12 ವರ್ಷಗಳ ಬಳಿಕ ವಿಶ್ವಕಪ್’ಗೆ ಎಂಟ್ರಿ ಪಡೆಯಿತು ಈ ತಂಡ! ಅರ್ಹತಾ ಸುತ್ತಿನಲ್ಲಿ ಬಲಿಷ್ಠ ವಿಂಡೀಸ್’ಗೆ ಸೋಲುಣಿಸಿದ್ದು ಇವರೇ..!

ICC ODI World Cup 2023: ಐಸಿಸಿ ಪುರುಷರ ಏಕದಿನ ವಿಶ್ವಕಪ್ 2023 ಭಾರತದಲ್ಲಿ ಅಕ್ಟೋಬರ್ 5 ರಿಂದ 19 ನವೆಂಬರ್ ವರೆಗೆ ನಡೆಯಲಿದೆ. 45 ದಿನಗಳ ಕಾಲ ನಡೆಯಲಿರುವ ಏಕದಿನ ವಿಶ್ವಕಪ್‌’ನಲ್ಲಿ 10 ತಂಡಗಳು ಭಾಗವಹಿಸುತ್ತಿದ್ದು, ಒಟ್ಟು 48 ಪಂದ್ಯಗಳು ನಡೆಯಲಿವೆ.

ಈ ಟೂರ್ನಿಯಲ್ಲಿ 12 ವರ್ಷಗಳ ನಂತರ ಒಂದು ತಂಡವು ಏಕದಿನ ವಿಶ್ವಕಪ್ ಆಡಲಿದೆ. ಕಳೆದ ಎರಡು ವಿಶ್ವಕಪ್ ಟೂರ್ನಿಗಳಿಂದ ಹೊರಗುಳಿದಿರುವ ಈ ತಂಡ ಮತ್ತೊಮ್ಮೆ ಪುನರಾಗಮನ ಮಾಡುತ್ತಿದೆ.

ಇದನ್ನೂ ಓದಿ: 13 ವರ್ಷಗಳ ಕ್ರಿಕೆಟ್ ಬದುಕು ಅಂತ್ಯ… 37ರ ಹರೆಯದ ಭಾರತದ ಸ್ಟಾರ್ ಬಲಗೈ ಸ್ಪಿನ್ನರ್ ನಿವೃತ್ತಿ ಘೋಷಣೆ

ನೆದರ್ಲೆಂಡ್ಸ್ ತಂಡ 12 ವರ್ಷಗಳ ನಂತರ ಏಕದಿನ ವಿಶ್ವಕಪ್‌’ನಲ್ಲಿ ಆಡಲಿದೆ. ಕಳೆದ ಎರಡು ಸತತ ವಿಶ್ವಕಪ್ ಪಂದ್ಯಾವಳಿಗಳಿಂದ ಹೊರಗುಳಿದ ನಂತರ, ನೆದರ್ಲೆಂಡ್ಸ್ ತಂಡವು 2023 ರ ಐಸಿಸಿ ವಿಶ್ವಕಪ್‌’ನಿಂದ ಕ್ರಿಕೆಟ್‌’ನ ಮೆಗಾ ಟೂರ್ನಮೆಂಟ್‌’ಗೆ ಮರಳಿದೆ. ಇದಕ್ಕೂ ಮುನ್ನ ನೆದರ್ಲೆಂಡ್ಸ್ ತಂಡ ನಾಲ್ಕು ಬಾರಿ (1996, 2003, 2007, ಮತ್ತು 2011) ಏಕದಿನ ವಿಶ್ವಕಪ್‌ ಆಡಿದೆ.

2023ರ ವಿಶ್ವಕಪ್ ಅರ್ಹತಾ ಸುತ್ತಿನಲ್ಲಿ ರನ್ನರ್ ಅಪ್ ಸ್ಥಾನ ಪಡೆಯುವ ಮೂಲಕ ನೆದರ್ಲೆಂಡ್ಸ್ ಈ ವರ್ಷದ ODI ವಿಶ್ವಕಪ್‌’ಗೆ ಅರ್ಹತೆ ಪಡೆದಿದೆ. ವಿಶ್ವಕಪ್ ಅರ್ಹತಾ ಸುತ್ತಿನಲ್ಲಿ ಎರಡು ಬಾರಿಯ ಚಾಂಪಿಯನ್ ವೆಸ್ಟ್ ಇಂಡೀಸ್, ಸ್ಕಾಟ್ಲೆಂಡ್, ಅಮೆರಿಕ, ಒಮನ್ ಮತ್ತು ನೇಪಾಳ ತಂಡಗಳನ್ನು ಸೋಲಿಸುವ ಮೂಲಕ ನೆದರ್ಲೆಂಡ್ ವಿಶ್ವಕಪ್‌’ಗೆ ಲಗ್ಗೆ ಇಟ್ಟಿದೆ.

ಏಕದಿನ ಕ್ರಿಕೆಟ್‌’ನಲ್ಲಿ ನೆದರ್ಲೆಂಡ್ಸ್‌’ನ ಈ ವರ್ಷದ ದಾಖಲೆಯು ಕ್ರಿಕೆಟ್ ಇತಿಹಾಸದಲ್ಲಿ ಅವರ ಒಟ್ಟಾರೆ ದಾಖಲೆಗೆ ಹೋಲಿಸಿದರೆ ಉತ್ತಮವಾಗಿದೆ.

ಇದನ್ನೂ ಓದಿ: ವಿಶ್ವಕಪ್ ಆರಂಭಕ್ಕೆ ನಾಲ್ಕೇ ದಿನ ಬಾಕಿ ಇರುವಾಗ ICC ಮುಂದೆ ಈ ಬೇಡಿಕೆ ಇಟ್ಟ ಪಾಕ್

ವಿಶ್ವಕಪ್ 2023ಕ್ಕೆ ನೆದರ್ಲ್ಯಾಂಡ್ಸ್ ತಂಡ:

ಸ್ಕಾಟ್ ಎಡ್ವರ್ಡ್ಸ್ (ನಾಯಕ), ಮ್ಯಾಕ್ಸ್ ಒ'ಡೌಡ್, ಬಾಸ್ ಡಿ ಲೀಡೆ, ವಿಕ್ರಮಜಿತ್ ಸಿಂಗ್, ತೇಜ ನಿಡಮನೂರು, ಪಾಲ್ ವ್ಯಾನ್ ಮೀಕೆರೆನ್, ಕಾಲಿನ್ ಅಕರ್ಮನ್, ರೋಲೋಫ್ ವ್ಯಾನ್ ಡೆರ್ ಮೆರ್ವೆ, ಲೋಗನ್ ವ್ಯಾನ್ ಬೀಕ್, ಆರ್ಯನ್ ದತ್, ರಯಾನ್ ಕ್ಲೈನ್, ವೆಸ್ಲಿ ಬ್ಯಾರೆಸಿ (wk), ಸಾಕಿಬ್ ಜುಲ್ಫಿಕರ್, ಶರೀಜ್ ಅಹ್ಮದ್, ಸೈಬ್ರಾಂಡ್ ಎಂಗೆಲ್‌ಬ್ರೆಕ್ಟ್.