IND vs NZ: 46 ರನ್‌ಗೆ ಆಲೌಟ್‌, ಐವರು ಡಕೌಟ್...‌ 91 ವರ್ಷಗಳ ಟೆಸ್ಟ್ ಇತಿಹಾಸದಲ್ಲಿ ಎಂದೂ ಸಂಭವಿಸಿರದ ಕಳಪೆ ದಾಖಲೆ ಟೀಂ ಇಂಡಿಯಾ ಹೆಸರಿಗೆ!!

India vs New Zealand, 1st Test: ಬೆಂಗಳೂರು ಟೆಸ್ಟ್‌ನಲ್ಲಿ ಕೇವಲ 46 ರನ್‌ಗಳಿಗೆ ಔಟಾಗುವ ಮೂಲಕ ಟೀಮ್ ಇಂಡಿಯಾ ಹೆಸರಿನಲ್ಲಿ ನಾಚಿಕೆಗೇಡಿನ ದಾಖಲೆಯೊಂದು ದಾಖಲಾಗಿದೆ. ಮೊದಲ ಬಾರಿಗೆ, ಭಾರತ ತಂಡ ತವರು ನೆಲದಲ್ಲಿ ಕೇವಲ 46 ರನ್‌ಗಳಿಗೆ ಸೀಮಿತವಾಗಿದೆ. ಇದಕ್ಕೂ ಮೊದಲು 1987ರಲ್ಲಿ ದೆಹಲಿಯಲ್ಲಿ ವೆಸ್ಟ್‌ ಇಂಡೀಸ್ ವಿರುದ್ಧ 75 ರನ್ ಗಳಿಸಿದ್ದ ಬ್ಲೂ ಟೀಮ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತ್ಯಂತ ಕಡಿಮೆ ಸ್ಕೋರ್ ಆಗಿತ್ತು. ಆದರೆ, ಈ ಬಾರಿ ಅದಕ್ಕೂ ಕಡಿಮೆ ಮೊತ್ತದ ಸ್ಕೋರ್‌ ಕಲೆಹಾಕಿದ್ದಾರೆ.

ಇದನ್ನೂ ಓದಿ: ಸಲ್ಮಾನ್‌ ಖಾನ್ ಹತ್ಯೆಗೆ ಸ್ಕೆಚ್‌ ಹಾಕಿದ ಬಿಷ್ಣೋಯ್ ಜೊತೆ ಸಲ್ಲು ಮಾಜಿ ಲವರ್ ಚಾಟ್!

ಬೆಂಗಳೂರಿನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡದ ಎಲ್ಲಾ ಬ್ಯಾಟ್ಸ್‌ಮನ್‌ಗಳು ವಿಫಲರಾದರು. ಪಂದ್ಯದ ವೇಳೆ 5 ಬ್ಯಾಟ್ಸ್‌ಮನ್‌ಗಳು ಖಾತೆ ತೆರೆಯದೆ ಪೆವಿಲಿಯನ್‌ಗೆ ಮರಳಿದ್ದನ್ನು ನೋಡಿದರೆ  ಫ್ಲಾಪ್ ಪ್ರದರ್ಶನವನ್ನು ಯಾವ ಮಟ್ಟಕ್ಕೆ ಇತ್ತು ಎಂಬುದನ್ನು ಊಹಿಸಬಹುದು. ವಿರಾಟ್ ಕೊಹ್ಲಿ ಜೊತೆಗೆ ಸರ್ಫರಾಜ್ ಖಾನ್, ಕೆಎಲ್ ರಾಹುಲ್, ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್ ಖಾತೆ ತೆರೆಯಲು ಸಾಧ್ಯವಾಗದ ಬ್ಯಾಟ್ಸ್‌ಮನ್‌ಗಳು.

ಪಂದ್ಯದ ವೇಳೆ ಭಾರತದ ಇಬ್ಬರು ಬ್ಯಾಟ್ಸ್‌ಮನ್‌ಗಳು ಮಾತ್ರ ಎರಡಂಕಿ ಮುಟ್ಟಲು ಸಾಧ್ಯವಾಯಿತು. ಐದನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿದ ರಿಷಬ್ ಪಂತ್ 49 ಎಸೆತಗಳಲ್ಲಿ 2 ಬೌಂಡರಿಗಳ ನೆರವಿನಿಂದ 20 ರನ್ ಗಳಿಸಿದರು. ಯಶಸ್ವಿ ಜೈಸ್ವಾಲ್ ಇನ್ನಿಂಗ್ಸ್ ಆರಂಭಿಸಿ 63 ಎಸೆತಗಳಲ್ಲಿ 13 ರನ್ ಕೊಡುಗೆ ನೀಡಿದರು.

ಇದನ್ನೂ ಓದಿ: ವೇತನ ವರ್ಗಕ್ಕೆ ಹೊಸ ನಿಯಮ ಜಾರಿ! ಟ್ಯಾಕ್ಸ್ ಕಡಿತ ಮಾಡಿ ವಿತ್ತ ಸಚಿವರ ಘೋಷಣೆ!

ನ್ಯೂಜಿಲೆಂಡ್‌ನ ಅತ್ಯಂತ ಯಶಸ್ವಿ ಬೌಲರ್ ಮ್ಯಾಟ್ ಹೆನ್ರಿ. 13.2 ಓವರ್ ಬೌಲಿಂಗ್ ಮಾಡಿ ಗರಿಷ್ಠ 5 ವಿಕೆಟ್‌ಗಳನ್ನು ಕಬಳಿಸಿದರು. ಇವರಲ್ಲದೆ ವಿಲ್ ಒ ರೂರ್ಕ್ 4 ವಿಕೆಟ್ ಹಾಗೂ ಟಿಮ್ ಸೌಥಿ 1 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು.