ಸ್ಲೋ ಇರುವ ಇಂಟರ್ನೆಟ್ Super speed ಆಗಬೇಕಾದರೆ ಈ ಟಿಪ್ಸ್ ಅನ್ನು ಅನುಸರಿಸಿ

Smartphone Tips : ಇಂದಿನ ಯುಗದಲ್ಲಿ,ಇಂಟರ್ನೆಟ್ ನಮ್ಮ ಜೀವನದ ಪ್ರಮುಖ ಭಾಗವಾಗಿದೆ.ಕೆಲಸದಿಂದ ಮನರಂಜನೆಯವರೆಗೆ,ಎಲ್ಲದಕ್ಕೂ ನಮಗೆ ಇಂಟರ್ನೆಟ್ ಅಗತ್ಯವಿದೆ.ಇಂಟರ್ನೆಟ್ ಸಹಾಯದಿಂದ, ನಾವು ನಮ್ಮ ಅನೇಕ ಪ್ರಮುಖ ಕಾರ್ಯಗಳನ್ನು ಮನೆಯಲ್ಲಿ ಕುಳಿತೇ ಮಾಡಿ ಬಿಡಬಹುದು.ಆದರೆ,ಇಂಟರ್ನೆಟ್ ಸ್ಪೀಡ್  ಕಡಿಮೆಯಾದರೆ ಬಹಳಷ್ಟು ತೊಂದರೆಗೆ ಕಾರಣವಾಗುತ್ತದೆ.ನೀವು ಸಹ ಈ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ಚಿಂತಿಸಬೇಡಿ.ಇಂದು ನಾವು ನಿಮಗೆ ಇಂಟರ್ನೆಟ್ ಫಾಸ್ಟ್ ಹೆಚ್ಚಿಸುವ ಕೆಲವು ಸರಳ ಟಿಪ್ಸ್ ಗಳನ್ನು ನೀಡುತ್ತೇವೆ. 

1. ನಿಮ್ಮ ಡಿವೈಸ್ ಅನ್ನು ರೀ ಸ್ಟಾರ್ಟ್ ಮಾಡಿ : 
ಕೆಲವೊಮ್ಮೆ ಸಮಸ್ಯೆ ನಿಮ್ಮ  ಡಿವೈಸ್ ನಲ್ಲಿಯೂ ಇರಬಹುದು.ಆದ್ದರಿಂದ,ನೀವು ಸ್ಮಾರ್ಟ್‌ಫೋನ್,ಲ್ಯಾಪ್‌ಟಾಪ್ ಅಥವಾ ಕಂಪ್ಯೂಟರ್‌ನಲ್ಲಿ ಇಂಟರ್ನೆಟ್ ಬಳಸುತ್ತಿದ್ದರೆ  ನಿಮ್ಮ ಯಾವುದೇ ಸಾಧನವನ್ನು ರೀ ಸ್ಟಾರ್ಟ್ ಮಾಡಿ.ಹೀಗೆ ಮಾಡುವುದರಿಂದ ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಬಹುದು.

ಇದನ್ನೂ ಓದಿ : Wifi Inverter: ಈಗ ಕರೆಂಟ್ ಇಲ್ಲದಿದ್ರೂ ಇಂಟರ್‌ನೆಟ್ ಬಳಸಬಹುದು, ಹೇಗ್ ಗೊತ್ತಾ?

2. ವೈ-ಫೈ ಸಿಗ್ನಲ್ ಪರಿಶೀಲಿಸಿ :
ನೀವು Wi-Fi ಬಳಸುತ್ತಿದ್ದರೆ,ರೂಟರ್‌ನಿಂದ ನಿಮ್ಮ  ಡಿವೈಸ್ ಅಂತರವನ್ನು ಕಡಿಮೆ ಮಾಡಿ.ಗೋಡೆಗಳು ಮತ್ತು ಇತರ ವಸ್ತುಗಳು ವೈ-ಫೈ ಸಿಗ್ನಲ್ ಮೇಲೆ ಪರಿಣಾಮ ಬೀರಬಹುದು. 

3. ಇತರ  ಡಿವೈಸ್ ಗಳನ್ನು ಆಫ್ ಮಾಡಿ : 
ನಿಮ್ಮ ಮನೆಯಲ್ಲಿ ವೈ-ಫೈ ಮೂಲಕ ಬಹು ಸಾಧನಗಳಲ್ಲಿ ಇಂಟರ್ನೆಟ್ ಬಳಸುತ್ತಿದ್ದರೆ, ಅವುಗಳಲ್ಲಿ ಕೆಲವನ್ನು ಸ್ವಿಚ್ ಆಫ್ ಮಾಡುವುದರಿಂದ ಇಂಟರ್ನೆಟ್ ಸ್ಪೀಡ್  ಹೆಚ್ಚಿಸಬಹುದು.

4. ಸಾಫ್ಟ್‌ವೇರ್ ಅನ್ನು ಅಪ್ಡೇಟ್ ಮಾಡಿ :
ಕೆಲವೊಮ್ಮೆ ಹಳೆಯ ಸಾಫ್ಟ್‌ವೇರ್ ಇಂಟರ್ನೆಟ್ ಸ್ಪೀಡ್ ಅನ್ನು ಕಡಿಮೆಯಾಗಲು ಕಾರಣವಾಗಬಹುದು.ಆದ್ದರಿಂದ,ನಿಮ್ಮ ಆಪರೇಟಿಂಗ್ ಸಿಸ್ಟಮ್, ಬ್ರೌಸರ್ ಮತ್ತು ಇತರ ಸಾಫ್ಟ್‌ವೇರ್ ಅನ್ನು ಅಪ್ಡೇಟ್ ಮಾಡಿ. ಇದರಿಂದ ಇಂಟರ್ನೆಟ್ ಸ್ಪೀಡ್  ಉತ್ತಮವಾಗಿರುತ್ತದೆ.

ಇದನ್ನೂ ಓದಿ : Whatsapp: ಒಂದೇ ತಿಂಗಳಲ್ಲಿ 71 ಲಕ್ಷ ಭಾರತೀಯ ಖಾತೆಗಳನ್ನು ನಿಷೇಧಿಸಿದ ವಾಟ್ಸಾಪ್

5. ವೈರಸ್‌ಗಳು ಮತ್ತು ಮಾಲ್‌ವೇರ್‌ಗಳನ್ನು ಪರಿಶೀಲಿಸಿ : 
ಕೆಲವೊಮ್ಮೆ ವೈರಸ್‌ಗಳು ಮತ್ತು ಮಾಲ್‌ವೇರ್‌ಗಳು ಇಂಟರ್ನೆಟ್ ಸ್ಪೀಡ್ ಅನ್ನು ಕಡಿಮೆ ಮಾಡಬಹುದು.ಆದ್ದರಿಂದ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಉತ್ತಮ ಆಂಟಿ-ವೈರಸ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಫೋನ್ ಅನ್ನು ಸ್ಕ್ಯಾನ್ ಮಾಡಿ. ಇದು ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಲು ಸಹಾಯ ಮಾಡುತ್ತದೆ. 

6. ಇಂಟರ್ನೆಟ್ ಸೇವಾ ಪೂರೈಕೆದಾರರನ್ನು ಸಂಪರ್ಕಿಸಿ : 
ನೀವು ಮೇಲೆ ತಿಳಿಸಲಾದ ಎಲ್ಲಾ ವಿಧಾನಗಳನ್ನು ಪ್ರಯತ್ನಿಸಿದ ನಂತರವೂ ಇಂಟರ್ನೆಟ್  ಸ್ಪೀಡ್ ಸರಿಯಾಗದಿದ್ದರೆ ನಿಮ್ಮ ಇಂಟರ್ನೆಟ್ ಸೇವಾ ಪೂರೈಕೆದಾರರನ್ನು ಸಂಪರ್ಕಿಸಿ. ಕೆಲವು ತಾಂತ್ರಿಕ ದೋಷದಿಂದ ಇಂಟರ್ನೆಟ್ ವೇಗ ಕಡಿಮೆಯಾಗಿರುವ ಸಾಧ್ಯತೆಯೂ ಇರುತ್ತದೆ.