ದ.ಆಫ್ರಿಕಾ ಸರಣಿಯಿಂದ ಶಮಿ ಸೇರಿ ಇಬ್ಬರು ರೂಲ್ಡೌಟ್: ಬದಲಿಯಾಗಿ 27ರ ಹರೆಯದ ವೇಗಿಗೆ ಸ್ಥಾನ ಕೊಟ್ಟ ಬಿಸಿಸಿಐ

Mohammed Shami out of Test Series: ಟಿ20 ಸರಣಿ ಡ್ರಾ ಆದ ಬಳಿಕ ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾ ವಿರುದ್ಧ ಏಕದಿನ ಹಾಗೂ ಟೆಸ್ಟ್ ಸರಣಿಯನ್ನು ಆಡಬೇಕಿದೆ. ಇದಕ್ಕೂ ಮುನ್ನ ತಂಡಕ್ಕೆ ಎರಡು ಬಾರಿ ಪೆಟ್ಟು ಬಿದ್ದಿದೆ. ಟೀಂ ಇಂಡಿಯಾದ ವೇಗದ ಬೌಲರ್ ಮೊಹಮ್ಮದ್ ಶಮಿ ಟೆಸ್ಟ್ ಸರಣಿಯಿಂದ ಹೊರಬಿದ್ದಿದ್ದಾರೆ. ಈ ಬೆನ್ನಲ್ಲೇ ದೀಪಕ್ ಚಹಾರ್ ಹೆಸರನ್ನು ಏಕದಿನ ಸರಣಿಯಿಂದ ಹಿಂತೆಗೆದುಕೊಳ್ಳಲಾಗಿದೆ.

ಇದನ್ನೂ ಓದಿ: ಟಿ20 ಪಂದ್ಯ ಮುಗಿಸಿ ಹಿಂತಿರುಗುವಾಗ ಬಸ್’ನಲ್ಲಿ ಸೂರ್ಯಕುಮಾರ್-ಅರ್ಶದೀಪ್ ಜಗಳ: ವಿಡಿಯೋ ವೈರಲ್

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಪೋಸ್ಟ್ ಶೇರ್ ಮಾಡುವ ಮೂಲಕ ಈ ಮಾಹಿತಿಯನ್ನು ನೀಡಿದೆ. ವೈದ್ಯಕೀಯ ತುರ್ತುಪರಿಸ್ಥಿತಿಯಿಂದಾಗಿ ODI ಸರಣಿಯಿಂದ ಹೊರಗುಳಿಯಲು ಚಹಾರ್ ನಿರ್ಧರಿಸಿದ್ದಾರೆ. ಮತ್ತೊಂದೆಡೆ ಶಮಿ ಕೂಡ ಫಿಟ್ನೆಸ್ ಕಾರಣದಿಂದ ಟೆಸ್ಟ್ ಸರಣಿಯಿಂದ ಹೊರಗುಳಿದಿದ್ದಾರೆ.

ಇಬ್ಬರೂ ಆಟಗಾರರ ಬಗ್ಗೆ ಹೇಳಿಕೆ ನೀಡಿರುವ ಬಿಸಿಸಿಐ, 'ಕುಟುಂಬದ ವೈದ್ಯಕೀಯ ತುರ್ತುಸ್ಥಿತಿಯಿಂದಾಗಿ ಮುಂಬರುವ ಏಕದಿನ ಸರಣಿಗೆ ತಾವು ಲಭ್ಯರಿರುವುದಿಲ್ಲ ಎಂದು ದೀಪಕ್ ಚಹಾರ್ ಬಿಸಿಸಿಐಗೆ ತಿಳಿಸಿದ್ದಾರೆ. ಮೊಹಮ್ಮದ್ ಶಮಿ, ಟೆಸ್ಟ್ ಸರಣಿಯಲ್ಲಿ ಆಡುವುದು ಫಿಟ್ನೆಸ್ ಅನ್ನು ಅವಲಂಬಿಸಿದೆ. ವೇಗದ ಬೌಲರ್ ಎರಡು ಟೆಸ್ಟ್ ಪಂದ್ಯಗಳಿಂದ ಹೊರಗುಳಿದಿದ್ದಾರೆ. ಆಲ್‌ರೌಂಡರ್ ದೀಪಕ್ ಚಹಾರ್ ಅವರ ಸ್ಥಾನಕ್ಕೆ ಬದಲಿಯನ್ನು ಮಂಡಳಿಯು ಪ್ರಕಟಿಸಲಿದೆ. ಪುರುಷರ ಆಯ್ಕೆ ಸಮಿತಿಯು ಆಕಾಶ್ ದೀಪ್ ಅವರನ್ನು ಏಕದಿನ ತಂಡದ ಭಾಗವಾಗಿ ಮಾಡಿದೆ” ಎಂದಿದೆ.

ಟೀಂ ಇಂಡಿಯಾ ಅಪ್ಡೇಟೆಡ್ ODI ತಂಡ:

ರುತುರಾಜ್ ಗಾಯಕ್ವಾಡ್, ಸಾಯಿ ಸುದರ್ಶನ್, ತಿಲಕ್ ವರ್ಮಾ, ರಜತ್ ಪಾಟಿದಾರ್, ರಿಂಕು ಸಿಂಗ್, ಶ್ರೇಯಸ್ ಅಯ್ಯರ್, ಕೆಎಲ್ ರಾಹುಲ್ (ನಾಯಕ/ವಿಕೆಟ್ ಕೀಪರ್), ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), ಅಕ್ಷರ್ ಪಟೇಲ್, ವಾಷಿಂಗ್ಟನ್ ಸುಂದರ್, ಕುಲದೀಪ್ ಯಾದವ್, ಯುಜ್ವೇಂದ್ರ ಚಾಹಲ್, ಮುಖೇಶ್ ಕುಮಾರ್, ಅರ್ಷದೀಪ್ ಸಿಂಗ್, ಆಕಾಶ್ ದೀಪ್.

ಇದನ್ನೂ ಓದಿ:  ಕಿಚ್ಚನ ಕಣ್ಮುಂದೆಯೇ ವಿನಯ್, ಮೈಕಲ್, ಪ್ರತಾಪ್ ರೂಲ್ಸ್ ಬ್ರೇಕ್: “ಗೆಟ್ ಔಟ್” ಎಂದ ಸುದೀಪ್

ಅಂದಹಾಗೆ ಶ್ರೇಯಸ್ ಅಯ್ಯರ್ ಬಗ್ಗೆ ಕೂಡ ಬಿಸಿಸಿಐ ಅಪ್‌ಡೇಟ್ ನೀಡಿದೆ. ಮಂಡಳಿಯ ಪ್ರಕಾರ, ಡಿಸೆಂಬರ್ 17 ರಂದು ಜೋಹಾನ್ಸ್‌ಬರ್ಗ್‌’ನಲ್ಲಿ ನಡೆಯಲಿರುವ ಮೊದಲ ಏಕದಿನ ಪಂದ್ಯದ ನಂತರ, ಶ್ರೇಯಸ್ ಅಯ್ಯರ್ ಟೆಸ್ಟ್ ಸರಣಿಗೆ ತಯಾರಿ ನಡೆಸಲು ಟೆಸ್ಟ್ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಹೀಗಾಗಿ ಎರಡನೇ ಮತ್ತು ಮೂರನೇ ODI ಗೆ ಇರುವುದಿಲ್ಲ.