IND vs ENG : ಟೀಂ ಇಂಡಿಯಾಗೆ ಮರಳಿದ ಈ ಲೆಜೆಂಡರಿ ಬ್ಯಾಟ್ಸ್‌ಮನ್!

IND vs ENG Birmingham Test : ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಪಂದ್ಯದ ಮೊದಲ ದಿನದಂತ್ಯಕ್ಕೆ ಟೀಂ ಇಂಡಿಯಾ 7 ವಿಕೆಟ್ ನಷ್ಟಕ್ಕೆ 338 ರನ್ ಗಳಿಸಿದೆ. ಈ ಪಂದ್ಯದಲ್ಲಿ, ಟೀಂ ಇಂಡಿಯಾದ ಅನುಭವಿ ಬ್ಯಾಟ್ಸ್‌ಮನ್ ತಂಡಕ್ಕೆ ಮರಳಿದ್ದು, ತಂಡಕ್ಕೆ ಈ ಆಟಗಾರನಿಂದ  ಮೊದಲ ಇನ್ನಿಂಗ್ಸ್‌ನಲ್ಲಿ ವಿಶೇಷ ಏನು ನಡೆದಿರಲಿಲ್ಲ. ಆದ್ರೆ, ರಿ ಎಂಟ್ರಿ ನೀಡುವ ಮೂಲಕ ಮತ್ತೆ ಏನಾದ್ರು ಬದಲಾವಣೆಯಾಗಿದೆಯಾ? ಇಲ್ಲಿ ನೋಡಿ

ಈ ದಿಗ್ಗಜ ಆಟಗಾರ ಮತ್ತೊಮ್ಮೆ ಪ್ಲಾಪ್

ಮೊದಲ ದಿನ ಟೀಂ ಇಂಡಿಯಾ ಕೇವಲ 98 ರನ್‌ಗಳಿಗೆ ಮೊದಲ 5 ವಿಕೆಟ್ ಕಳೆದುಕೊಂಡಿತ್ತು. ಟೀಂ ಇಂಡಿಯಾದ ಈ ಆಟಗಾರ ಬೇರೆಯಾರು ಅಲ್ಲ ಅವರೇ ಚೇತೇಶ್ವರ ಪೂಜಾರ. ಚೇತೇಶ್ವರ ಪೂಜಾರ ಬಹಳ ದಿನಗಳ ನಂತರ ಟೀಂ ಇಂಡಿಯಾಗೆ ಮರಳಿದ್ದಾರೆ. ಕಳಪೆ ಫಾರ್ಮ್‌ನಿಂದಾಗಿ ಪೂಜಾರ ತಂಡದಿಂದ ಕೈಬಿಡಲಾಗಿತ್ತು, ಆದರೆ ತಂಡಕ್ಕೆ ಮರಳಿದ ನಂತರವೂ ಉತ್ತಮ ಪ್ರದರ್ಶನ ನೀಡದ ಕಾರಣ ಮತ್ತೆ ಫ್ಲಾಪ್ ಆಗಿದ್ದಾರೆ. ಮೊದಲ ಇನಿಂಗ್ಸ್‌ನಲ್ಲಿ 46 ಎಸೆತಗಳನ್ನು ಎದುರಿಸಿ ಕೇವಲ 13 ರನ್ ಗಳಿಸಿ ಪೆವಿಲಿಯನ್‌ಗೆ ಮರಳಿದರು.

ಇದನ್ನೂ ಓದಿ : MS Dhoni: ಎಂ.ಎಸ್.ಧೋನಿ ಮೊಣಕಾಲು ನೋವಿಗೆ 40 ರೂ. ಚಿಕಿತ್ಸೆ..!

ಕೌಂಟಿ ಕ್ರಿಕೆಟ್ ನಲ್ಲಿ ರನ್ ಮಳೆ ಸುರಿಯಿತು

ಚೇತೇಶ್ವರ ಪೂಜಾರ ಈ ಸರಣಿಗೂ ಮುನ್ನ ಕೌಂಟಿ ಕ್ರಿಕೆಟ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡಿ ಆಯ್ಕೆಗಾರರ ​​ಗಮನ ಸೆಳೆದಿದ್ದರು, ಆದರೆ ತಂಡಕ್ಕೆ ಮರಳುವ ಸಂದರ್ಭದಲ್ಲಿ ಆಯ್ಕೆಗಾರರ ​​ನಂಬಿಕೆಗೆ ತಕ್ಕಂತೆ ನಡೆದುಕೊಂಡಿಲ್ಲ. 34 ವರ್ಷದ ಪೂಜಾರ ಎರಡು ದ್ವಿಶತಕ ಮತ್ತು ಎರಡು ಶತಕಗಳ ಸಹಾಯದಿಂದ ಸಸೆಕ್ಸ್‌ಗಾಗಿ ಡಿವಿಷನ್ ಎರಡರ ಐದು ಪಂದ್ಯಗಳಲ್ಲಿ 720 ರನ್ ಗಳಿಸಿದ್ದರು.

ಇತಿಹಾಸ ನಿರ್ಮಿಸಲು ಉತ್ತಮ ಅವಕಾಶ

ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧದ ಈ ಟೆಸ್ಟ್ ಪಂದ್ಯವನ್ನು ಗೆದ್ದರೆ ಅಥವಾ ಅದನ್ನು ಡ್ರಾ ಮಾಡಿಕೊಂಡರೆ, 2007 ರ ನಂತರ ಇಂಗ್ಲೆಂಡ್ ನೆಲದಲ್ಲಿ ಮೊದಲ ಬಾರಿಗೆ ಟೆಸ್ಟ್ ಸರಣಿಯನ್ನು ಗೆಲ್ಲುತ್ತದೆ. ಈ ದೊಡ್ಡ ಅವಕಾಶವನ್ನು ಕಳೆದುಕೊಳ್ಳಲು ಟೀಂ ಇಂಡಿಯಾ ಇಷ್ಟಪಡುವುದಿಲ್ಲ. ಮೊದಲ ದಿನದಾಟದ ನಂತರ ಟೀಂ ಇಂಡಿಯಾ ಕೂಡ ದೊಡ್ಡ ಸ್ಕೋರ್ ಮಾಡುವ ಅವಕಾಶವಿದೆ. ರವೀಂದ್ರ ಜಡೇಜಾ ಮತ್ತು ಮೊಹಮ್ಮದ್ ಶಮಿ ಇಡೀ ದಿನದ ಆಟವನ್ನು ತೆರೆಯಲಿದ್ದಾರೆ. ಜಡೇಜಾ 83 ರನ್ ಗಳಿಸಿ ಆಡುತ್ತಿದ್ದು, 11 ಎಸೆತಗಳನ್ನು ಆಡಿದ ಶಮಿ ಕ್ರೀಸ್‌ನಲ್ಲಿದ್ದಾರೆ.

ಇದನ್ನೂ ಓದಿ : ಶುಭ್‌ಮನ್‌ ಗಿಲ್‌ ವಿರುದ್ಧ ರವಿಶಾಸ್ತ್ರಿ ಅಸಮಾಧಾನ: ಪಂದ್ಯದಿಂದ ಹೊರಬರುತ್ತಿದ್ದಂತೆ ಕ್ಲಾಸ್‌!