬ್ರಾಹ್ಮಣನಿಗೆ ದಾನ ಮಾಡಿ. ಇದು ಜಾತಕದಲ್ಲಿ ಸೂರ್ಯನನ್ನು ಬಲಪಡಿಸುತ್ತದೆ ಮತ್ತು ನೀವು ಶುಭ ಫಲಿತಾಂಶಗಳನ್ನು ಪಡೆಯುತ್ತೀರಿ. 

(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.) 

ಇದನ್ನೂ ಓದಿ : Astro Tips: ಹೊಸ ಕಾರಿನ ಕೆಳಗೆ ನಿಂಬೆ ಹಣ್ಣನ್ನು ಏಕೆ ಇಡಲಾಗುತ್ತದೆ..? ಹಿಂದಿನ ಸತ್ಯ ತಿಳಿಯಿರಿ..