“ನಾನು 100% ಕೀವೀಸ್ ಪ್ರಜೆ, ಆದರೆ ಭಾರತವೆಂದರೆ…”- ಪತ್ರಕರ್ತನ ಪ್ರಶ್ನೆಗೆ ರಚಿನ್ ರವೀಂದ್ರ ಕೊಟ್ಟ ಉತ್ತರ ಹೀಗಿತ್ತು..

Ravindra Statement About India: ಕಳೆದ ದಿನ ಅಂದರೆ ಅಕ್ಟೋಬರ್ 28 ರಂದು ನಡೆದ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವಕಪ್‌ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್‌ ಸೋಲು ಕಂಡಿತ್ತು. ಆದರೆ ಈ ಪಂದ್ಯದಲ್ಲಿ ಕೀವೀಸ್ ಯುವ ಬ್ಯಾಟರ್ ರಚಿನ್ ರವೀಂದ್ರ ಭರ್ಜರಿ ಶತಕದಾಟವಾಡಿದ್ದರು. 89 ಎಸೆತಗಳಲ್ಲಿ ಭರ್ಜರಿ 116 ರನ್ ಗಳಿಸಿದ ರಚಿನ್, ಕಿವೀಸ್‌ ಬಳಗಕ್ಕೆ ನೆರವಾದವರು.‌

ಇದನ್ನೂ ಓದಿ: ಅಪ್ಪು 2ನೇ ಪುಣ್ಯಸ್ಮರಣೆ: ಅಪ್ಪು ಸ್ಮಾರಕದ ಮುಂದೆ ಅವರಿಗಿಷ್ಟವಾದ ತಿನಿಸು ಇಟ್ಟ ಮುದ್ದು ಮಕ್ಕಳು..

ಇನ್ನು ಪಂದ್ಯದ ಬಳಿಕ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ರಚಿನ್ ಬಳಿ ಭಾರತದಲ್ಲಿ ಆಡುತ್ತಿರುವ ಅನುಭವ, ಆಡುವಾಗ ಎದುರಾಗುವ ಒತ್ತಡದ ಬಗ್ಗೆ ಪ್ರಶ್ನೆ ಕೇಳಲಾಯಿತು. ಈ ಪ್ರಶ್ನೆಗಳಿಗೆ ರಚಿನ್ ಜಾಣ್ಮೆಯ ಉತ್ತರವನ್ನೇ ನೀಡಿದ್ದಾರೆ.

ಇದನ್ನೂ ಓದಿ: ನಾವಿಕನಿಲ್ಲದೆ ಮುಳುಗುತ್ತಿರುವ ಬಿಜೆಪಿ ಹಡಗಿನಿಂದ ಎಲ್ಲರೂ ಹೊರ ಜಿಗಿಯುವವರೇ?: ಕಾಂಗ್ರೆಸ್

“ಈ ಪ್ರಶ್ನೆಯನ್ನು ನನಗೆ ಬಹಳಷ್ಟು ಬಾರಿ ಕೇಳಲಾಗಿದೆ. ನಾನು 100% ನ್ಯೂಜಿಲ್ಯಾಂಡ್‌ ಪ್ರಜೆ.  ಆದರೆ ಇದೇ ವೇಳೆ ನನ್ನ ಭಾರತೀಯ ಪರಂಪರೆಯ ಬಗ್ಗೆ ತುಂಬಾ ಹೆಮ್ಮೆಪಡುತ್ತೇನೆ. ಇದು ನನ್ನ ಹೆತ್ತವರು ಹುಟ್ಟಿ ಬೆಳೆದ ದೇಶ. ಇಲ್ಲಿ ಆಟವಾಡಲು ನನಗೆ ಹೆಮ್ಮೆಯಾಗುತ್ತಿದೆ.  ನನ್ನ ಕುಟುಂಬದ ಬಹಳಷ್ಟು ಮಂದಿ ಇಲ್ಲಿಯೇ ಇದ್ದಾರೆ” ಎಂದು ರಚಿನ್ ಹೇಳಿದ್ದಾರೆ.