RCB ಪಂದ್ಯದ ಮಧ್ಯೆ ‘2 BHK ರೂಮ್ ಬೇಕು’ ಎನ್ನುತ್ತಾ ಬೋರ್ಡ್ ಹಿಡಿದ ಫ್ಯಾನ್! ಕಡೆಗೂ ಸಿಕ್ತಾ?

IPL Match CSK vs RCB: ಯಾವುದೇ ಜನಪ್ರಿಯ ಆಟಗಳು ನಡೆಯುತ್ತಿದ್ದರೆ ಸಾಕು ಅಲ್ಲಿ ಅಭಿಮಾನಿಗಳ ಗುಂಪು ಜಮಾಯಿಸಿರುತ್ತದೆ. ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಪಂದ್ಯವಾಗಿದ್ದರೆ ಸಖತ್ ಕ್ರೇಜ್ ಇರುತ್ತದೆ, ಅದರಲ್ಲೂ ಆರ್ ಸಿ ಬಿ ಮತ್ತು ಸಿ ಎಸ್ ಕೆ ಪಂದ್ಯ ನಡೆಯುತ್ತಿದ್ದರೆ ಹೇಳುವ ಅವಶ್ಯಕತೆಯೇ ಇಲ್ಲ, ಅಷ್ಟೊಂದು ಅಭಿಮಾನಿಗಳು ಸ್ಟೇಡಿಯಂನಲ್ಲಿ ತುಂಬಿ ತುಳುಕುತ್ತಾರೆ.

ಇದನ್ನೂ ಓದಿ: 6 ಏರ್’ಬ್ಯಾಗ್, ಡಬಲ್ ಸಿಲಿಂಡರ್ ಸಹಿತ ಬರಲಿದೆ TATA CNG ಕಾರು: ವಿಶೇಷ ಕಾರಿನ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರ!

ಇನ್ನು ಕಳೆದ ದಿನ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ನಡುವೆ ಹೈವೋಲ್ಟೇಜ್ ಪಂದ್ಯ ನಡೆಯುತ್ತಿತ್ತು. ಆದರೆ ಅಲ್ಲೊಬ್ಬ ಅಭಿಮಾನಿ, “ಇಂದಿರಾನಗರದಲ್ಲಿ 2BHK ಮನೆ ಬೇಕು” ಎಂದು ಬೋರ್ಡ್ ಹಿಡಿದುನಿಂತಿದ್ದ. ಇದರ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.

ತಮಾಷೆಯಾಗಿದ್ದರೂ, ಕರ್ನಾಟಕದ ರಾಜಧಾನಿಯಲ್ಲಿ ಮನೆಗಾಗಿ ಅನೇಕರು ಹುಡುಕಾಟ ನಡೆಸುತ್ತಿರುವ ಬಗ್ಗೆ, ಮನೆ ಹುಡುಕಾಟದ ಸಮಯದಲ್ಲಿ ಅವರು ಎದುರಿಸುತ್ತಿರುವ ಸಮಸ್ಯೆಗಳ ಅರಿವು ಮೂಡಿಸುತ್ತಿದೆ ಈ ಬೋರ್ಡ್. ಈ ಪೋಸ್ಟ್ ಕಂಡ ಅನೇಕರು ವಿಧವಿಧವಾಗಿ ಕಾಮೆಂಟ್‌’ಗಳನ್ನು ಮಾಡಲು ಆರಂಭಿಸಿದ್ದಾರೆ.