WhatsApp Scam message: ವಾಟ್ಸಾಪ್‌ನಲ್ಲಿ ಬರುವ ಇಂತಹ ಸಂದೇಶಗಳ ಬಗ್ಗೆ ಇರಲಿ ಎಚ್ಚರ

WhatsApp Scam message: ವಾಟ್ಸಾಪ್ ವಿಶ್ವಾದ್ಯಂತ ಅತ್ಯಂತ ಜನಪ್ರಿಯ ತ್ವರಿತ ಸಂದೇಶ ಕಳುಹಿಸುವಿಕೆಯ ಅಪ್ಲಿಕೇಶನ್ ಆಗಿದೆ. ಈ ಜನಪ್ರಿಯತೆಯಿಂದಾಗಿ ಹ್ಯಾಕರ್‌ಗಳು ಈಗ ಅದನ್ನು ವೀಕ್ಷಿಸುತ್ತಿದ್ದಾರೆ. ವಾಸ್ತವವಾಗಿ ಈ ದಿನಗಳಲ್ಲಿ ವಾಟ್ಸಾಪ್ನಲ್ಲಿ ಹಲವು ಸಂದೇಶಗಳು ಹೆಚ್ಚು ವೈರಲ್ ಆಗುತ್ತಿವೆ. ಇದರಲ್ಲಿ ಪಾರ್ಟ್ ಟೈಮ್ ಜಾಬ್- ವರ್ಕ್ ಫ್ರಮ್ ಹೋಂ ಭರವಸೆ ನೀಡಲಾಗುತ್ತಿದೆ. ನೀವೂ ಸಹ ಅಂತಹ ಸಂದೇಶವನ್ನು ಸ್ವೀಕರಿಸಿದ್ದರೆ ಜಾಗರೂಕರಾಗಿರಿ. ಈ ಸಂದೇಶದೊಂದಿಗೆ ಒದಗಿಸಲಾದ ಲಿಂಕ್ ಅನ್ನು ಕ್ಲಿಕ್ ಮಾಡುವುದರ ಮೂಲಕ ನಿಮ್ಮ ಬ್ಯಾಂಕ್ ಖಾತೆ ಖಾಲಿಯಾಗಿರಬಹುದು ಅಥವಾ ನಿಮ್ಮ ವೈಯಕ್ತಿಕ ಡೇಟಾ ಸೋರಿಕೆಯಾಗಬಹುದು.

ವೈರಲ್ ಸಂದೇಶದಲ್ಲಿ ಏನಿದೆ?
ವಾಟ್ಸಾಪ್‌ನಲ್ಲಿ ವಂಚಕರು ಕಳುಹಿಸುತ್ತಿದ್ದಾರೆ ಎಂಬ ಸಂದೇಶದಲ್ಲಿ ನೀವು ವರ್ಕ್ ಫ್ರಮ್ ಹೋಂ (Work From Home) /ಮನೆಯಲ್ಲಿಯೇ ಕುಳಿತು ಕೆಲವೇ ನಿಮಿಷಗಳಲ್ಲಿ ಸಾವಿರಾರು ರೂಪಾಯಿಗಳನ್ನು ಗಳಿಸಬಹುದು ಎಂದು ಹೇಳಲಾಗಿದೆ. ನೀವು ಮನೆಯಲ್ಲಿಯೇ ಇದ್ದು ನಿಮ್ಮ ಮೊಬೈಲ್ ಮೂಲಕವೇ ಪಾರ್ಟ್ ಟೈಮ್ ಜಾಬ್ ಮಾಡಬಹುದು ಎಂದು ಸಂದೇಶವು ಹೇಳುತ್ತದೆ. ಈ ಕೆಲಸದಲ್ಲಿ ನೀವು ಪ್ರತಿದಿನ 10-30 ನಿಮಿಷ ಮಾತ್ರ ಕೆಲಸ ಮಾಡುವ ಮೂಲಕ 200 ರೂಪಾಯಿಯಿಂದ 3 ಸಾವಿರ ರೂಪಾಯಿಗಳನ್ನು ಗಳಿಸಬಹುದು. ಹೊಸ ಬಳಕೆದಾರರಿಗೆ 50 ರೂಪಾಯಿ ಬೋನಸ್ ಕೂಡ ಸಿಗುತ್ತದೆ ಎಂದು ವೈರಲ್ ಸಂದೇಶದಲ್ಲಿ ಬರೆಯಲಾಗಿರುತ್ತದೆ. ಸಂದೇಶದಲ್ಲಿ ಲಿಂಕ್ ಅನ್ನು ಕೆಳಗೆ ನೀಡಲಾಗಿದೆ, ಅದರ ಮೇಲೆ ಕ್ಲಿಕ್ ಮಾಡುವ ಮೂಲಕ ನೀವೂ ಸಹ ಹಣ ಗಳಿಸಬಹುದು ಎಂದು ಬರೆಯಲಾಗಿರುತ್ತದೆ.

ನೀವು ಸಂದೇಶವನ್ನು ಸ್ವೀಕರಿಸಿದಾಗ ಏನು ಮಾಡಬೇಕು?
ನೀವು ಈ ರೀತಿಯ ಸಂದೇಶವನ್ನು ವಾಟ್ಸಾಪ್ (Whatsapp) ಅಥವಾ ಇನ್ನಾವುದೇ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ಸ್ವೀಕರಿಸಿದರೆ ನೀವು ಸಂದೇಶವನ್ನು ಸ್ವೀಕರಿಸಿದ ಸಂಖ್ಯೆಯನ್ನು ತಕ್ಷಣ ನಿರ್ಬಂಧಿಸಿ. ಸಂದೇಶವನ್ನು ಸಹ ಅಳಿಸಿ, ಇದರಿಂದ ಅದರಲ್ಲಿರುವ ಲಿಂಕ್ ತಪ್ಪಾಗಿ ಕ್ಲಿಕ್ ಆಗುವುದಿಲ್ಲ. ಖೋಟಾ ಅರೆಕಾಲಿಕ ಕೆಲಸದ ಈ ಸಂದೇಶವು ಹೆಚ್ಚಾಗಿ +212 ಕೋಡ್ ಹೊಂದಿರುವ ಸಂಖ್ಯೆಯಿಂದ ಬರುತ್ತಿದೆ.

ಈ ಸಂದೇಶಗಳನ್ನು ವಿಭಿನ್ನ ಸಂಖ್ಯೆಗಳಿಂದ ಕಳುಹಿಸಲಾಗುತ್ತಿದೆ. ಅಂತಹ ಸಂದೇಶವು ಭಾರತದ ಕೋಡ್ +91 ಸಂಖ್ಯೆಯಿಂದ ಬಂದಿದ್ದರೆ, ಅದನ್ನು ನಿರ್ಲಕ್ಷಿಸಿ. ಕೆಲವೊಮ್ಮೆ ಮೋಸಗಾರರು ದೊಡ್ಡ ಕಂಪನಿಗಳ ಹೆಸರಿನಲ್ಲಿ ಇಂತಹ ಸಂದೇಶಗಳನ್ನು ಕಳುಹಿಸುತ್ತಾರೆ. ಆದ್ದರಿಂದ ನೀವು ಜಾಗರೂಕರಾಗಿರಬೇಕು. ಯಾವುದೂ ಉಚಿತವಾಗಿ ಲಭ್ಯವಿಲ್ಲ ಎಂಬುದನ್ನು ಯಾವಾಗಲೂ ನೆನಪಿನಲ್ಲಿಡಿ. ಅಂತಹ ಪರಿಸ್ಥಿತಿಯಲ್ಲಿ ಒಂದು ಸಂದೇಶವು ಕೆಲವೇ ನಿಮಿಷಗಳಲ್ಲಿ ಸಾವಿರಾರು ಗಳಿಸುವುದಾಗಿ ಹೇಳಿಕೊಳ್ಳುತ್ತಿದ್ದರೆ, ಅದನ್ನು ನಿರ್ಲಕ್ಷಿಸುವುದು ಉತ್ತಮ.

ಇದನ್ನೂ ಓದಿ: ಎಸ್‌ಬಿಐ ಸೇರಿದಂತೆ ಈ 4 ದೊಡ್ಡ ಬ್ಯಾಂಕ್‌ಗಳ ಗ್ರಾಹಕರಿಗೆ Whatsapp ನೀಡುತ್ತಿದೆ ಈ ಸೌಲಭ್ಯ

ಫಿಶಿಂಗ್ ಸಂದೇಶಗಳಲ್ಲಿ ಒಳಗೊಂಡಿರುವ ಲಿಂಕ್‌ಗಳು ಸಾಮಾನ್ಯವಾಗಿ ಮಾಲ್‌ವೇರ್ (ಒಂದು ರೀತಿಯ ವೈರಸ್). ಬಳಕೆದಾರರ ಫೋನ್‌ಗಳಲ್ಲಿ ಅವರು ಲಿಂಕ್ ಅನ್ನು ಕ್ಲಿಕ್ ಮಾಡಿದ ತಕ್ಷಣ ಈ ಮಾಲ್‌ವೇರ್ ಅನ್ನು ಸ್ಥಾಪಿಸಲಾಗುತ್ತದೆ. ಇದು ಬಳಕೆದಾರರು ತಮ್ಮ ಎಟಿಎಂ ಪಿನ್, ಕಾರ್ಡ್ ಸಂಖ್ಯೆಯಂತಹ ಇತರ ಹಣಕಾಸಿನ ವಿವರಗಳನ್ನು ಅಥವಾ ವೈಯಕ್ತಿಕ ವಿವರಗಳನ್ನು ಕೇಳುತ್ತದೆ. ನಂತರ ಈ ಡೇಟಾವನ್ನು ಅಕ್ರಮವಾಗಿ ಬಳಸಲಾಗುತ್ತದೆ.