15 ಬೌಂಡರಿ, 9 ಸಿಕ್ಸರ್, 182 ರನ್! ನಿವೃತ್ತಿ ಹಿಂಪಡೆದ ಸ್ಟಾರ್ ಕ್ರಿಕೆಟರ್ ಸಿಡಿಸಿಯೇಬಿಟ್ಟ ಭರ್ಜರಿ ಶತಕ! ಈತ ಕೊಹ್ಲಿಯ ನೆಚ್ಚಿನ ಕ್ರಿಕೆಟಿಗನೂ ಹೌದು

Ben Stokes: ಈ ಹಿಂದೆ ಏಕದಿನ ಕ್ರಿಕೆಟ್‌’ಗೆ ನಿವೃತ್ತಿ ಘೋಷಿಸಿದ್ದ ಬೆನ್ ಸ್ಟೋಕ್ಸ್, ಮರಳಿ ಮೈದಾನಕ್ಕೆ ಆಗಮಿಸಿದ್ದರು. ಈ ಎಂಟ್ರಿ ಬಳಿಕ ಇತಿಹಾಸ ಸೃಷ್ಟಿಸಿದ ಬೆನ್, ಈ ಮಾದರಿಯಲ್ಲಿ ಇಂಗ್ಲೆಂಡ್ ಪರ ಅತಿ ದೊಡ್ಡ ಇನ್ನಿಂಗ್ಸ್ ಆಡಿದ ಬ್ಯಾಟ್ಸ್‌ಮನ್ ಎನಿಸಿಕೊಂಡಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧ ಸ್ಟೋಕ್ಸ್ 182 ರನ್ ಗಳಿಸಿದ್ದಾರೆ.

ಇದನ್ನೂ ಓದಿ: ಏಷ್ಯಾಕಪ್’ ಮೂಲಕ ಏಕದಿನಕ್ಕೆ ಪಾದಾರ್ಪಣೆ ಮಾಡಲಿರುವ 22ರ ಹರೆಯದ ವೇಗಿ

ಇಂಗ್ಲೆಂಡ್‌’ನ ಟೆಸ್ಟ್ ನಾಯಕ ಬೆನ್ ಸ್ಟೋಕ್ಸ್ ಏಕದಿನ ಕ್ರಿಕೆಟ್‌’ನಲ್ಲಿ ಇತಿಹಾಸ ನಿರ್ಮಿಸಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲಿ 124 ಎಸೆತಗಳಲ್ಲಿ 15 ಬೌಂಡರಿ ಮತ್ತು 9 ಸಿಕ್ಸರ್‌’ಗಳನ್ನು ಒಳಗೊಂಡಂತೆ 182 ರನ್ ಗಳಿಸಿದ್ದರು. ಆದರೆ ಇಂಗ್ಲೆಂಡ್ ಇನಿಂಗ್ಸ್ ನ 45ನೇ ಓವರ್ ನಲ್ಲಿ ಔಟಾಗುವ ಮೂಲಕ ದ್ವಿಶತಕ ಸಿಡಿಸುವ ಅವಕಾಶ ಕಳೆದುಕೊಂಡರು.

ಸ್ಟೋಕ್ಸ್‌’ಗಿಂತ ಮೊದಲು, ಜೇಸನ್ ರಾಯ್ ಏಕದಿನದಲ್ಲಿ ಇಂಗ್ಲೆಂಡ್‌’ಗಾಗಿ ಅತಿದೊಡ್ಡ ಇನ್ನಿಂಗ್ಸ್ ಆಡಿದ್ದರು. 2018ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ರಾಯ್ 151 ಎಸೆತಗಳಲ್ಲಿ 180 ರನ್ ಗಳಿಸಿದ್ದರು. ಅವರ ಇನ್ನಿಂಗ್ಸ್‌ನಲ್ಲಿ 16 ಬೌಂಡರಿ ಮತ್ತು ಐದು ಸಿಕ್ಸರ್‌ಗಳು ಸೇರಿದ್ದವು.

ಇದೀಗ ಸುಮಾರು 14 ತಿಂಗಳ ನಂತರ ಬೆನ್ ಸ್ಟೋಕ್ಸ್ ಏಕದಿನ ಕ್ರಿಕೆಟ್‌’ಗೆ ಮರಳಿದ್ದಾರೆ. ತಮ್ಮ ಕೆಲಸದ ಹೊರೆಯನ್ನು ನಿರ್ವಹಿಸಲು, ಕಳೆದ ವರ್ಷ ODI ಕ್ರಿಕೆಟ್‌’ಗೆ ನಿವೃತ್ತಿ ಘೋಷಿಸಿದ್ದರು. ಆದರೆ, ಇಂಗ್ಲೆಂಡ್ ಕೋಚ್ ಬ್ರೆಂಡನ್ ಮೆಕಲಮ್ ಮತ್ತು ODI ನಾಯಕ ಜೋಸ್ ಬಟ್ಲರ್ ಅವರ ಒತ್ತಾಯದ ಮೇರೆಗೆ, ಸ್ಟೋಕ್ಸ್ ನ್ಯೂಜಿಲೆಂಡ್ ವಿರುದ್ಧದ ಸರಣಿಯ ಮೂಲಕ ODI ಕ್ರಿಕೆಟ್‌’ಗೆ ಮರಳಿದ್ದಾರೆ.

ಇದನ್ನೂ ಓದಿ: Team India ಸ್ಟಾರ್ ವೇಗಿಗೆ ಗಾಯ: ಬದಲಿ ಆಟಗಾರನಾಗಿ ಈ ಬೌಲರ್ ಆಯ್ಕೆ

ODI ಕ್ರಿಕೆಟ್‌’ಗೆ ಮರಳಿದ ನಂತರ ಸ್ಟೋಕ್ಸ್ ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ 52 ರನ್ ಗಳಿಸಿದ್ದರು. ಇದೀಗ ಈ ಸರಣಿಯಲ್ಲಿ 182 ರನ್‌;ಗಳ ಅದ್ಭುತ ಇನ್ನಿಂಗ್ಸ್‌ ಆಡಿದ್ದಾರೆ.