ಟೈಮ್ ಔಟ್ ವಿವಾದ: `ವಿಡಿಯೋ ಸಾಕ್ಷಿ` ನೀಡಿ ತಪ್ಪು ಮಾಡಿಲ್ಲ ಎಂದ ಏಂಜೆಲೊ ಮ್ಯಾಥ್ಯೂಸ್!

Cricket World Cup Time Out Controversy: ನವೆಂಬರ್ 6 ರಂದು ನಡೆದ ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ಕ್ರಿಕೆಟ್ ವಿಶ್ವಕಪ್ 2023 ರ ಪಂದ್ಯದಲ್ಲಿ ಎರಡು ನಿಮಿಷಗಳ ಅಧಿಕೃತ ಸಮಯದ ಮಿತಿಯನ್ನು ಮೀರಲಿಲ್ಲ ಎಂದು ಶ್ರೀಲಂಕಾದ ಸ್ಟಾರ್ ಆಟಗಾರ ಏಂಜೆಲೊ ಮ್ಯಾಥ್ಯೂಸ್ ವಿಡಿಯೋ ಪುರಾವೆ ನೀಡಿದ್ದಾರೆ. 

ನವದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದ ವೇಳೆ ಸದೀರ ಸಮರವಿಕ್ರಮ ಔಟಾದ ನಂತರ ಏಂಜೆಲೊ ಮ್ಯಾಥ್ಯೂಸ್ ಬಂದರು. ಬಳಿಕ ಬೌಲರ್ ಅನ್ನು ಎದುರಿಸಲು ಎರಡು ನಿಮಿಷಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡರು ಎಂದು ಹೇಳಿ ಔಟ್‌ ನೀಡಲಾಯಿತು. ಅಂಪೈರ್‌ಗಳಿಂದ 'ಟೈಮ್ ಔಟ್' ಆದ ಮ್ಯಾಥ್ಯೂಸ್ ಕ್ರಿಕೆಟ್ ನಲ್ಲಿ ಇತಿಹಾಸವನ್ನು ನಿರ್ಮಿಸಿದರು.

“ಪುರಾವೆ! ಕ್ಯಾಚ್ ತೆಗೆದುಕೊಂಡ ಸಮಯದಿಂದ ಮತ್ತು ಹೆಲ್ಮೆಟ್ ಹೊರಬರುವ ಸಮಯದವರೆಗೆ” ಎಂದು ಶೀರ್ಷಿಕೆ ನೀಡಿ ಮ್ಯಾಥ್ಯೂಸ್ ವಿಡಿಯೋ ಶೇರ್‌ ಮಾಡಿದ್ದಾರೆ.