ಒಲಿಂಪಿಕ್ಸ್’ಗೂ ಮುನ್ನ ಅಬ್ಬರಿಸಿದ ನೀರಜ್ ಚೋಪ್ರಾ: ಫೆಡರೇಷನ್ ಕಪ್’ನಲ್ಲಿ ಚಿನ್ನಕ್ಕೆ ಮುತ್ತಿಟ್ಟ ಗೋಲ್ಡನ್ ಬಾಯ್

Neeraj Chopra: 2024ರ ಒಲಿಂಪಿಕ್ಸ್‌’ಗೂ ಮುನ್ನ ಜಾವೆಲಿನ್ ಥ್ರೋ ದಿಗ್ಗಜ ನೀರಜ್ ಚೋಪ್ರಾ ಅಬ್ಬರಿಸಿದ್ದಾರೆ. ಫೆಡರೇಶನ್ ಕಪ್ 2024 ರಲ್ಲಿ ಪುರುಷರ ಜಾವೆಲಿನ್ ಥ್ರೋ ಸ್ಪರ್ಧೆಯಲ್ಲಿ ಚೋಪ್ರಾ 3 ವರ್ಷಗಳ ನಂತರ ಹೋಮ್ ಟ್ರ್ಯಾಕ್‌’ನಲ್ಲಿ ಆಡಿದ್ದಾರೆ. ಭುವನೇಶ್ವರದ ಕಳಿಂಗ ಸ್ಟೇಡಿಯಂನಲ್ಲಿ 3 ವರ್ಷಗಳ ನಂತರ ನೀರಜ್ ಚೋಪ್ರಾ ಆಡಿದ್ದು, 82.27 ಮೀಟರ್‌ ದೂರ ಜಾವೆಲಿನ್ ಎಸೆದು ಚಿನ್ನದ ಪದಕ ಗೆದ್ದಿದ್ದಾರೆ.

ಇದನ್ನೂ ಓದಿ: ಈ ಲೆಕ್ಕಾಚಾರದ ಪ್ರಕಾರ ನಡೆದರೆ RCB-CSK ಎರಡೂ ತಂಡಗಳೂ ಪ್ಲೇಆಫ್ ಪ್ರವೇಶಿಸುತ್ತೆ: ಅದ್ಹೇಗೆ ಗೊತ್ತಾ

ಫೆಡರೇಶನ್ ಕಪ್‌’ನಲ್ಲಿ ನೀರಜ್ ಚೋಪ್ರಾ 2021 ರಿಂದ ಚಿನ್ನದ ಬೇಟೆ ಮುಂದುವರೆಸಿಕೊಂಡು ಬಂದಿದ್ದಾರೆ. ಆ ವೇಳೆ 87.80 ಮೀಟರ್‌ ದೂರ ಜಾವೆಲಿನ್‌ ಎಸೆದು ಚಿನ್ನದ ಪದಕ ಗೆದ್ದಿದ್ದರು.

ಇನ್ನು ಇತ್ತೀಚೆಗೆ ನೀರಜ್ ದೋಹಾ ಡೈಮಂಡ್ ಲೀಗ್‌ನಲ್ಲಿ ಎರಡನೇ ಸ್ಥಾನ ಪಡೆದಿದ್ದರು. ಈ ವೇಳೆ ಅವರು 88.36 ಮೀಟರ್‌ ದೂರ ಜಾವೆಲಿನ್ ಎಸೆದಿದ್ದರು. ಜಾವೆಲಿನ್ ಎಸೆತದಲ್ಲಿ ನೀರಜ್ ಚೋಪ್ರಾ ರಾಷ್ಟ್ರೀಯ ದಾಖಲೆ 89.94 ಮೀಟರ್. ವಿಶ್ವ ಚಾಂಪಿಯನ್‌ನ ಗುರಿ 90 ಮೀಟರ್‌ ದಾಟುವುದು. ಆದರೆ ಇಲ್ಲಿಯವರೆಗೆ ಈ ದಾಖಲೆ ಬ್ರೇಕ್ ಮಾಡಿಲ್ಲ.

ಇದನ್ನೂ ಓದಿ: ಸಚಿನ್ ತೆಂಡೂಲ್ಕರ್ ಭದ್ರತಾ ಸಿಬ್ಬಂದಿ ಆತ್ಮಹತ್ಯೆ

ಇನ್ನು ಡಿಪಿ ಮನು ಮತ್ತು ನೀರಜ್ ಚೋಪ್ರಾ ನಡುವೆ ಭರ್ಜರಿ ಪೈಪೋಟಿ ನಡೆದಿತ್ತು. ಆದರೆ ಕೊನೆಯಲ್ಲಿ ನೀರಜ್ ಗೆದ್ದು, ಮನು ಬೆಳ್ಳಿ ಪದಕ ಪಡೆದರು. ಉತ್ತಮ್ ಪಾಟೀಲ್ ಮೂರನೇ ಸ್ಥಾನದಲ್ಲಿದ್ದು, ಕಂಚಿನ ಪದಕ ಗೆದ್ದಿದ್ದಾರೆ.