Virat post for Ronaldo: ರೊನಾಲ್ಡೋಗೆ ಕೊಹ್ಲಿ ಕಳುಹಿಸಿದ್ರು ಸ್ಪೆಷಲ್ ಮೆಸೇಜ್: ಮನಮುಟ್ಟುವಂತಿದೆ ‘ವಿರಾಟ’ ಸಂದೇಶ

Virat Kohli post for Cristiano Ronaldo: ಸದ್ಯ ಎಲ್ಲೆಡೆ ಫಿಫಾ ವಿಶ್ವಕಪ್ ಹವಾ ಶುರುವಾಗಿದೆ. ಕತಾರ್ ನಲ್ಲಿ ನಡೆಯುತ್ತಿರುವ ಈ ವರ್ಣರಂಜಿತ ಪಂದ್ಯಾವಳಿಗೆ ಇನ್ನೇನು ಕೆಲವು ದಿನಗಳಲ್ಲಿ ತೆರೆ ಬೀಳಲಿದೆ. ಇನ್ನು ಕ್ವಾರ್ಟರ್ ಫೈನಲ್ ನಲ್ಲಿ ಸೋಲುಂಡ ಪೋರ್ಚುಗಲ್ ಎಲ್ಲರನ್ನೂ ನಿರಾಶೆಯನ್ನು ಒಳಪಡಿಸಿತ್ತು. ಆದರೆ ಇದೇ ಸಂದರ್ಭದಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ಕಣ್ಣೀರಿನ ವಿದಾಯ ಎಲ್ಲರ ಹೃದಯ ಮುಟ್ಟುವಂತಿತ್ತು. ಈ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿತ್ತು. ಈ ಬೆನ್ನಲ್ಲೇ ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿಯವರಿಗೂ ಬೇಸರ ಮೂಡಿಸಿದ್ದು, ರೊನಾಲ್ಡೋಗೆ ಸ್ಪೂರ್ತಿದಾಯಕ ಸಂದೇಶವನ್ನು ರವಾನಿಸಿದ್ದಾರೆ.  

ಇದನ್ನೂ ಓದಿ: Cristiano Ronaldo Crying Video: ‘ಅಂತಿಮ’ ಪಂದ್ಯದಿಂದ ಕಣ್ಣೀರು ಸುರಿಸುತ್ತಾ ಹೊರಬಂದ ರೊನಾಲ್ಡೋ: ವಿಡಿಯೋ ಕಂಡು ಎದೆಗುಂದಿದ ಫ್ಯಾನ್ಸ್

ಪೋರ್ಚುಗಲ್ ಅನ್ನು 1-0 ಗೋಲುಗಳ ಅಂತರದಿಂದ ಮೊರೊಕ್ಕೊ ತಂಡ ಸೋಲಿಸಿತ್ತು. ಈ ಬಳಿಕ ಕತಾರ್‌ನಲ್ಲಿ ತಮ್ಮ ಸೋಲಿನ ಬಗ್ಗೆ ರೊನಾಲ್ಡೊ Instagram ನಲ್ಲಿ ಭಾವನಾತ್ಮಕ ಸಂದೇಶವನ್ನು ಪೋಸ್ಟ್ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ವಿರಾಟ್ ಕೊಹ್ಲಿ, “ಯಾವುದೇ ಟ್ರೋಫಿ ಅಥವಾ ಯಾವುದೇ ಶೀರ್ಷಿಕೆಯಾಗಲಿ ನೀವು ಈ ಕ್ರೀಡೆಯಲ್ಲಿ ಮತ್ತು ಪ್ರಪಂಚದಾದ್ಯಂತ ಕ್ರೀಡಾಭಿಮಾನಿಗಳಿಗೆ ಏನನ್ನು ನೀಡಿದ್ದೀರಿ ಎಂಬುದನ್ನು ಅಳೆಯಲು ಸಾಧ್ಯವಿಲ್ಲ” ಎಂದು ಕೊಹ್ಲಿ ಬರೆದಿದ್ದಾರೆ.

ಸ್ವಿಟ್ಜರ್ಲೆಂಡ್ ವಿರುದ್ಧದ ಪೋರ್ಚುಗಲ್‌ನ ರೌಂಡ್ ಆಫ್ 16 ಪಂದ್ಯದಲ್ಲಿ ಮತ್ತು ಮೊರಾಕೊ ವಿರುದ್ಧದ ಕ್ವಾರ್ಟರ್‌ಫೈನಲ್‌ನಲ್ಲಿ ರೊನಾಲ್ಡೊ ಆರಂಭಿಕ XI ನಲ್ಲಿ ಇರಲಿಲ್ಲ. ಈ ಬದಲಾವಣೆ ಪ್ರಪಂಚಕ್ಕೇ ಆಶ್ವರ್ಯವನ್ನು ತಂದೊಡ್ಡಿತ್ತು. ಕತಾರ್‌ನಲ್ಲಿ ನಡೆದ ಕೊನೆಯ ಎಂಟು ಮುಖಾಮುಖಿಯು ರೊನಾಲ್ಡೊ ಅವರ 196 ನೇ ಅಂತರರಾಷ್ಟ್ರೀಯ ಪಂದ್ಯವಾಗಿತ್ತು. ಇದು ಪುರುಷರ ಅಂತರರಾಷ್ಟ್ರೀಯ ಪಂದ್ಯಗಳ ದಾಖಲೆಯನ್ನು ಸರಿಗಟ್ಟಿದೆ.