6,6,6,4,6,6 ಒಂದೇ ಓವರ್‌ನಲ್ಲಿ ಶತಕ ಬಾರಿಸಿ ತಂಡವನ್ನು ಗೆಲ್ಲುವಂತೆ ಮಾಡಿದ ಆಟಗಾರ!

Martin Guptill Century: ಲೆಜೆಂಡ್ಸ್ ಲೀಗ್ ಕ್ರಿಕೆಟ್ 2024ರಲ್ಲಿ ಇರ್ಫಾನ್ ಪಠಾಣ್ ನಾಯಕತ್ವದ ಕೊರ್ನಾಕ್ ಸೂರ್ಯ ಒಡಿಶಾ ತಂಡವನ್ನು ದಕ್ಷಿಣ ಸೂಪರ್‌ಸ್ಟಾರ್ಸ್ 8 ವಿಕೆಟ್‌ಗಳಿಂದ ಸೋಲಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಕೊರ್ನಾಕ್ ಸೂರ್ಯ ತಂಡ ನಿಗದಿತ 20 ಓವರ್‌ಗಳಲ್ಲಿ ೯ ವಿಕೆಟ್‌ ಕಳೆದುಕೊಂಡು 192 ರನ್ ಗಳಿಸಿತು. ಈ ಗುರಿಯನ್ನು ಸದರ್ನ್ ಸೂಪರ್ ಸ್ಟಾರ್ಸ್ ತಂಡ ಕೇವಲ 2 ವಿಕೆಟ್ ಕಳೆದುಕೊಂಡು ಸುಲಭವಾಗಿ ತಲುಪಿತು. ಮಾರ್ಟಿನ್ ಗಪ್ಟಿಲ್ ಅವರು ತಂಡದ ಪರ ಸ್ಫೋಟಕ ಬ್ಯಾಟಿಂಗ್ ಮಾಡಿದರು. ಮೈದಾನದ ಮೂಲೆಮೂಲೆಗೂ ಅವರು ಸಿಕ್ಸರ್‌ ಮತ್ತು ಬೌಂಡರಿ ಬಾರಿಸಿ ಅಬ್ಬರಿಸಿದರು. ಅವರ ಸ್ಫೋಟಕ ಶತಕದಿಂದಲೇ ತಂಡವು ಭರ್ಜರಿ ಗೆಲುವು ದಾಖಲಿಸುವಲ್ಲಿ ಯಶಸ್ವಿಯಾಗಿದೆ. 

ಆರನೇ ಓವರ್‌ನಲ್ಲಿ ಒಟ್ಟು 34 ರನ್‌! 

ಇನಿಂಗ್ಸ್‌ನ ಆರಂಭದಿಂದಲೂ ಮಾರ್ಟಿನ್ ಗಪ್ಟಿಲ್ ಅಮೋಘ ಬ್ಯಾಟಿಂಗ್ ಪ್ರದರ್ಶಿಸಿದರು. ಮೊದಲ ಓವರ್‌ನಲ್ಲಿಯೇ ಎರಡು ಬೌಂಡರಿಗಳನ್ನು ಬಾರಿಸುವ ಮೂಲಕ ಅವರು ಸ್ಫೋಟಕ ಆರಂಭ ಒದಗಿಸಿದರು. ಒಡಿಶಾ ತಂಡದ ಪರ ನವೀನ್ ಸ್ಟೀವರ್ಟ್ ಅವರ ಆರನೇ ಓವರ್‌ನಲ್ಲಿ ಅಕ್ಷರಶಹಃ ಅಬ್ಬರಿಸಿದರು. ನವೀನ್ ಅವರ ಓವರ್‌ನಲ್ಲಿ ಮಾರ್ಟಿನ್ ಒಟ್ಟು 34 ರನ್ ಗಳಿಸಿದರು. ಮೊದಲ ಮೂರು ಎಸೆತಗಳಲ್ಲಿ ಸಿಕ್ಸರ್ ಬಾರಿಸಿದರು. ಇದಾದ ಬಳಿಕ ನಾಲ್ಕನೇ ಎಸೆತದಲ್ಲಿ ಬೌಂಡರಿ ಹಾಗೂ ಕೊನೆಯ ಎರಡು ಎಸೆತಗಳಲ್ಲಿ ಸಿಕ್ಸರ್ ಬಾರಿಸಿದರು.

ಮಾರ್ಟಿನ್ ಗಪ್ಟಿಲ್ ಒಂದೇ ಓವರ್‌ನಲ್ಲಿ 34 ರನ್

ಮೊದಲ ಎಸೆತ - ಸಿಕ್ಸರ್
ಎರಡನೇ ಎಸೆತ - ಸಿಕ್ಸರ್
ಮೂರನೇ ಎಸೆತ - ಆರು
ನಾಲ್ಕನೇ ಎಸೆತ - ಬೌಂಡರಿ
ಐದನೇ ಎಸೆತ - ಸಿಕ್ಸರ್
ಆರನೇ ಎಸೆತ - ಸಿಕ್ಸರ್

131 ರನ್ ಗಳಿಸಿದ ಮಾರ್ಟಿನ್ ಗಪ್ಟಿಲ್

ಕೊರ್ನಾಕ್ ತಂಡದ ಪರ ರಿಚರ್ಡ್ ಲೆವಿ 63 ರನ್ ಗಳಿಸಿದ್ದರು. ಇವರ ಹೊರತಾಗಿ ಯೂಸುಫ್ ಪಠಾಣ್ 33 ರನ್ ಹಾಗೂ ನಾಯಕ ಇರ್ಫಾನ್ ಪಠಾಣ್ 10 ರನ್ ಮಾತ್ರ ಕೊಡುಗೆ ನೀಡಿದರು. ವಿನಯ್ ಕುಮಾರ್ 18 ರನ್ ಗಳಿಸಲಷ್ಟೇ ಶಕ್ತರಾದರು. ಹೀಗಾಗಿ ತಂಡವು 192 ರನ್ ಗಳಿಸಲು ಸಾಧ್ಯವಾಯಿತು. ದಕ್ಷಿಣ ಸೂಪರ್ ಸ್ಟಾರ್ಸ್ ಪರ ಸುಬೋಧ್ ಭಾಟಿ ಗರಿಷ್ಠ ಮೂರು ವಿಕೆಟ್ ಪಡೆದರು. ಇದಲ್ಲದೇ ಚತುರಂಗ ಡಿ ಸಿಲ್ವಾ 2 ವಿಕೆಟ್ ಪಡೆದು ಮಿಂಚಿದರು.