ICC Ranking : ಎಡ್ಜ್‌ಬಾಸ್ಟನ್‌ನಲ್ಲಿ ನಡೆದ ಐದನೇ ಟೆಸ್ಟ್‌ನಲ್ಲಿ ಶತಕ ಮತ್ತು ಅರ್ಧಶತಕ ಸಿಡಿಸಿದ ಟೀಂ ಇಂಡಿಯಾದ ವಿಕೆಟ್‌ಕೀಪರ್-ಬ್ಯಾಟ್ಸ್‌ಮನ್ ರಿಷಬ್ ಪಂತ್ ಮೊದಲ ಬಾರಿಗೆ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಐದನೇ ಸ್ಥಾನಕ್ಕೆ ತಲುಪಿದ್ದಾರೆ, ಆದರೆ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಮೂರು ಸ್ಥಾನಗಳನ್ನು ಕಳೆದುಕೊಂಡಿದ್ದಾರೆ. ಕೊಹ್ಲಿ ಕಳಪೆ ಪ್ರದರ್ಶನದಿಂದಾಗಿ ಟಾಪ್-10 ನಿಂದ ಹೊರಬಿದ್ದಿದ್ದಾರೆ. 6 ವರ್ಷಗಳಲ್ಲಿ ವಿರಾಟ್ ಟಾಪ್ 10 ನಿಂದ ಹೊರಗುಳಿದಿರುವುದು ಇದೇ ಮೊದಲು ಭಾರಿಯಾಗಿದೆ.


COMMERCIAL BREAK
SCROLL TO CONTINUE READING

ಐಸಿಸಿ ಟೆಸ್ಟ್‌ ರ್‍ಯಾಂಕಿಂಗ್‌: ಪಂತ್‌ ಜೀವನಶ್ರೇಷ್ಠ 5ನೇ ಸ್ಥಾನ


ವಿಕೆಟ್‌ಕೀಪರ್-ಬ್ಯಾಟ್ಸ್‌ಮನ್ ರಿಷಬ್ ಪಂತ್ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಕೇವಲ 111 ಎಸೆತಗಳಲ್ಲಿ 146 ರನ್ ಗಳಿಸಿ ನಂತರ ಪಂದ್ಯದಲ್ಲಿ 57 ರನ್ ಗಳಿಸುವ ಮೂಲಕ ಭಾರತದ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ಪಂತ್ ಕೊನೆಯ ಆರು ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ ಎರಡು ಶತಕ ಮತ್ತು ಮೂರು ಅರ್ಧ ಶತಕಗಳೊಂದಿಗೆ ಇತ್ತೀಚಿನ ಫಾರ್ಮ್ ನಲ್ಲಿ ಟೆಸ್ಟ್ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಅತ್ಯುನ್ನತ ಸ್ಥಾನಕ್ಕೆ ಏರಿದ್ದಾರೆ, ಆರು ಸ್ಥಾನಗಳನ್ನು ದಾಟಿ ಐದನೇ ಸ್ಥಾನಕ್ಕೆ ತಲುಪಿದ್ದಾರೆ.


ಇದನ್ನೂ ಓದಿ : Viral Video: ಬೈರ್‌ಸ್ಟೋಗೆ ಬಾಯ್ ಮುಚ್ಕೊಂಡು ಆಡುವಂತೆ ಹೇಳಿದ ಕೊಹ್ಲಿ..!


ವಿರಾಟ್ ಮುಂದುವರಿದ ಕಳಪೆ ಪ್ರದರ್ಶನ


ವಿರಾಟ್ ಕೊಹ್ಲಿ, ಮರು ನಿಗದಿತ ಎಡ್ಜ್‌ಬಾಸ್ಟನ್ ಟೆಸ್ಟ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ಕೇವಲ 11 ಮತ್ತು 20 ರನ್ ಗಳಿಸಿದರು ಮತ್ತು ಐಸಿಸಿ ಪುರುಷರ ಟೆಸ್ಟ್ ಆಟಗಾರರ ಶ್ರೇಯಾಂಕದಲ್ಲಿ ಟಾಪ್-10 ರಿಂದ ಹೊರಬಿದ್ದರು. ಬೈರ್‌ಸ್ಟೋವ್ ಅವರು ಅಜೇಯ 114 ರನ್‌ಗಳೊಂದಿಗೆ ಇಂಗ್ಲೆಂಡ್‌ಗೆ ಭಾರತದ ವಿರುದ್ಧ ಅದ್ಭುತ ಜಯ ಸಾಧಿಸಲು ಸಹಾಯ ಮಾಡಿದರು ಮತ್ತು ಈಗ ಟೆಸ್ಟ್ ಬ್ಯಾಟಿಂಗ್ ರ್‍ಯಾಂಕಿಂಗ್‌ ನಲ್ಲಿ 11 ಸ್ಥಾನದಿಂದ, ಹತ್ತನೇ ಸ್ಥಾನಕ್ಕೆ ತಲುಪಿದ್ದಾರೆ.


ಬೈರ್‌ಸ್ಟೋಗೆ ಬಿಗ್ ಚಾನ್ಸ್ 


32 ವರ್ಷ ವಯಸ್ಸಿನ ಬೈರ್‌ಸ್ಟೋ ತಮ್ಮ ಕೊನೆಯ ಮೂರು ಟೆಸ್ಟ್‌ಗಳಲ್ಲಿ ನಾಲ್ಕು ಶತಕಗಳೊಂದಿಗೆ ತಮ್ಮ ವೃತ್ತಿಜೀವನದ ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾರೆ, ಭಾರತ ವಿರುದ್ಧ ಮರುನಿಗದಿಪಡಿಸಲಾದ ಟೆಸ್ಟ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸತತ ಪಂದ್ಯಗಳಲ್ಲಿ ಶತಕ ಗಳಿಸಿದ್ದಾರೆ. ಪ್ರಸ್ತುತ ನಡೆಯುತ್ತಿರುವ ICC ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಚಕ್ರದಲ್ಲಿ ಬೈರ್‌ಸ್ಟೋವ್ 6 ಶತಕಗಳೊಂದಿಗೆ 55.36 ಸರಾಸರಿಯಲ್ಲಿ 1218 ರನ್ ಗಳಿಸಿದ್ದಾರೆ. ಜೋ ರೂಟ್ ರ್‍ಯಾಂಕಿಂಗ್‌ ನಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ ಮತ್ತು ಅಜೇಯ ಶತಕ (142 ನಾಟೌಟ್) ಅವರನ್ನು ಎಡ್ಜ್‌ಬಾಸ್ಟನ್‌ನಲ್ಲಿ ಇಂಗ್ಲೆಂಡ್‌ನ ದಾಖಲೆಯನ್ನು ಬೆನ್ನಟ್ಟುವ ಸಂದರ್ಭದಲ್ಲಿ ಅವರ ಅತ್ಯುನ್ನತ ರೇಟಿಂಗ್ ಪಾಯಿಂಟ್ (923) ಗೆ ಮುಂದುವರೆದಿದೆ. ಇದು ಮಾಜಿ ಇಂಗ್ಲೆಂಡ್ ನಾಯಕನನ್ನು ಐಸಿಸಿ ಶ್ರೇಯಾಂಕದ ಇತಿಹಾಸದಲ್ಲಿ ಅಗ್ರ 20 ಅತಿ ಹೆಚ್ಚು-ರೇಟೆಡ್ ಬ್ಯಾಟ್ಸ್‌ಮನ್‌ಗಳ ವಿಶೇಷ ಪಟ್ಟಿಗೆ ತಲುಪಿದ್ದಾರೆ.


ಇದನ್ನೂ ಓದಿ : ಟೀಂ ಇಂಡಿಯಾದಿಂದ ಹೊರಗುಳಿದ ಆಲ್‌ರೌಂಡರ್‌: ಕಾರಣ ಏನು ಗೊತ್ತಾ?


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ