Sunil Gavaskar Dance: ʻಪುಷ್ಪಾʼ ಸಿನಿಮಾದ ʻಸಾಮಿ ಸಾಮಿʼ ಹಾಡಿಗೆ ಸುನಿಲ್ ಗವಾಸ್ಕರ್ ಡ್ಯಾನ್ಸ್

Sunil Gavaskar Dance Video: ಐಪಿಎಲ್ 2023 ರ ಉದ್ಘಾಟನಾ ಸಮಾರಂಭದ ವೇಳೆ ಭಾರತೀಯ ಬ್ಯಾಟಿಂಗ್ ದಂತಕಥೆ ಸುನಿಲ್ ಗವಾಸ್ಕರ್ 'ಸಾಮಿ ಸಾಮಿ' ಹಾಡಿಗೆ ನೃತ್ಯ ಮಾಡುವ ವಿಡಿಯೋವನ್ನು ಆಸ್ಟ್ರೇಲಿಯನ್ ನಿರೂಪಕರಾದ ನೆರೋಲಿ ಮೆಡೋಸ್ ಅವರು Instagram ಗೆ ಪೋಸ್ಟ್ ಮಾಡಿದ್ದಾರೆ. ವಿಶ್ವದ ಅತಿದೊಡ್ಡ T20 ಲೀಗ್‌ನ 2023 ರ ಸೀಸನ್ - ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 2023 ಶುಕ್ರವಾರ (ಮಾರ್ಚ್ 31) ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (CSK) vs ಗುಜರಾತ್ ಟೈಟಾನ್ಸ್ (GT) ಪಂದ್ಯದೊಂದಿಗೆ ಆರಂಭವಾಯಿತು. ಇದಕ್ಕೂ ಮುಂಚಿತವಾಗಿ ಬ್ಲಾಕ್‌ಬಾಸ್ಟರ್‌ ಉದ್ಘಾಟನಾ ಸಮಾರಂಭ ನಡೆಯಿತು. ಐಪಿಎಲ್ 2023 ರ ಉದ್ಘಾಟನಾ ಸಮಾರಂಭದಲ್ಲಿ ಭಾರತೀಯ ಚಲನಚಿತ್ರೋದ್ಯಮದ ಮೆಗಾಸ್ಟಾರ್‌ಗಳಾದ ಅರ್ಜಿತ್ ಸಿಂಗ್, ತಮನ್ನಾ ಭಾಟಿಯಾ ಮತ್ತು ರಶ್ಮಿಕಾ ಮಂದಣ್ಣ ಪ್ರದರ್ಶನ ನೀಡಿದರು.

ಇದನ್ನೂ ಓದಿ : MS Dhoniಗೆ ಗಂಭೀರ ಗಾಯ! CSK ಕೋಚ್ ನೀಡಿದ ಹೆಲ್ತ್ ಅಪ್ಡೇಟ್’ನಲ್ಲಿದೆ ಈ ಮಹತ್ವದ ಮಾಹಿತಿ

ಏತನ್ಮಧ್ಯೆ, ಐಪಿಎಲ್ 2023 ರ ಆಸ್ಟ್ರೇಲಿಯನ್ ನಿರೂಪಕರಾದ ನೆರೋಲಿ ಮೆಡೋಸ್, ರಶ್ಮಿಕಾ ವೇದಿಕೆಯಲ್ಲಿ ಪ್ರದರ್ಶನ ನೀಡುತ್ತಿದ್ದಾಗ ಭಾರತೀಯ ಬ್ಲಾಕ್‌ಬಸ್ಟರ್ 'ಪುಷ್ಪಾ' ಚಿತ್ರದ 'ಸಾಮಿ ಸಾಮಿ' ಹಾಡಿಗೆ ಭಾರತೀಯ ಬ್ಯಾಟಿಂಗ್ ದಂತಕಥೆ ಸುನಿಲ್ ಗವಾಸ್ಕರ್ ನೃತ್ಯ ಮಾಡುವ ವಿಡಿಯೋವನ್ನು ಸೆರೆ ಹಿಡಿದು Instagram ಗೆ ಪೋಸ್ಟ್ ಮಾಡಿದ್ದಾರೆ.